منتديات تراتيل شاعر - عرض مشاركة واحدة

02-26-2017, 11:44 AM

التفت عليه : هاااا
ابتسم : من قال هاا سمع بس مو مشكله نعيدهاا ... تبي وظيفة ؟ !!!
قلت له : عندك وظيفه ؟!!
قالي وهو ياشر على سياارة bmw تعال نروح بمكان نتلكم ونتفاهم على كل شي .. ومشي قدامي ومشيت وراه ا التفت : الا قلت لي وش اسمك
ترددت وش اقوله اسمي هل اخترعله اسم او اقوله اسمي الحقيقي .. اقول لخوي اخوي اسمي الحقيقي حتى لو قلت له يعني وش رح يسوي رح يروح يقول لصقر اخوك لقيته الي يسمعني يقول رح يجي ركض لي
شاهين حط ايده قدااام عيني .. اقول لاتذكرت اسمك قولة ركبنا السيارة ورحنا على اقرب كوفي شوب

> حــصـــــ حواء الصديقة ــــــة <

مره مشغول بالي على افنان لها فتره لا بترد على اتصالاتي غريب امرهاا .. يمكن اهلها اكتشفو موضوع حملهاا ؟! لا مااظن ؟! يااربي الله يااخذه من رجال الي بلاها البلوه يعني لا يتحمل المسؤولية ولايبي يعترف بولده .. وهو لا خسران شي ولا يحزنون مافي غير البنت الي تروح فيهاا ربي وين كان عقلهاا وين ضميرهاا .. وش عجبهاا فيه لا شكل ولا اخلاق كل مااتذكر يوم مارحنا نقابله بالقرف فضييع يومتها رحنا مطعم لحسن الحظ المطعم بديازير فمحد يقدر يشوف الطاولة الي جنبه .. اول ماوصلنااا لقيناه جالس ع الطاوله وقف وليته ماوقف نحيف ومسلوع كنه من مجاعات افريقاا وكشته منكوشه ولا ميااعته ووووووووع امحق رجال بس
افنان : كيفك حبيبي
طالعت فيهاا صدمه .. بعد كل سواياه حبيبي ؟!! حبتك القراااده ان شا ءالله
رد عليها : الحمدالله ياااعمري وقرب منها يبغى يبوس خدها ؟؟!!!!!!!! تنحنحت .. الله يقلعهم يبون ربي يسخطناا التفت علي وقال مين هالشي
انقهرت : شي بعينك ياامنحط
قال بتريقه : ياااي لا عصبيه كماااان
افناان : هذي صحبتي
الاخ مدلي بكل وقاحه ايده : اهليين انا حسن
قلت له باستهزاءواااضح : انعم واكرم وطبعا ماعبرت ابداا ايده الممدووده
اشر ع الكراسي : اتفضلووووووووو
جلسنااا ودام الصمت بينااا
قلت ابي احسم الموقف لاني مو قادره اقعد ولو دقيقه اكثر من اللازم حاه نفسي خاانه ومخاادعه : اسمع يااخ حسن انت عارف ليه احناا جاين هناا
قال يتيملح : مالها داعي اخ حسن احلى وبعيدن شيلي الغطا مو حلوه حواجز الاتصال هاااذي
قلت واناا انزل الغطاء على عيني اكثر اخ حسن وشددت على كلمة اخ بطريقه الغبي يفهمها من غير كلام ماله لزمه انت تعرف ان افنااان حامل
حسن التفت على افنان : مبروك حبيبي
حبه عقرب ان شااء الله : هذا بس الي طلع معاك مبروك وش نوي تسوي
قال : وانا وش دخلني ؟!! تروح لابووه
افنان وصوتهاا يرتجف من البكاء : بس انت ابووه وانت تعرف هالشي
حسن : ومين ياكدلي ؟!! يماما الي تسلم نفسها لواحد مايربطها فيه شي رح تسلم لالف غيره هي المره الاولى بس الصعبه
وربي كان نفسي امسك المنفضه الي قدامي واعطيه على وجه فيهاا
افنان : انت ايش تقول ومسكت يده حسن والله الي في بطني ولدك
سحب ايده منقرف منها : وانا اقولك مو ولدي وقام يبغى يمشي
قلت وانا احط رجل على رجل وامثل القوه : انت هي اجلس بعد ماخلصت كلامي