منتديات تراتيل شاعر - عرض مشاركة واحدة - رواية ورود الامل برائحه الالم روايه كامله/4

12-22-2016, 06:33 AM

.......:أحسن شي أنا قريب منه الوليد:أوكي أنا انتظرك سكر منه ونزل من السياره ودخل لستار بوكس اختار طاوله معزوله كعادته وجلس(ياربي هذا اللي أسويه صح؟؟..إلا صح ياالوليد أنت استخرت و..... هو الشخص المناسب وهو اللي بيعرف قيمة العنود .. أنا مستحيل أتزوجها لازم أزوجها اللي يستاهلها ويقدرها .. ياربي تعيني مادري كيف أفاتحه في الموضوع .. طـ....)قطع تفكيره الشخص اللي واعده وهو يدخل .. سمى بالله وأشر له بايده:هنا >>من تتوقعون الشخص اللي بيزوجه الوليد للعنود؟؟<< ^ ^ ^ ^ ^ ^ ^ ^ ^ ^ ^ زيد ابتسم ومشى له مد ايده:هلا الوليد الوليد وقف وسلم عليه وبعد السلام والسؤال عن الأحوال وطلب الوليد شي يشربونه قال زيد بابتسامته الهاديه المعتاده:خير ياالوليد؟؟ الوليد بتردد:والله يازيد مادري شقول لك؟؟آآآآأنت ماشا الله كبير وموظف وعاقل وبعدك ماتزوجت فـ....... زيد قاطعه بهدوئه:الوليد أنا كم مره قلت لك ماراح أحكي في هالموضوع الوليد:طيب انتظر أكمل حكيي زيد زفر:تفضل قاطعهم القرسون وهو يحط الكابتشينو على الطاوله وراح الوليد يكمل:أنت بعدك ماتزوجت وأنا باعرض عليك عرض زيد عقد حواجبه:تفضل الوليد:أنا بـ....._أشر باصبعه_بس أتمنى ماتفهمني خطا زيد ابتسم:آفا عليك ياالوليد أحكي وخذ راحتك الوليد:أوكي_سحب نفس_شرايك أزوجك؟؟ زيد بصدمه:تزوجني!! الوليد:إيه شفيها!!عادي أزوجك زيد:وليش تزوجني؟؟أنا الحمدلله أقدر أتزوج بس ماابغى الوليد:شفت فهمتني غلط .. أنا باقترح عليك وحده ماشا الله حسافه لو ماتزوجتها زيد باستهزاء وهو يشرب من الكابتشينو:ومن هي اللي داعيه عليها أمها في ليلة القدر؟؟ الوليد:يااخي ليه حاقر نفسك؟؟ زيد بدون اهتمام:طيب من هي؟؟ الوليد:هي البنت ماشا الله ماينقصها شي جمال وأخلاق وحسب ونسب بس انها مطلقه لكن بعدها بكر زيد:طيب مين؟؟ الوليد:العنود زيد من سمع اسم العنود ارتفعت دقات قلبه لكنه قال بثبات:مين العنود؟؟ الوليد نزل راسه:طليقتي زيد فتح عيونه بصدمه:...... الوليد بسرعه:أرجوك لاتفهمني خطا أنا بس أبغى أجمـ..... زيد قاطعه وهو يأشر بايده ودمعته نزلت على خده:لا تكمل والله حاس فيك الوليد استغرب دموعه:اذا ماتبغى عادي أنا ماأمرك أو اطلبك أنا أعرض عليك زيد غمض عيونه نفس المشهد يعاد أمامه ألحين:..... الوليد ماتوقع ردة فعله بتوصل لهدرجه:زيد إذا ماتبغى عادي بس أنا أبغى أجمع بين شخصين يستاهلون بعض لاأقل ولاأكثر .. هاه شقلت؟؟ زيد فتح عيونه المليانه دموع:موافق الوليد انصدم ماتوقعه يوافق بهالسرعه أصلا ماتوقعه يوافق من الأساس:متأكد!! زيد:ايه الوليد:شف ترا_أشر بايده_زواج زواج مو لعب وأنت في غرفه وهي في غرفه زيد:ههههه ايه شفيك مومصدق؟؟ الوليد:لا موكذا بس توقعت تقول عطني وقت أفكر زيد:وليش افكر؟؟اذا كانت البنت مثل ماتقول ماراح أفوتها وأنا أصلا كنت حاط فكره الزواج في راسي من فتره الوليد:أوكي متى نروح نخطب زيد:من ألحين اذا عادي الوليد:هههههه لاعاد مو كذا اما حبا والا برك .. خليها الأربعاء على بال مااتصل بخالي وأحط عنده موعد .. شرايك؟؟ زيد: يعني بعد بكره_فكر شوي بعدها قال بزفره_أوكي الوليد شرب من الكابتشينو بعدها جلسوا يسولفون عشر دقايق وكل واحد راح لطريقه زيد ركب سيارته وحرك(العنود .. اسمها روعه وحلو .. ان شاالله تكون مثل اسمها)ماكان متردد ابد في اللي سواه بالعكس كان متحمس للأربعاء الوليد طلع من الكوفي وهو مايدري وين يروح(يارب وين أروح؟؟أرجع للبيت مستحيل أنا ماصدقت أطلع .. والقصر رايح له الظهر والعصر ولو رحت آلحين بتشك أمي في الوضع .. الإستراحه مافيها أحد .. عواد مسافر .. مهند ماعنده وقت يحك شعر راسه .. زيد راح لدوامه_ابتسم باستهزاء_على أخر عمرك ياولد السجيدي تشردت .. مالي إلا أروح للمشا من زمان مامشيت)وفعلا شغل سيارته وراح للمشا عبير كانت متمدده على سريرها تفكر في الهم اللي طاح فوق راسها وتقلب الأمر في راسها طفشت من التمدد على السرير وقفت بتطلع فتحت الباب وهي تمشي بشويش يوم كامل مامشت انكسر ظهرها مدت ايدها بتفتح الباب لكن كلون الباب تحرك وسبقها بعدت عنه ودخلت أم الوليد ووراها الشغاله بايدها صينية العشا .. أم الوليد شهقت ورجعتها للسرير:وش قومك من السرير؟؟اجلسي عبير جلست على السرير وقال بصوت واضح عليه التعب:ماما طفشت من الجلسه على السرير أم الوليد مددتها:معليش حبيبتي انتي تعبانه لازم ترتاحين عشان تتحسن صحتك عبير يئست:....... أم الوليد حطت الطاوله الصغيره فوق حضنها ومدت لها ملعقه فيها شوربه:سمي بالله عبير ماتحب أحد يخدمها أو يشفق عليها خذت الملعقه تحسه متفضل عليها:أنا أأكل نفسي أم الوليد حركت راسها:مافيه فايده وقامت طلعت عبير حطت الملعقه مالها نفس اسندت راسها على السرير وناظرت فوق ونزلت دموعها أكره شي لها في الحياه الحيره وهي محتاره في درب العشق أم الوليد فتحت الباب وناظرتها:كنت حاسه_مشت لها ورفعت الملعقه_كـ......_قطعت كلامها لما شافت دموعها نزلت الملعقه ومسكت ايدها وقالت بخوف_حبيبتي شفيك؟؟في شي يالمك؟؟ عبير مسحت دموعها:لا ماما مافيني شي أم الوليد:لا احكي شفيك؟؟ عبير:مافيني شي أم الوليد:اسألك بالله شفيك؟؟ عبير:ماما أرجوك لاتضغطين علي متى ماأحس اني أبغى أحكي بأحكي أم الوليد ماحبت تضغط عليها:أوكي بس كلي عشاني عبير:أوكي وبدت تاكل بدون نفس وأم الوليد تراقبها بدون صوت .. بعد ماشبعت طلعت أم الوليد ورجعت هي لأفكارها وهواجسها رفعت الريموت وشغلت الاستريو الكبير علا صوت الشيخ/عبدالرحمن السديس_حفظه الله_ الخاشع وملا الجو روحانيه وسكينه حست بطمانينه غشت قلبها **وفيه أحلى من كلام ربي يخفف عليك ضيقتك وكربتك** مهند جالس في مكتب شركته الكبييير يفكر .. طق الباب:طق .. طق مهند:ادخل دخل فزاع (31 سنه):السلام عليكم طال عمرك مهند ابتسم يحب فزاع أكثر من عمانه وأبوه .. وقف:هلا فزاع فزاع ابتسم:هلا بك؟؟ مهند:تفضل فزاع جلس:زاد فضلك مهند جلس:وش تشرب؟؟ فزاع أشر بايده:بس الله يكرمك توني متعشي والله .. بس الحقيقه أنا جاي ياعم مهند أطـ.... مهند قاطعه:الله يهديك يافزاع أنا اللي مفروض أناديك عم مو أنت فزاع ابتسم:والله ماقدر تعودت عليها مهند:أجل أنا بأناديك عم بعد ههههههه هزاع بروعه:لا لا لا مهند ابتسم:خلاص أجل بلاش عم فزاع:أوكي ياعم مهند وسكت مهند:هههههه