منتديات تراتيل شاعر - عرض مشاركة واحدة

02-26-2017, 11:46 AM

لكن.. ..انتو اليوم ماادفنتوو عقاب يااافهد انتو دفنتوني معاااه .. وضمت وجهاا بدينهاا هني على ذا السرير الي تشوفينه اختي بكت ايام وليااالي ...اختي حبته وهو جرحهاا صدقيني ياانوال عمري مااسمحت اخوك على للي سواه باختي ولاا اعتقد انه بيجي يوم الي احس نفسي فيه مساامحه
نوال قالت بألم وكأنها تذكرني : عقااب مات يااافهد مااات
حاولت امسك اعصابي : لو مسحتي اطلعي برى
نوال ماناقشتني ...ولا حتى اعترضت بالعكس طلعت بكل طوااعيه من الغرفه

راكــــــــــــــــــــــــــان
وصلت البيت وانا مهدود الحيل من الدوران بالشوارع فتحت شقتي المفروشه الي استأجرتهاا ورميت نفسي على اول كنبه قابلتني ...رن موبايلي طلعته وشفت من المتصل كان مصعب قطبت حواجبي رديت : الوو
مصعب : اسمع اليوم السااعه 4 المطار صالة الوافدين
قلت له : شلون رح اعرفه ؟!
قالي : هو رح يعرفك ماله داعي تشيل هم
سألته : وان استلمتها منه اجيبها لك ؟!!
قالي : لا تجيب شي اناا بجي اخذها منك وقت ماابي
وقفل السمااعه ... ربي وش اللي ورط نفسي فيه ... الله يستر ويعدي الامور على خير

ماعلاقة نوره بابطاالنااا ؟!!
راكان لين وين رح يوصل بانحراافه ؟!!
فرح وسراب وشادن اناث بلا رجل وش مصيرهن ؟!
حصه وسر الانتحار ؟!!
عقااب وشلون يأثر هالانسان بابطالناا رغم موته ؟!

موعدناا الاحد المقبل باذن الله
الجزء السادس عشر

× نـــــــــــــــوال ×

طلعت من غرفة حصه ورحت لغرفة فهد ارتااح فيها شووي و كنت منقهره من فهد.. ..طريقه كلاامه نظرااااته شي ماتعودت عليه ..خصوصا يوم جات سيرة عقاب الله يرحمه ..فهد تكلم عنه وبعيونه نااار ... خصوصا يووم قال انه مارح يقدر يساامحه بيوم من الاياام كلمته حزت بنفسي مهما يكون عقاب اخوي وميت ماااحبيت ابد ان فهد يتكلم عنه بهااذيك الطريقه ..عقااب ..مر على موته تقريباا خمس سنيين ... خمس سنيين عقااب ماهب معنااا وقبلهااا بسنه طلع من البيت ومااعاد ويااانااا .. تدرون مستغربه شلون ان حصه بكت عليه يوم مات ... ابوي اللي هو ابوه مابكى شلون هي تبكي بعد جرحها له يوم تركهااا عشان وحده لاهي من ثوبناا ولا مستواناا .بس لو كانت تفكر بالانتحاراو عندها نزعه له كانت سوتهااا من زماان ليه اللحين ؟!! لا ابد مااظن انه انتحار حصه قووية .. تبسمت بمرااره وانا اشوف ندبة بشكل خط عرضي بساعدي اليساار وتذكرت على طول تعليق فهد السخيفه ... تمصخرت ياافهد مااتدري انك نثرت ملح على الجرح ...كأن الزمن رجع فيني لورى اتذكر بذاك اليووم كنت نايمه بالمستشفى بعد محاولة الانتحار الفاشلة ..يومتها كنت اسمع اصوات اشخاص حولي يتكلموون .. اغلب الاصوات كانت رجاليه وانااا كنت بصعووبه اقدر اميز اكثر شي لتني بذيك الاصووات صووت بكااا مع قرأن .. الصوت كان قريب مره مني وكأن احد حاط شفااته جنب رااسي ويهمس بالآيات بأذني...وهذا فعلاا الي كان صاير كانت مهاا هي الي تقرأ من غير لا تهتم لاصوات فهد وصقر الي كانت بنقاش حاد اللين اللحين اتذكر مجريااته مااقدرت انساااهاا ابد
فهد : الحمدالله اهي اللحين عدت مرحل الخطر