منتديات تراتيل شاعر - عرض مشاركة واحدة - روايةأما غرام يشرح الصدر طاريه ولا صدووود وعمرنا ماعشقنا/10

01-03-2017, 05:56 AM

غادة بحق\الحمدلله..كله بتوفيق ربي..وأنت يا ابو عبدالله ماقصرت..
ساعدتنا وأثبت لــ كل المجتمع بقدرتنا على تحقيق إنجاز كبير..
عبدالله\بس المشكلة ماسويتي نفق سري عشان نسرق الدولة..
علي\شكل ولدي والد في السجن على النزعة الارهابية اللي فيه..
عبدالله بفخر\السجن لــ الرجال..
علي بتحطيم\تلايط واللي يرحم امك..
غادة\اللي يبي الهواش يطلع من المجلس لا تخربون حفلتي..
رفعت راسها ودارت بعيونها في المجلس تدور عليه..
بس ماشافته..كيف طلع من دون ماتنتبه عليه..
سالت سارة عنه وقالت لها انه طلع جناحه يرتاح لانه تعبان..
أستئذنت من كل الموجودين وودعتهم ..
طلعت جناحها وقلبها مقبوض ليش راكان انسحب من المجلس وتركها..
دخلت بهدوء وفسخت جزمتها عشان ماتزعجه..
شافت الجناح كله ظلام ولا كان فيه احد..
توقعت انه مو موجود يمكن طالع برا..
دخلت غرفتها ووقفت مبهوتة من شكل الغرفة..
الأنوار الخافتة والورد المنثور بكل مكان..
قالب القتوة والكوكتيل..
ثلاث أكياس على السرير..
غادة بهمس\راكان..؟؟
مارد عليها..
دخلت وقفلت الباب..
قربت من السرير وقرأت البطاقة اللي عليها..
... إلبســـــــيني ...
أبتسمت على الكلمة اليتيمة..
فتحت الكيس الأول كان فيه فستان عنابي ..
قصير بدون اكمام..
قماشه بارد ورايق..
ضمته لصدرها مبسوطة..
فتحت الكيس الثاني وكان عقد لؤلؤ رمادي اللون..
شهقت من روعته..ياما تمنت الؤلؤ وكانت مخططة تشتري نفس هذا العقد باللون الأسود..
بس الرمادي طلع أجمل بكثيييير لأنه من راكان..
كانت بتفتح الكيس الثالث بس شالت البطاقة اللي عليه وأستغربت المكتوب فيها..
...مالك شغل فيني خليني بحالي...
رجعت البطاقة على الكيس وهي تبتسم..
تحممت ولبست الفستان ومعه العقد..
سرحت شعرها مثل ما يحبه راكان..
وحطت مكياج رايق وكثفت الروج..
بخت من عطرها المفضل واللي يحبه راكان كمان..
طلعت من غرفة التبديل وابتسمت لما شافته واقف قدامها ينتظرها ومعه الكاميرا..
بدأ يصورها وهي تقرب منه بهدوء..
ضمته وباسته على جبينه..
ضمها أكثر وقبلها على راسها..
راكان بمحبة\مبروك بجد ترفعين الرأس...
غادة بامتنان\الله يبارك فيك..لولا الله ثم انت يا قلبي ماكان صارت الشركة ولا حققت هالنجاح..
راكان\هذا أقل شيء تستاهلينه..
غادة بعيون دامعة\الله لا يحرمني منك...
قبلها على عيونها\ولا منك يا غلاي..
اممم وش رايك بالحفلة الصغيرونة..؟؟
غادة تضحك\ههههههههههههههه أحلى من الحفلة الكبيرة..بس حركات صرت تعرف تصف الورد والشموع..؟؟
راكان بضحكة\ماهوبانا هذي عمايل سوير..قلت لها تكشخ المكان ..
غادة\هههههههههههه فديتك وانا شكيت باخلاقك..
راكان\المفروض تغسلين يدك بعد رفوف الأخطبوط اللي سوتها..
غادة\بصراحة أعجبتني الحين الرفوف أحس صار لها منفعة كبيرة..
راكان\انبسطتي بالحفلة...؟؟
غادة\كثيــــــــــــر تفاجئت مرة....ماتعرف كيف كان احساسي...
راكان\عاد كلهم اهدوك وانا هديتي هناك..
أشر لها على السرير وهي بعدت عنه وتوجهت لــ الهدية..
وعيون راكان تراقبها من ورى..
غادة\أفتح الكيس..؟؟
أشر لها براسه من دون مايتكلم..
فتحت الكيس متشوقة تعرف وش هديتها..
وراكان مثبت الكاميرا عليها...
أستغربت من الملف اللي خرجته...
فتحته وبعد لحظات طاح الملف من يدها وتعلقت عيونها براكان...
راكان بخبث\وش رأيك بالهدية...؟؟
أنصدم من ردت فعلها لما جلست على الأرض تبكي بقووووة...
راح لها بسرعة وجلس جنبها..
راكان\غادة حبيبتي وش فيك..؟؟
ليه يا روحي هذا جزاتي على الهدية..؟؟
لمت يدينها على رقبته وضمته بقووة وهي تبكي..
رفعها عن الأرض الباردة ..
وجلسها على السرير وهي بحضنه...
راكان\يازين الهدية دامها بتعلقك فيني كذا...
غادة بمحبة\ما احبك...
راكان\ههههههههههههههه احلفي بس...
غادة\مو مصدقة راكان خايفة...
راكان يبعد وجها عن رقبته ويناظر بعيونها..
تكلم بثقة\شيء طبيعي تخافين هذي شركة الـــ.............. تابعة للأمير..............
والعمل فيها بيكون جداً متعب ولازم تتحملين المسئولية...
بس انا واثق فيك اكثر من ثقتك بنفسك ومتاكد بانك بترفعين راسي وراس هلك وكل نساء المجتمع..