منتديات تراتيل شاعر - عرض مشاركة واحدة - رواية ورود الامل برائحه الالم روايه كامله/6

12-23-2016, 11:16 AM

في فنـــدق الفورسيســـون
العنـــود بفستانها الباذنجاني المخصر الطويل وتوب وفيه فيونكه كبيره من قدام منطقة الصدر ومكياج موف صارخ وتسريحه فخمه رافعه فيها كل شعرها بورود باذنجانيه وطقم الألماس ، واقفه تناظر الكوشه والطاولات والحلويات وتتأكد بنفسها بأن كل شي جاهز
نفذت حلفها اللي حلفته بأنها تسوي زواج تحكي فيها السعوديه كلها ، كانت ريحة القاعه بريحة التفاح والشمعدانات الفخمه الموزعه عالطاولات والكراسي المغطيه بأخفض درجات الأسود وشرايط على شكل فيونكات خضرا زاهيه حتى الجدار والجسر زينته بفيونكات خضرا والكوشه سالفه بكبرها كانت بأريكه دائريه سودا وعليها شرايط طويله خضرا غطت على قتامة اللون الأسود وصار زاهي يعني كانت القاعه تنطق بالفخامه من كثر فخامتها
طلعت لفوق جناح العروس وكانوا عبير ورؤى والشله كامله جالسين مع رنا وأهلها يتمكيجون ، عبير:هاه كل شي مزبوط؟؟
العنود ابتسمت:كل شي
عبير قامت:بأروح أشوف
العنود مسكتها:لا أنا قلت إذا جو الضيوف
عبير رجعت تجلس:ياسخفك ياالعنود
سمر:أهم شي صورتيها؟؟
العنود أشرت بالفلم:لاتوصين حريص
رؤى كانت تتمكيج وطاقتها هواجيس تفكر بعواد (طبعا عواد ماقالها إنه جاي) ،، عبير قربت منها وقالت بإستهبال:ياربي عقبالنا
رؤى تخرعت:بسم الله
عبير والكل:هههههههههه

الساعـــه 9:00
عنـــد الرجـــال
زيد جالس بالبشت بجنب أبوالعنود الكاشخ بالبشت بعد كان اللي يشوفهم يتوقعونهم أصحاب لأن أبوالعنود مافيه أي شي يهيئ إنه داخل الأربعين بالعكس شكله كان صغير بالشنب الخفيف والسكسوكه والثوب الضيق والغتره البيضا وجسمه النحيف
عـــواد دخل القاعه وطاحت عينه على زيد ابتسم ومشى له ، سلم عليه:مبروك
زيد:الله يبارك بعمرك_بمزح_عقبالك
عواد تنهد وحط إيده على قلبه:اللي عندي معذبتني تبغى تعذبني زياده
زيد:ههههههه
سلم على أبوالعنود وبارك له بالنيابه عن الوليد ومهند وجلس وبدا يسولف عن الصين والشغل هناك وأبوالعنود مندمج معه وزيد ماطق خبره يفكر برنا وبالليل

وقـــت الزفـــه
كانت زفه لزيد مع رنا
دخلوا على موسيقى هاديه وشعر لياسر التويجري بعدها غناها محمد عبده
كانت رنا لافه إيدها بذراع زيد وهي منزله راسها وبتموت من الحيا ،، جلسوا عالكوشه وأكلوا الكيك وشربوا العصير وتصوروا مع أهلهم ورقصت العنود حافيه لوحدها عشان تنفذ حلفها<<ياكثر ماتحلف تذكرني بوحده
طلعوا على زفه وداعيه وتوجهوا لفندق الفورسيسون
في الفنــدق
زيد فتح الباب:تفضلي
رنا دخلت وقالت بصوت واااطي:مشكور
زيد سكر الباب وفصخ عبايتها ومسك إيدها ودخلها الغرفه:بدلي على بال ماأطلب العشا
رنا:...
طلع زيد وبدلت رنا ولبست لها قميص نوم راااايق وتعطرت ورتبت نفسها وسحبت نفس وطلعت ،، زيد أول ماناظر شكلها المغري بقميص النوم تسارعت دقات قلبه وارتفع تنفسه خاصه إنه ماتعود على هالشي ولاتعود يناظر حرمه غير خواته وبسس ، حمحم بصوته ودخل بدل ولبس له بيجاما وطلع وبدوا يتعشون وزيد بين فتره وفتره يسترق النظر من رنا يناظر إيديها المكشوفه البيضا أكتافها النحيفه فتحة صدرها الكبيره واللي بينت مفاتن صدرها رقبتها الطويله اللي تتحرك مع بلعها للأكل ، نفسها يبوسها أو يضمها بس مايدري ليه يحسها محرمه عليه
رنا وقفت:الحمدلله
زيد ناظرها بهدوء عكس اللي بداخله:ماأكلتي شي
رنا:لا شبعت الحمدلله