منتديات تراتيل شاعر - عرض مشاركة واحدة - روايةأما غرام يشرح الصدر طاريه ولا صدووود وعمرنا ماعشقنا/18

01-16-2017, 05:25 AM

معك حق المفروض ما اخذ شيء ماهو لي..

دخلت الخاتم في مكانه الخاص في الطقم..
قفلته ورجعته لجدتها..
الجدة بمحبة\ياعساني فداك يـا غادة..
والله أمانة عندي لحتى ترجع صاحبته..
وابشري بطقم كامل لك من حر مالي..
غادة بغصة\لا وش هذا الكلام يومه..
عندي خير ولو كان في خاطري بأشتريه..
أو باطلب زوجي يشتريه..

طلعت من غرفة جدتها والعبرة تخنقها..
مصدووومة وماتقدر تواجه نفسها..
فكيــف تواجهه..؟؟
يهديها خاتم..ويهدي أختها باقي الطقم..
ليـــــــــــــه؟؟!!
ليه يهدي هديل..؟؟
الموضوع القديم دفناهـ من سنين..
ليه يرجع راكان وينبشه..؟؟

طلبت من عبدالله يروح معها لبيتها..
ماتبي تروح مع السواق لحالها..
دخلت جناحها وهي كاتمة القهر في قلبها..
قررت ماتتكلم معه في الموضوع..
ولا تبين له إنها تعرف عن هديته لهديل..
بكيفه ينطق ألف مرة..
يهديها أو يمووت..
أختي ما بأخسرها عشان احد..
لاراكان ولا غيرهـ ..

أنتبهت عليه يدخل الجناح ويقرب منها..
صدت عنه بسرعة ودخلت غرفتها..
قفلت عليها في غرفة تبديل الملابس..
وسمعته يناديها بس ماردت عليه..

راكان بحيرة\أذكر إني ماسويت شيء يزعلك..
تكفييين لا يكون رجعتي تتوحمين علي..؟؟

عطاها الحل من دون ماتفكر كيف تبعدهـ عنها..
قدم لها الجرح والدواء..
إيه ياراكان رجعت انقرف منك ومن حالي أكثثثثر ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛

ترى ما رحت من كيفي عشان أتحمَّل ذنوبك
أنا شفت الزمن ناوي علينا وقلت له خذني...

واذا قالوا رَحَل عنِّك حبيبك، فتِّش جيوبك
تطمَّن قلبي بـ جيبك حبيبي لا تدوِّرني ...

فزت من نومها وهي تصرخ بخووف..
حست بيدينه حواليها..
خافت اكثر وصارت تضربه وتستنجد..
هديل\لااااااااا..إبعد عنيييييييييي..
مو هو غازي مو هو والله..
إبعد عنـــــــــي..
غازي\بسم الله الرحمن الرحيم..