منتديات تراتيل شاعر - عرض مشاركة واحدة - روايةأما غرام يشرح الصدر طاريه ولا صدووود وعمرنا ماعشقنا/18

01-16-2017, 05:21 AM

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

هاتي بوسه قبل تسرقنا ..السنيييين !!

لو كبرتي ماكبر حلمي معك...
ولو نسيتي مايذكرك الحنين

أنا همّي كيف بالقلب أجمــــعك...
وانتي همّك كيف بكره بتكبرين ..!!

أبتسم لها وهو يشوفها تناظرهـ..
قرب منها وجلس ملاصق لها..
غازي بحنية\حي الله حمامتي..

إبتسامته وترحيبه كانت مثل الصفعة على وجها..
واكتشفت إن تفكيرها بأبوهـ وابوها..
كان حاجز بين واقعها اللي تعيشه والوهم اللي غاصت فيه..
هي تدري إنها في غرفته وعلى فراشه..
أدركت هذا الشيء وهي تشوفه مبسوط بوجودها عندهـ..
لا هي مو مستعدة له..
ماعندها طاقة تهاجمه وتبعده عنها..
ماتقدر تردعه وتمنعه من شيء يبيه..
موجوعة من كوابيسها اللي تجسدت لها في الممر السري..
متالمة من حاله وأبوهـ ينضرب قدامه ويموت بعيد عنه..
ماعرفت عن دموعها إلا لما شافتها بيده بعد مامسحها من على خدها..
قبلها على جبينها وتوجه لدورة الميـــاهـ ..

شالت وسادته وخبت وجها فيها وهي تبكي..
مقهوورة من نفسها..
لازم تنسى الموضوع..
معه حق هي المفروض ماتدري عن اللي صار..
يعرفها مجنونة بتعيش حالته غصب عنها..
بتتوهم تعذيبهم له ولابوهـ..
مايبيها تدري لانه يعرفها تعذب نفسها بتفكيرها..
نزلت وسادته على السرير وقررت تروح لغرفتها قبل يطلع..

أنتبهت على وردتها..
تحت وسادته..شالتها بأصابع ترتجف..
وناظرتها بحنييين..
هي دورتها تحت وسادتها بس مالقتها..
زعلت لما توقعت إن ماريا او احد الخادمات رموها..
رفعت راسها لما سمعته..