ولا تحــــزن على حزة مغيب الشمس عن دنياك
تغيب وعذرها تاخذ صباح الغير من ليلك
ولا تحــــزن اذا ما غنت الدنيا على ليلاك
تبسم وانتظر يمكن يجي يوم وتغني لك
ولا تحـــــزن على ارضك اذا صار الوطن منفاك
تمسك ب آخر ترابه الى ان ترابه يشيلك
ولا تحـــــــزن على اسمك ولا شكلك ولا منشاك
تفاصيلك تكون احيان ما تحمل تفاصيلك
ولا تحـــــــزن اذا صرت الغريب بطبعك ومبداك
مادام الحلم حلمك لازم التاويل تأويلك
ولا تحـــــزن اذا مافيه غير الذنب شي ابكاك
دموع لغير وجه الله ما تسوى مناديلك
ولا تــــحزن على نفسك اذا احرمتها مشهاك
يا كبر الفارق اللي بين تمهيلك و تأميلك
ولا تحـــــزن اذا ما باقي الا ايديك في مخباك
نصيبك كاتبه ربي يجي لك غصب بيجي لك
ولا تحــــــزن لو اصحابك ورا ظهرك تصير عداك
ورا ظهرك بتلقى ناس تفرح لك وتدعي لك
ولا تــــــحزن على اللي ما نسيت انه قدر ينساك
تاكد من يضحي فيك لا يمكن يضحى لك
ولا تحـــــزن اذا تزرع ورود وتجني الاشواك
يجوز العيب من تربتك ماهو من مخاييلك
ولا تـــــــــحزن على عثرات عمرك جعلها تفداك
تشوف القادم اجمل كل ما توقف على حيلك
ولا تحــــــزن اذا ما انصفوك الناس في محياك
تموت ويسرفون الناس في مدحك وتبجيلك
ولا تحــــــزن اذا ما راح احد يحزن على فرقاك
من دروب الفراق اختار دربٍ ما يودي لك
ولا تحـــــــزن ولو حتى يصير الحزن من سيماك
ترى الافراح تعني لك لان الحزن يعني لك
, gh jpJ.k tvdr hglpfi jpJ.k