منتديات تراتيل شاعر - عرض مشاركة واحدة

02-26-2017, 11:47 AM

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

× شاهـــين ×
رجعت من الزواج وشفت امي لسى بالصاله صااحيه ..جيت وسلمت عليها وجلست
سألتها : نامت حلا
امي : من زمان .... كيف العرس
جاوبتها : الحمدالله كان زيين
امي : ماغرت من العريس؟!
ضحكت : ههه ماتتعبين
امي : لا ماتعب عندك اعتراض
قلت لها : لا ماعندي ...يمه ابي اسألك
امي : عن شنوو ؟!!
ترددت :اممم ..خوات صقر كم ؟!!
امي : ثنتين المها ونوال وليه تسأل كانك ماتعرف
حسيتهاا فااهمتني : لا بس اسألك
امي : نوال متزوجه وماحضرنا عرسها لان بنتك بالمستشفى ومها مطلقة
سألتها : شرايك فيهاا
امي : ليه تسأل عن البنيه ؟!!
قلت لها : مو انتي تقولين اتزوج هذااناا ابغى اتزوج
امي الي ماصدقت : من جدك انت
قلت لهاا : لا امزح ..اقولك كنسلي على الموضوع وقمت بتطلع غرفتي بنااام
امي مسكتني من يدي: اقضب ارضك اشووف
جلست : خير ؟!
امي : تبي اخطبلك مهاا ؟!!!
سألتها : تشوفينهاا تصلح لي ؟!!
امي : والله انهاا شيخة البنااااات مااشاء الله عليهاا ادب واخلااق وفوق كذاا مزيووووونه
قلت بنفسي: تقولين لي عن زينهاا ياااايمه الي شفته اليووم نساااني اسمي
امي : هي اكلمك اناا
جاوبت : هلا يمه معك معك
امي : طيب يالي معااي البنت زي ماقلت لك ترى مطلقة ومحد يعرف ليه تطلق خصوصا ان زواجها ماتم الاسبوع
قلت لها : اعرف ذا الكلااام لا تنسين صقر صااحبي ومايخبي علي شي
سألتني : يعني انت تدري ليه ؟!
قلت لها : لا مااعرف صقر قالي انها تطلقت وماقلي ليش
امي : طيب تبغاني اسأله لك
قلت لهاا : يمه سبب طلااقهااا ماايهمني هذا شي كان بماضيها وانا مالي خص فيه
امي : شلون مالك خص فيه وانت بتصير زوجهاا ؟!! افرض لو انها مثلا
قاطعتها : يمة لا تنسين انك قلتي انها مؤدبة وخلوقه وقبل كل شي هذي اخت صقر يعني اكدي متربيه زيين
امي وباين انها مو مقتنعه : كييييفك تبغهاا براااحتك
قلت لهاا : ايه ابغاها
امي : اجل كلم اخوهااا واذا واافق بروح اخطبها لك
ابتسمت : ان شا ء الله بكلمه خلاال هاليوومين ..يالله عن اذنك بطلع انااام