منتديات تراتيل شاعر - عرض مشاركة واحدة - رواية ورود الامل برائحه الالم روايه كامله/الاخيرة

12-24-2016, 06:45 AM

وحدنا_ناظر الجزيره وقال بحزن_هذي الجزيره نفسها استأجرناها مع الوالد الله يرحمه العنود بحزن:الله يرحمه_ناظرته_فاقده؟؟ الوليد وهو ماسك دموعه:أكيد أتعس أيام حياتي كانت أيام عزاه العنود:في الجنه إن شا الله الوليد:إن شا الله_ناظرها وابتسم_بس الدنيا بقد ما تعذبك بقد ما تفرحك وزواجي منك كان أعظم هديه قدمتها الدنيا لي العنود ابتسمت بحب:ألحين عرفت إن الدنيا حلوه الوليد تنهد ومشى معها للصاله:الدنيا حلوه إذا كان فيه أحباب نقاسمهم النفس اللي نتنفسه العنود:صادق الوليد مسك جاكيتها القصير اللي لابسته على البودي:الجو حار ليه لابسه جاكيت؟؟ العنود كانت لابسته عشان يخفي بهاقها ، نزلت راسها وقالت بضعف:الواحد يستر عيوبه الوليد فصخ الجاكيت ورماه بعيد وناظرها:البهاق مو عيب ولا حرام عشان تخفيه ، بالعكس المفروض تفرحين إن ربك اختارك من بين الناس وابتلاك به تكفير لذنوبك العنود وهي ماسكه دموعها رفعت راسها وناظرته بعيون غرقانه وصوت يرجف:وليد الوليد بهيام:لبيه العنود ودقنها يرتجف:أنت ما تتضايق أو تقرف إذا شفت منظر البهاق بهـ.... الوليد حط إيده على فمها:أووش مابغى أسمع هالحكي_ابعد إيده وابتسم_بالعكس بهاقك أكثر شي يعجبني فيك_زاد ابتسامته_بهاقك يميزك العنود مو قادره تتحمل حنانه معاها وصوتها يزيد رجفه:طيب يمكن يجون أولادنا بهاقين!! الوليد:طيب_رفع إيده يدعي_يارب يجون أولادنا بهاقين مادام بيصرون مثل أمهم العنود ناظرته وعضت شفايفها ودموعها نزلت ، بعدها حطت راسها على صدره وغمضت عيونها:أحبك الوليد ضمها ودخل وجهه بشعرها وغمض عيونه:.. العنود نزلت دموعها بهدوء على خدها الناعم وبدون صوت مهما صرخت وصيحت من اليوم لبكره (أحبـــــك وأعشقـــــك) ماتوفيه ذره من حبها له انتهتــــ كلــــ الجملــــ مـا بقــــى غيــــر الأملــــ الجفــــا مـا يحتملــــ كلــــ شيــــ قسمــــه ونصيبــــ الأملــ مـا هــــو أمانيــــ الأملــــ مرقــــى صعيبــــ لـو أعانــــي ما أعانيــــ ظنيــــ بالله مـا يخيبــــ الأملــــ ســــر الحياهــــ لليــــ مولاهــــ ابتلاهــــ يرفعــــ الكفــــ بدعاهــــ ياإلهيــــ يـا مجيبــــ يـا هليــــ و إنابتيــــ يـا ذرايــــ وعزوتيــــ يـا بقايــــا دنيتيــــ حالنــــا والله غريبــــ >>يسدل الستـــــار معلـــــنا نهايـــــة قصـــــه انثنيـــــن مـــــن أبطالنـــــا
عـــــاش أحدهـــــم أسيـــــر مرضـــــه وهمـــــه يائســـــا معتقـــــدا أنها نهايـــــة الدنيـــــا لكـــــن شخصـــــا دق قلبـــــه
بحبـــــه كـــــان هـــو من أوضـــــح بأن الدنيـــــا جميلـــــة بحبنـــــا وعشقنـــــا وابتسامتنـــــا وتعاوننـــــا<< واضحكـ للدنيا تضحكـ لكـ ^_^ في مثل هالوقت وفي السعوديه بلاد الأمن والأمان والخير والتعاون وكل شي فديتها :طن طن على ركاب الرحله رقم 158 المتجه لجنوب أفريقيا الـ........ عبير:كلللللللللوش وأخيرا مهند:هههههههه عبير:وربي الطياره الخاصه نعمه مهند رفع شنطته ومد إيده لها:يلا عبير ما تعرف لنفسها مره تستحي ومره تتجرأ ، مسكت إيده ومشت معه:... ركبوا الطياره وربط مهند الحزام وعبير ساكته:... مهند:شفيك سكتي؟؟توك شحليلك تسولفين عبير ناظرته:قضت سوالفي مهند:أوكي أنا بأحكي_أسند رقبته وناظر قدام_تذكرين أول مره شفتك؟؟ عبير تذكرت لما كانت بالمطبخ وراجعه من ملكة الوليد ، ابتسمت:إيه كنت عند الثلاجه ههههههههه مهند:هههههههههههه عبير:وتذكر لما..... مهند قاطعها وهو يقرب بوجهه قدام وجهها ويقول بهدوء:من بعد هاليوم صرت ما أفكر إلا فيك وأنام وصورتك ببالي وقلبي يدق لشوفتك عبير نفسها تقوله حتى أنا كنت أحبك وذايبه بهواك بس فيه شي يمنعها ، اكتفت بإبتسامه صغيره:... مهند:هبلتي فيني يابنت عبدالله عبير مدت بوزها:لا تقول كذا تحسسني بالذنب مهند:ههههههههههه عبير ابتسمت لضحكته(أحبك):... >>يســــدل الستــــار معلنــــا نهايــــة اثنيــن من أبطالنـــا
عـــاش أحدهـــم ينتظــــر الأخـــر والأخــــر بالمقــــابل بسبــــب شهــــوة أقــــرب النــــاس لـه (والدهـ) أصابــــته عقــــدهـ