منتديات تراتيل شاعر - عرض مشاركة واحدة

03-03-2017, 11:37 AM

الصقر وهو معصب وماسك نوال من زندها بقوة : انتي أيش ؟!! ماتربييتي ؟!!
نوال بتوجع : اااي
خالد يفكها : صقر اتركها الله يهديك
الصقر : اتركها مب ساامع فعايل اختك ..طز ؟!! في وحده متربيه تقول لزوجها طز ؟!!
نوال : طلعت غصب عني اناا
الصقر : انتي ايش ؟!! انتي وحده بطراانه .. غيرك تحمدالله على زوج مثله
مهاا : صقر الكلام مو طريقة كلام هاذي اهدوو وتكلموو بعقل
جلسوو ونوال بداخلها ترتجف اما صقر وخالد بركايين ..خالد يقدر يمسك نفسه اما صقر ان عصب فما يعرف يتفاهم
خالد : نوال تشوفين الي سويتيه مع زوجك تشوفينه صح
نوال : ادري مو صح بس اناا كنت مقهوره من طريقة كلامه معاي
الصقر بعصبيه : يعني انتي الي طريقتك كانت قمة في الادب
خالد : نوال انتي اهنتي زوجك .. يكون بعلمك مافي شي يذبح الرجال اكثر من انه يشوف نفسه مايسوى بعين زوجته
نوال : خالد والله العظيم انا ماقصدت كله من الغيض ...وبعدين من قال انه مايسوى عندي ؟!
خالد : كلامك يانوال ؟! انتي شلون تقارنينه بالصقر .. صحيح ان ربناا موسع عليناا وفهد نفس الشي لكن فهد غير فهد مايبي يعيش عاله على ابوه ولا تهمه الفلوس .. هو مااختار الطب الا لانه مهنه انساانية نوال يوم جا يتزوجك بنالك بيت من حر مااله ..نوال المره العاقله هي الي تعيش مع زوجها وفق امكانيته وتحسسه انه حتى مع ضيق حاله انه معيشها بترف مابعده ترف
نوال : والله ياخالد من تزوجته عمره ماقصر علي بشي ..
خالد : طيب ليه مارجعتي معاه الاسبوع الي فات ؟!
نوال : حاز بنفسي الكف ياخوي
الصقر زفر: يعني كنتي تبينه يطبطب عليك ؟!! شوفي انا ماادافع عنه لكن وقسم بالله لو ان مرتي قالت لي طز ماجلست على ذمتي لحظة
نوال بلعت ريقهاا يوم سمعت طاري الطلاق
الصقر : قومي اتصلي عليه خليه يجي ياااخذك
نوال : مابيجي عنده مناوبة اليووم