أكذب عليك لو قلت لك بنسى هواك
امزح معك وش فيها : بآنت عبرتك ..؟!
فتش بصدري يا حياتي شف غـلآك
بس امســك اعصآبـك وجهـز دمعتـك
عادي ولو يغاروا منك / ذا وذاك
وشلون مايغارون وشمسك " طلعتك"
بشر ولكن داخل عيوني ملآك
سبحآن من زين بعيني صورتك
من وين مآودك تروح خذني معآك
ملعون ابوه من قلب يقوى غيبتك
مزيون خلقه والغنج كمل حلآك
وآتوه كلي .. لورسمت ضحكتك
يعني من آلآخر انا كلي فداك
وشفيك سآكت منشغل في سبحتك ..؟
قلي احبك < لآتسحبني ورآك
لي متى .. قلبي " يداري " خيبتك
يكفي برودك و الغرور هذا كفاك ..!
غلطت واجد قوم عدل غلطتك
بردك ذبحني وقمت ادور عن دفاك
عطر الغرور اشوفه تارس غرفتك
ماني عندك ياجاهل وشبلآك
حتى العدو فيني مايفعل فعلتك
كل ماشعلتك "حب" مدري من طفاك
مدري رياح الغدر طفت شمعتك
أكبر همومك .. تبدع بنغمة صدآك
من شآن " تسحر " معجبينك نغمتك
كلمآ فضيت من الغدر .. غير يملآك
فآضت كؤوس الغدر .. وآطفت جمرتك
جمرة وفآ .. بس آصبحت جمرة هلآك
في دآخل ضلوعي .. شكت من قسوتك
كتبت حبك بس منهو اللي قراك
وشلون قلبك عني : يحجب صفحتك ..؟
ياتحتوي قلبي مثل ماهو احتواك
وآلآ ب طريق فراقنا / افرد خطوتك
لآتهدم احلامي وانا اللي قد بناك
ياحلمي اللي ماكتمل من صفعتك
هذا طريقك امسكه ربي معاك
بكره تجي شايل بـيدك صدمــتك
كحل الغرور اللي تكحل به عماك
منت ب طفل وانا < بيدك " لعبتك "
وشلون تحرمني و قلبيك معطاك
لآتعتذر لي بس قل / وش قصتك..؟
مبطي احبك وانجبرت اخفي " غلآك "
ومآكبرك في عيني < آلآ " كذبتك "
غنيت مع رابح صقر والقول جاك
من يوم شفتك منت كفو لكلمتك
قل لي خطيت .. بدون مادور وراك
موحلوه / القاها وتخرب ( صورتك)