منتديات تراتيل شاعر - عرض مشاركة واحدة - روايةأما غرام يشرح الصدر طاريه ولا صدووود وعمرنا ماعشقنا/10

01-03-2017, 05:10 AM

عالية كانت مفجوووعة بالوجه اللي تشوفه..
رجع لها الرعب والماضي الغايب والمدفون برحمة عامر وحنانه..
هذا هو نفس الشخص اللي كان يضربها ويعذبها..
هذا هو ولد أمه اللئيمة وأبوه القاسي..
صرخت بخوف لما ضرب مرة ثالثة ورابعة على الشباك..
طلعت جوالها من شنطتها واتصلت على عامر..
عالية برعب\عااااامر الحق علي تكفى عامر تعال....
بياخذوني معهم بياخذوني ياعامر لاتخليني لهم تكفى تعال...
عامر بخوف\عالية علامج..؟؟وش صاير تكلمي..
من اللي بياخذج يابنت اهدي ...
عالية بصراخ\تكفى عامر فديتك لاتخليني تكفــــــــــــى..

كسر الزجاج بعصى كبيرة بيدهـ..
فتح الباب وكان بيسحبها معه..بس شاف سيارات تجمعت..
ركب بمكان فهد وحرك السيارة بسرررعة جنونية..
وهي كانت تصرخ وتنادي على فهد وعامر..
أخذ الجوال منها ورماه من الشباك..
جاسم بحقد\أجل هايته على كيفج يابنت العم...
مصاحبة وبقوة عين تتمشين معاه بالسيارة..
أجل وينه قيس عنج..ماهو طق على الصدر وقال هو يدبرج ويربيج..
بس نستاهل المفروض مانعطي بناتنا لعيال الناس يربونهم..
حن مفروض نربيهم ونعلمهم الأدب والسنع..
بس دواج عندي..خلينا نوصل البيت واوريج ..
عالية بقهر\وقف السيارة يا ال****...
انت أخر من يتكلم عن الهياته والتربية..
أشرف منك ومن هلك كلهم..

ضربها بقفا يده على فمها وهي صرخت تبكي...
ومع صوت بكيها..كان فيه صوت بكاء ثاني توهم أنتبهوا عليه..
جاسم تلفت حوالينه باستغراب..
وهو يسمع الصوت..
لف بكل جسمه وأنصدم من الطفل بالمرتبة الثانية بكرسي الأطفال...
عالية بصراخ\ انتبه على طريقك يا متخلف...
مانبي نموووت معك..

مدت يدينها وأخذت غازي بحضنها..
صارت تهزه بخفة وتهمس له عشان يسكت ويخفف من البكاء..

جاسم بغضب\الورع هذا وش يسوي معاج..من ولده هذا..؟؟
عالية بكذب\هذا ولدي أنا..
جاسم فتح عيونه بقوووة ووقف السيارة بشكل مفاجىء..
ضرب راسها بالزجاج الامامي وغازي على صدرها..
سحبها له بقووة وهو يصرخ عليها..
جاسم بكرهـ\كيف صار ولدج..تزوجتي يال***ة؟؟
ماردت عليها لأنها ماكانت بوعيها..
بعد الضربة انجرح راسها بأعلى جبينها ونزفت بكثرة..
أنصدم من شكلها والدم مغطي وجها وحجابها..
أخذ شماغه وربطه على راسها بقووة..
تمنى لو يضرب غازي بكف يغمى عليه مثلها بدل صراخه المزعج..
غازي بصوت باكي\ااا كبــة حسيس ...
جاسم يسوق بسرعة \جب لا ارميك من السيارة..
قالت ولدها ..عنبوو جنت هذي..

وصل لبيتهم نزلها وغازي متعلق فيها بقووة ويناديها (ألوي)
دخلها بأحد الغرف وطلب من أخته تهتم فيها وتتصرف مع غازي المزعج..
انصدمت أخته من البنت اللي جايبها اخوها وهي بهذا الحال..
ماسمح لها تساله او تستفسر منه..
خرج وقفل الغرفة عليهم...
أتصل بأبوه وعمامه وطلب منهم يجتمعون في بيت ابووه بسرعة..
وقال لهم السالفة فيها شرف وسمعة العائلة..
وبكذا أجتمعوا كل عمامه وعيال عمه وهله كلهم..
والكل على أعصابه يبون يعرفون وش السالفة..

بدء جاسم يتكلم ويتكلم وصوته يعلى من القهر..
بنت عمهم مسكوها ومعها واحد تتمشى معه بالسيارة ولا على بالها..
والولد اللي لقوه معها تقول انه ولدها..
يعني هي تزوجت من دون علمهم ورضاهم..
وين راحت كرامتهم وين راحت نخوتهم..

عامر بقوووة\كلامك مردوود عليك ياخاطف الحريم..
جاسم بقهر\وأخيراً شرف راعي الكلمة وصاحب الشور..
رحبوا بشبه الرجال..اللي ماكان قد كلمته ولا صان الأمانة..
عامر ببرود\وش اللي شفته علينا يا الـــ رجال يالكفووو ...
جاسم بكرهـ\بنت عمنا اللي خذيتها وأنت توعد عودنا وشيخنا ابونا انك بتهتم فيها..
وبتجلس مع امها معززة مكرمة..وبتحفظها ولا تخلي عليها قاصر..
هذي هي اليوم مع صحيبها بالسيارة..وزوجتها من دون علمنا وشورنا..
وولدها اليوم بحضنها..
وتسمي نفسك رجال وقد كلمتك يالخسيس..
عامر بحدة\البلا من اللي مايعرف محارمه ولا يصل أرحامه..
طول هذي السنين قاطعينها ولا سألتوا عنها..
ع الاقل تدرون حية أو ميته..تزوجت تطلقت..
والرجال اللي شفته معها وعلى قولك صحيبها لايكون تقصد هذا..
عامر بصوت عالي\ادخل يافهد..
جاسم لما شافه طارت شياطينه..
وعصب وكان بيهجم على فهد ويمكن يذبحه..
بس عامر ضربه بوكس وبعده عن فهد..
جاسم يرد الضربة لعامر..
ويبدون اللي في المجلس يفكون بينهم..
.....\منهو هالولد ياعامر..؟؟
عامر بفخر\هذا فهد بن ....... أخوي وسندي...
وأخو عالية بنتكم من امها...
والولد اللي مع عالية ولد اختها المرحومة..
وان كنك رجال ياجسوم اطلع من ورى الشيبان وقابلني..
والله لأطلعها من عيونك خطفك لها وضرب فهد وخطف غازي ولد أختي..
جاسم\رجال غصبن عليك..وكذبك مايمشي علينا..
قال أخوها وولد أختها..