منتديات تراتيل شاعر - عرض مشاركة واحدة

02-26-2017, 11:32 AM

ابوي : ولا قصدتووه
امي : يابو صقر هدي اعصااابك مب زين عشااانك
ابوي : هم خلوو فيهاا اعصااب عيالك يبون يذبحووني ... والتفت على عقااب اسمعني هذا الموضوع ماابيه ينفتح مره ثااانيه انت ماارح تاخذ غير حصه رضيت ولا تترضى
عقااب بعصبيه : الزواج مو غصب وانا حصه قلت لك مو مااخذهاا
ابو ي: تحدااااني
صقر : يباا عقاب مايقصد
عقاب : انت اطلع منهاا شي ماايخصك ..اطلع منها وهي عمرانه
ابوي : عقاااب
امي : عقااب حشم
التفت عليها : شنو حتى انتي يمه بتفزعين لولد ال " اسم قبيلة ام صقر" ..
ماحسينا ساعتها الا وابووي معطي عقااب هذاا الكف الي رنته خرمت اذونا
انا وامي ونوال انصعقناا ... صقر مو مصدق عيونه اما عقاااب حسيت ان كل مشااعره تبلدت عيونه ماعاد رمشت
عقااب : كنت اعرف انه الغالي بس ماكنت ادري ان غلااته وصلت لها الحد
ابوي : والد ال...ية .. يسواااك انت ساامعني ...عمره ماعصااني ولا رفع صوته علي تعلم منه
جاوبه عقاااب : اجل خل ولد ال..يه ياااخذ بنت اخووك ..اناا ماااابيهاا لو عطوني ايااهاا وعطوني كنوز قاارون فوقها مااابيهااا
وطلع من البيت وتركنا وسط الطوفااان
سمعت طق على بااب غرفتي ..كانت نوال ..دخلت وتمددت جنبي ع السرير سألتني : اشوفك ماغيرتي ؟!
تصدقون توني انتبه اني لسى بلبسي ..قمت ورحت لدولابي اطلع ملابس لي : ماانتبهت
نوال سألتني : وش كان فيها حصيص ؟!!
تنهدت : الله يعينها
نوال: اووف تنهيده من قلب وبعدها الله يعينها وش الي صااار ؟!!
قلت لهااا : تخيلي عمي يعرضها ع الصقر ؟! تخيلي يقوله عطيتك بنتي عطيه واخوك يقول لا ماابيها
نوال : وشووووووووو؟!!
قلت لها : اللي سمعتيه
نوال: لا يكون سمعتهم ؟!
هزيت رااسي : ايه سمعتهم .. ولعلمك غسلت شراع اخووك
نوال: حصييييييييييص؟
قلت لهاا : اسمهاا حصه تكلمي بادب شووي
نوال وهي تبي تعرف السالفه : اقولك احكي كل شي من طق طق لسلام عليكم
قلت لهاا : اهي ماا طولت معاي بالحكي لما طلعت غرفتهااطق بابهاا مافتحت لي بسرعه حتى يوم مافتحت كانت دموعها لسى تاركه اثرهاا على خذها
سألتها : حصه عسى ماشر وش فيك
جاوبتني بطريقه جافه : ولا شي
ماصدقتها قلت لهاا : حصه وش الي صاار ؟! ولا شي هذي قوليها لغيري اعرفك زين ماتنزل دموعك لشي مايسوى
انتفضت بمكانها وقالت لي بصوت مخنوق : انا ان ذرفت دمعه اذرفها على نفسي .. تعرفين شنو على نفسي ؟
ابكي نفسي يامهااا .. نفسي الي اذبحوهاا خوانك وااحد ورى الثاااني .. وش يفكروون فيه اني ميته عليهم ؟!