منتديات تراتيل شاعر - عرض مشاركة واحدة

02-26-2017, 11:45 AM

فصخت عبتي ورميتهاا ع السرير بقهر ..حرق اعصااابي الله يحرق اعصااابه ...شلون يتجرأ يدخل علينا من غير احم ولا دستور ...رن موبايلي شفت رقم عمي ماكنت ناوية ارد بس استحيت مهما كان الي صار ..رديت : هلا عمي
عمي : هلا مها شلونك
جاوبته : الحمد الله الله يسلمك شلونك انت
عمي : مها وش اللي صار ؟! ليه جيتي وماطولتي ؟! انا مو قايل لك عشاك عندي ؟
قلت له : عمي اسأل حصه اهي بتقولك كل شي
عمي : حصه قافله على نفسها مو رااضية ترد على احد
ويلي وش سوى فيها هاذك الحيووان ؟!!معقول يكون اذاهاا ..لا مااعتقد اصلا يتجرأ يسويلهاا شي
عمي : مها اكلمك
قلت له : عمي انت كنت تدري ان سعد جاي ؟!
عمي : سعد ؟!!!!!!!!!!
قلت له : ايه نعم ياعمي سعد جا وانا هناك وماطولت عشانه ياخذ راحته مع اهله
عمي سألني : ماتعرفين حصه شفيها ؟!!
قلت له : هاا لا ماادري
عمي : زين في امان الله
بعد ماقفلت من عمي رحت وغيرت ملابسي وعلى طول دخلت فرااشي ياقال ابي انااام

نـــــــــــــــــــــــــــــــــوال
والله التمشيه مع فهد مره حلووه ...رحنا البحر واتعشيناا في السقاله ...واااو كشخه صحيح اني مو من محبي السمك كثير... طبعا استغليت الفرصه وبديت ازن اني ابي الملاهي
قلت له : فهد خلنا ندخل الملاهي
جاوبني : لاااا
قلت له : لا ؟ّ! ليه
قالي ببرود : سألتيني عن راي واناا جااوبتك
قلت له : طيب ليش لاا ؟!
فهد : نوال بلا زن
قلت له : الله يسعدك فهد والله شوف الملاهي مو زحمه
فهد : قلت لك لاا
مسكت ذراعه بعفوية : فهد حبيبي الله يسعدك خلناا ندخل
التفت علي فهد وابتسم بحنااااان اول مااستوعبت حركتي بسرعه سحبت ايدي
قلت بسرعه : ماقصدتها
سألني : وش هي
يستغبى علي هو وجهه ...مالت ..طنشت ومارديت عليه
قالي: بنمر بيت اهلي
قلت له : ليش؟!!
قالي :امي عاتبتني من زمان مااارحناا عندهاا ... وبالمره ابي اقيس لها الضغط والسكر
قلت له : طيب بنمر على بيتنااا
سألني : تبين شي من البيت ضروري بمر ؟!
قلت له : ابي اشوف اخواني
قالي كانه يصحح كلامي : تقصدين بيت اهلك
قلت : بيتنااااااااااااااا
قالي بلهجة حاده وتركيزه ع الطريق: بيت اهلك ماعاد بتيك ..بيييتك هو البيت الي عايشين فيه انتي وانا
ماحبيت اجادله خصوصا وانا اشوف طريقة كلااامه معااي مرع جااافه ..غريب هالانساان فجأة ياازينه وفجأة اعوذ بالله ..ياللا انا العاقله برضووو
وصلناا بيت عمي ... نزلناا طبعا تسليمااات وسؤال عن الاحوال
عمتي : وش ذا ياافهد اشوف تزوجت ونسيتنااا
مدري ليه حسيتها نغزة لي؟!! ..جاوبها فهد بمزح : هو في حد يأدر يستغنى عنك يااجميل
ومسك ايدها وبااسهاا ولصق فيهاا ولا لصقت جونسون
عمي يهاوشه بمزح : لا يكون غلطان الاخو ترى حرمتك هني واشر علي
ويييييييلي تمنيت الارض تنشق وتبلعني وعمي يهرج ...لا وفهد الي ماايستحي بدل لاا ينقذني من الموقف الي انا فيه يقوم يتمصخر علي هو وجه
فهد : حرام عليك يباا حرام عليك احرجتهاا طالع بالله وجها كانه طماااطم
عمي : حليلها بنت اخوي تستحي
فهد قام وجلس جنبي : وانا وش حببني فيهاا غير حياااهااا ...فديت بنت عمي انااا ....وقرب اذنه وهمس ...طبعا مايدري عن لسانك اللي يلوط اذنك ابتسمت بوجه وقلت له ببرود ..مو اطول من لسانك ياولد عمي
فهد سأل: وين حصه ؟!!
جاوبة عمتي بطريقة جافه وصرت متعوده عليها نوعا ماا لما تجي تتكلم على بنتها : بغرفتهااا