01-10-2018, 12:06 PM
|
|
|
|
|
|
ياسارق القلب رد القلب لي رده .
ياسارق القلب رد القلب لي رده
لا تروح عني وقلبي في سجن عينك
اختار يا ترد قلبي لي او توده
في الحب حكّم قلبي بيني وبينك
من يسرق القلب لا يمكن لك يرده
ياخذك كلك ولا تدري معه وينك
حتى الاحساسيس تلقاهم وسط يده
بس يترك الشوق والدمعات في عينك
من يوم شفتك وقلبي مد لك يده
والعين ذابت في روعة حسنك وزينك
فصلت قلبي على الحب وطلع قده
وحطيت قلبي انا في راحة يمينك
من ود ودك وودك في الهوى وده
لا تخلي البين يبني بينه وبينك
ما حد حدك ولا احد في الغلا حده
زان بخفوقك وزان بخافقه زينك
بنيت بك حلم يالمحبوب لا تهده
واجمل سنيني تغني لاجمل سنينك
حتى المكان اللي شفتك فيه من مده
اسأله وينك وهو يسأل بعد وينك
درب الهوى صعب لو يتحاول الرده
درب ينسيك في الدنيا عناوينك
يسعدك لكن يسم الحال ويهده
والورد والشوق ينبت في بساتينك
حطيت لك الف عذرو قلت لك رده
لا تخيب الظن لا تخذل محبيتك
للحين صابر واذا صبري وصل حده
سلم على قلبي اللي في سجن عينك
لو الزمن يوم وقف ضدك وضده
حاول تصده ولا تترك محبينك
لا ترخي حبل الغرام وترجع تشده
ولا تسمح لاحد يدخل بينه وبينك
dhshvr hgrgf v] gd v]i >
|
|