منتديات تراتيل شاعر - عرض مشاركة واحدة - روايةأما غرام يشرح الصدر طاريه ولا صدووود وعمرنا ماعشقنا/10

01-03-2017, 05:55 AM

وقبل لا يسألها عن شيء ثاني سالته عن مرام..
هديل بهدوء\قلت فيه رسالة من مرام..
مسفر بتأييد\ايه مرام فاقدتك كثير..
وهي بآخر شهور حملها..
هديل بفرح\حامل..؟؟!
مسفر يبتسم\ايه حامل..الحمدلله ربي عطاها..
هديل\الحمدلله الحين اكيد مبسوطة مع تركي..
مسفر\عمي تركي مختفي من شهور..
هديل باهتمام\مختفي...؟؟وين؟؟
مسفر\كنت أدور عليه طول المدة اللي طافت..
وأخيراص قدرت أحدد مكانه..انضم لمنظمة اطباء بلاحدود..
بجنوب أفريقيا..
هديل\وترك مرام بهذا الوضع؟؟
مسفر\هو مايدري ان مرام حامل..طلقها قبل يسافر..
هديل ماردت عليه وهي تفكر في مرام وأخيراً ربي أكرمها وحملت بعد سنين من التعب النفسي والجسدي..
بس ليه تركي طلقها وتركها بها الشكل..
تذكر انه طيب وحنون معها ومع مرام..
وتشوف حب مرام بعيونه رغم صدها ونفورها منه..
مسفر\مرام حبت أنك تعرفين انها صارت حامل وتعافت..
وانا سمحت لنفسي اطمنها عنك واقول لها انك ولدتي وولدك بخير..
تركي صار عنده خبر عن زوجته وانها حامل..
بيرجع السعودية ويرجعها قبل لاتنتهي عدتها..
هديل نزلت راسها\انت قلت لأحد ويني؟؟
مسفر يهز راسه بنفي\لا..هديل انا طول الأشهر اللي طافت افكر فيك..
حالتك مافهمتها..ليش هاربة من غازي؟؟
هديل وقفت وصدت عنه..
وش ترد عليه وتقول..
كيف تحكي له اللي صار معها..
اللي صار كابوس والى الآن ماصحت منه..
طال صمتها وهو ينتظرها..
أدرك إنها مابتتكلم وترضيه بكلامها..
مسفر بحنية\أنا معك أخوك أبوك اللي يرضيك..
واي شيء تحتاجينه أنا موجود..ورأس المال أبشري باللي يسرك..
خليتك براحتك المدة اللي فاتت..
لانك بحاجة لوقت تجمعين فيه نفسك وتوقفين على ارجولك بثقة...
وهذا أنتي ما خيبتي ظني..ولا دفنتي نفسك بقسوة ظروف واجهتك..
كنت أتمنى اعرف كل اللي صار معك..
بس مادام صمتك مقويك فهذا يطمني..

انتبه على يدها وهي تضغط أظافرها براحة كفها بقووة..
وبهذا الشيء تخفي ضعفها ورجفتها..
قرر يطلع ويتركها براحتها..
مسفر\توصين على شيء قبل لا أمشي..؟؟
هديل\ليه ماقلت له عن مكاني..؟؟
مسفر بثقة\لأنه مايستاهل يعرف..
هديل\بس انت ماتعرف شيء عشان تحكم..!
مسفر\شفت خوفك منه..وهروبك وانتي حامل وحالتك حالة..
شفت انهيارك لما شفتي عقد الزواج..
والاهم شفت خجلك من قول اسمك ومن تكونين..
وكيف عشتي شاكة بروحك...
هذا يكفيني ويخليني أكون واثق انه مايستاهل يعرف وينك فيه..

حاولت تمسح دموعها قبل تخونها وتنزل قدامه..
بس ماقدرت تتحرك وترفع يدها..
جلست على الكرسي منزلة راسها بشقاء..
مسفر بحنية\ارفعي راسك ماهو انتي اللي تخجل من كرامتها..

غطت وجها بيدينها وماردت عليه..
قرر يتركها ويتفاهم مع صوفي على المبلغ اللي محتاجته هديل..
ويقول لها ان هديل سمحت له يساعدهم..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛

جلست براس المجلس جنب ابوها وعمها مبسوطة بنتيجة عملها..
تفاجئت بالحفلة الكبيرة اللي مسوينها لها علي وراكان..
بعد ما كافئهم البنك على نجاح عملهم بتجديد وتنسيق الفرع..
ومن بعد نجاحهم في البنك تلقوا الكثير من الدعوات من شركات كبيرة وبنوك وبناء خاص..
يطلبون تعاقدهم معهم..
تحس بفخر كبير وانها حققت طموحها وهي اللي ظنت مستحيل تقدر..
قدموا لها الهدايا مباركين لها...
علي بتعالي\لولا الله اولاً ثم حنيتي عليكم لما سلمتكم الفرع اللي تحت ادارتي
ولا كان ما أفلحتوا..