يا درب لا
تشكي مسافتك للأيام
النفس من كثر المواجيع مجروحه
اليا نشدتك قلت وعد الهناء قدام
صوت المشاعر من وعايدك
مبحوحه
اما تحقق مبتغايه من الاحلام
ولا تبا تبطي وفرحتك مذبوحه
شيبتني يا درب ما شفت لك مرسام
خريطتك صعبه ولاهي بمشروحه
فيها الطلاسم تتعب القلب با الأوهام
الهم بأعماق الخلي شيّد صروحه
وحروف شعري دون عدك تصيح حيام
غلطتك تجرحني ولا هي بمسموحه
حتى الورق من لوعته يشكي الاقلام
والفكر ينزفها بجده وبمزوحه
ونا مشيت احلامي وحافي الاقدام
جاهل ولا يعرف طريقه ومصلوحه
كنت احسب الدنيا مثل هبة الانسام
يعيشها المخلوق وتزّود فروحه
واثر الليالي نوب زينه ونوب خصام
واسرارها من صدر الاوجاع
مبيوحه
القلب في حضن السهر والمتاهه نام
متى يفوق ويغتنم روحه بروحه
ايامنا سكة سفر والسنين ارقام
في كل عام تزيد الارقام فا اللوحه
اجاذبك واداعبك واكتبك منضام
يا دربي اللي فيك الاجراح مطروحه
اما تحقق فا المسافه كثير احلام
ولا تبا تبطي والاشواق مذبوحه
الشاعر ناصر الشريف