منتديات تراتيل شاعر - عرض مشاركة واحدة

02-27-2017, 04:48 PM

كأن الولد كان عارف انا شفكر فيه قالي : لا تخافي مارح اسويلك شي ..انا بعد عندي خوات
قلت بغرور : مااني خايفه انا عندي حزام اسود بالكراتيه
قال : اسود او تركواز مايهمني انزلي اشوف
نزلناا وصار يمشي قدامي .. واناا احاول الحقه كله من ذي العباايه الي مو عارفة امشي فيهاا ...طليت حولي مالقيت احد مسكت العبايه ورفعتها الييين خصري وربطتهاا طلعنا الدور الاول وبعده الثااني واخير وصلناا للدور الثالث وفتح الشقه ودخلنااا

× فـــــرح ×
صحيت على صوت التلفوون مفزووعه ...الله يستر من اللي متصل عليناا اللحين
الصوت الرجالي : منزل عائلة سراب ال...
جاوبة : ايه نعم خير اخوي
الصوت الرجالي : اختي معااك مستشفى ال...
انفجعت : خير وش صار عمتي صار فيها شي
الصوت : اختي لو ممكن تجينا المستشفى لو سمحتي
قلت له : خير وش اللي صاار انطق ياااولد الحلاال
الرجل: لما تجين رح تعرفين كل شي وقفل السماااعه
قفلت السمااعه على طووول ...وبسرعه شلت شادن وحطيتهاا بغرفة جدتي خذيت عبااايتي وعلى الشاارع تصدقون يوم اقوولكم اني كنت اجري ... تعرفون يعني شنوو اجري .. لا جا ببالي اخذ تكسي ولا يحزنوون مشيت مشيت من بيتناا اليين المستشفى الي كانت بنفس الحي ...وصلت المستشفى وعباااتي كلهاا تراااب
وماني قاادره اخذ انفااسي من التعب على طول على غرفة عمتي شفت الممرضه قريبه منهاا وتفك اسلاك واشيااء ثاانيه كانو حاطينها لهاا ...قربت من السرير واناا ادعي ربي بقلبي انه مايكون صار الي اناا اتوقعته ادعيه ان هذا كله حلم يقظة ...طالعت بالممرضه : وش فيها ؟!!
الممرضه : تقربين لها ؟!!
قلت لهاا : بنت اخوهااا