مخاويني , يرتد , عطرك , وطيفك

عطرك وطيفك على دربي مخاويني

سمعت صوتك على الجوال واطربني
مما بقلبي عليك إهتز وجداني

ودي بشوفك وبحضانك تلملمني
لكن بعد المسافه عنك يحداني

البعد عنكم كسر قلبي ومتعبني
حتى لذيذ المنام مفارق اعياني

حالي طواه السهروالفكر مشغلني
والهم خيم بوسط القلب واشقاني

بعدك عن العين ياالغالي معذبني
ماعاد فيني صبر وآخاف تنساني

عطرك وطيفك على دربي مخاويني
واسمع صدى الصوت واتخيلك تلقاني

عايش على ذكرياتك يانظر عيني
وحيد ودموع عيني جرح أوجاني

يازهرة الروح ياوردة بساتيني
الشوق مشعل بوسط الصدر نيراني

هرجك وضحكتك والصوره تسليني
ملكت روحي وقلبي يااجمل إنساني

بنيت لك قصر في داخل شراييني
ماحل به غيرك أنته واحداً ثاني

أعطيتك العمر كله وأنت ناسيني
محسبك في يوم تهجرني وتجفاني

تدري غيابك عن الاعيان يجرحني
ياشينها منك يوم إنك تحداني

حضي تعثر معك والوقت محرمني
محروم من شوفتك والشوق عنواني

قبل أمس كنا سوى يدك بيديني
واليوم طاوعت هرج فلان وافلاني

وإذا تقربت حولك قمت تمنعني
الله يحاسبك في صدك وهجراني

منك الجفاء ياوليف الروح موجعني
لا تقطع الوصل وتجمل على شاني

تكفى تعال اقترب مني وصالحني
أخاف بكره تدورني ماتلقاني

ماودي اشرح علوم الناس تسمعني
يكفيني إللي حصل يابعد خلاني

هذا قصيدي وهذا إللي يجملني
ياليت تسمع صدى صوتي وقيفاني

المصدر: منتديات تراتيل شاعر - من قسم: ديوآن آلقصيد ▪●

---

u'v; ,'dt; ugn ]vfd loh,dkd dvj] u'v;