منتديات تراتيل شاعر - عرض مشاركة واحدة

02-16-2017, 04:21 AM

البنت تقول
قصتي يا طويلات عمر يوم كان عمري تسع سنوات ...
وجالسه اتابع مع امي مسلسل كويتي
((ايام تسعينات وكان ﻻزم مخدرات شي اساسي بالقصه اي مسلسل ))
ولد بطل ياخذ مخدرات ويشمها مثل بودره ...
وانا اطالع واشوفه مستانس وقلت انا بعد ابي استانس بس ابي بودره .....
واروح طيران على غرفة اخواني كبار واخذ بودره جونسون لﻻطفال ((كانوا يستعملونها للكيرم )) واروح لغرفتي واكبها على كرسي ((مافي طاوله مثل مسلسلات ))
واجي ابي اشم واكح واكح
الا وابوي داخل علي وشاف انفي ابيض هو من صدمه مسكني من شعري ويقول ايش هذا قلت له مخدرات ..
قام ابوي وينادي امي ويقول بنتك معها مخدرات
وامي تضربني تقول من وين جبتيها ...
وانا اشاهق واقول من غرفة العيال
((انا قصدي بودره من غرفتهم ))
وابوي طيران على غرفتهم يدور وﻻ لقى شي
وعلى جيت اخواني من شارع اﻻ ابوي مستقبلهم
بالعقال ضرب واللي كلاها صدق اخوي اللي في ثانويه
(( ﻻنه محل شبهات ))
وبعد ضرب قال ابوي من اللي جايب مخدرات وكيف جبتوها
اخواني يحلفون بالله انهم ما يعرفون شي وبعد ساعه من تحقيق و ضرب ناداني ابوي
وقال من اي درج خذيتي مخدرات ووين كيسه انا قلت من درج خالد واروح لغرفتي واجيب علبة بودره اطفال واقول هذي هي مخدرات .....
ابوي عصب وعطاني كف وامي ركضت على محمد اخوي كبير لانه من قوة ضرب ماعاد وقف ...
وراح ابوي على غرفته وانا ابكي واخواني يهاوشوني
ويقولون انتي مو اختنا... قعدنا اسبوع و ﻻ حد يكلم ثاني ....
بعدها جمعنا ابوي ويعتذر لنا جميعا بس مركبني الغلط ..
وسالني من وين جبت فكرة قلت مسلسل اللي امي تتابعه كذا يسون وجلس يهاوش امي هههههههههه نكبتهم كلهم ..
اخواني بعد مذله سامحوني .... ودايم يضحكون علي واذا شفت علبه بودره اضحك ...
يوم كبرت شويه قلت لهم انا قاصده اسوي كذا علشان ابوي يعطيكم درس قبل ما تنحرفون ...
الحين عندي بنت واكره استعمل بودره اطفال من بعد سالفه ...
ادعولي اخواني ينسون سالفه المشكله علموا زوجي ..
ويقول لي انتي عندك ماضي في تعاطي ههههه ...