منتديات تراتيل شاعر - عرض مشاركة واحدة

03-03-2017, 11:38 AM

فهد : الي سمعته شادن بنت عقاب ..بنت اخوك
الصقر : بنت اخوي ؟!! شلوون ؟! عقاب الله يرحمة توفي بعد سنه من زواجه وحرمته بعده بكمن شهر وما عرفناا ابد انها حاامل ؟! لو كانت بنت اخيو فعلا ليه محد بلغنا ؟! ليه اخفو وجودها عناا ؟! ليه محد قالناا
فهد : مادري .. يمكن اكون غلطان ؟!ويكون تشابه اسماء ؟!
الصقر : ووين غرفتهاا ؟! وين اهلها ابي اشوفهم
فهد : تعال معاي
اخذ الصقر معاه للانتظار ..كان خارج قسم العناية مجموعه من الكراسي جالسه عليه مره ومبين على جسمها الاهتزاز من كثر البكي وشااب بجنبها مبني عليه انه عشريني
الدكتور فهد : السلام عليكم
راكان : وعليكم السلام
فهد : ممكن تتفضلون معاي مكتبي
راكان : خير دكتور في شي ؟!! شادن فيها شي ؟!
فهد لا يااخوي مافيها الا العافيه انتم تعالو معاي مشي فهد ومعاه الصقر فرح رفضت تتزعزع من مكانهاا
فهد : اخ راكان ممكن اسألك وش قرابتك للبنت ؟!
راكان استغرب السؤال لكن جاوبة : انا ولد خالها
الصقر: ابوها وامها ووين
راكان مستنكر : منو الاخ
فهد : معليه اخوي جاوبناا
راكان : ابوها وامها متوفيين
الصقر : شلون ماتم ؟!
راكان : ممكن اعرف هالاسئلة وش مناسبتها
الصقر عصب : انت جااوب وخلاص
راكان : لا والله
فهد : يابن الحلال انت جاوبنا وانت بتفهم بعدين
راكان : ابوها مات من اكثر من خمس سنوات بحادث سيارة وامها ماتت بعد ولادتهاا
الصقر : انت وش اسمك بالكامل ؟! راكان شنو ؟!
راكان : راكان بن ماجد ال ...
الصقر : ابوك ماجد بن راشد ال...
راكان : ايه
الصقر : معقول يعني شادن بنت عقاب فعلاا
راكان : ممكن تفهموني ؟!
الصقر: انا الصقر بن الذيب ال...عم شادن
راكان مصدوم ك نعم ؟!! عمها ؟!!
الصقر: نعم انا عمهاا اناا اخو عقاب الكبير
راكان : وتوك متذكر ان عندك بنت اخو ؟! صح النووم
الصقر: انا ماااكنت اعرف بوجودهاا ..لو كنت ادري ماكان تركتهاا
راكان : وانا مفروض اصدق ؟!!
الصقر: فهد ابغى اشوف البنت
راكان : ولا تقرب منها
الصقر: انت مالك أي حق تمني اناا عمهاا عصبتهاا
فهد : ياجماعه اذكرو الله ..اللحين البنيه اهم شي صحتهاا ومفروض تحمدون الله انهاا سالمه