منتديات تراتيل شاعر - عرض مشاركة واحدة - رواية ورود الامل برائحه الالم روايه كامله/4

12-22-2016, 06:33 AM

على فمها تمنع شهقتها(هذا مهند!!):........ مهند ناظره وقال بصوت تعباااان:لاتخاف مافيني شي طاهر مد له عصير خذه الوليد وجلسه وشربه العصير العنود تراقب تصرفات مهند وتحفظ ملامحه وماغابت عنها اللهفه اللي في صوته(معقوله يحبها!!ياالله مايشبه وصف عبير ماتوقعته بهالوسامه):........ جلسوا ينتظرون أحد يطلع يطمنهم على عبير وأم الوليد نتركهم إلى أن يطلع لهم أحد ونروح لناس آسفه على كتابة أمثالهم في روايتي المتواضعه لمياء نزلت من غرفتها ببنطلونها البيج البرمود خصر واطي وضيييييق وبدي أسود توب وقصير بين سرها المستدير وخصرها النحيف يعني لو مالبسته كان أحسن وشبشب البيت الأسود وقفت قدام مراية المدخل وفكت شباصتها وطاح شعرها الأسود الكثيف على أكتافها مسكت نصه بالشباصه وناظرت شكلها .. عيونها الكبيره الحاده والعدسات الرماديه اللي ماتفصخها الا وقت النوم .. فمها الواسع وشفايفها الكبيره واللي زينتها بالروج الأحمر .. أنفها الطوييييل ومزينته بزمام كريستالي .. وبشرتها البيضا الصافيه الصافيه .. لكن على ملحها<<(لاحظوا ملح مو جمال) لكن ملحهاماأخفى ملامحها القاسيه الشريره وابتسامتها الخبيثه اللي ماتفارق فمها .. أرسلت لصورتها المعنكسه في الصوره بوسه ودخلت المجلس وهي تعلك نقدر نقول العلك هوايتها .. صافحت عمها بالايد بسسس وجلست وحطت رجل على رجل:آمر عمي أبو حمد ابتسم ابتسامه خبيثه:مايامر عليك عدو .. شوفي يابنتي أنـ..... لمياء قاطعته بوقاحه وهي تعلك وتأشر بايدها:اختصر لوسمحت أنا مو فاضيه أبوحمد عااااااادي مو هذا تربيته .. كمل بابتسامته:أوكي باختصار أنا وأبوك مخططين نزوجك مهند لمياء عقدت حواجبها:مهند!!آه عرفته ولد عمي الـ#### أبوحمد:تمام هاه شقلتي؟؟ لمياء بذكائها فهمت قصد عمها وقفت وقالت وهي تلعب بشعرها:أوكي موافقه اعملوا اللي بدكم_ناظرته_وأنا لعبتي بالأخير عمها وقف معها وابتسم:تعجبيني متفهمه وأتوقع ماتحتاجين تعليمات لمياء أشرت باصبعها:دوت .. دوت كذا تزعلني منك تعلمني بشغلي أبو حمد ضحك ضحكه عاليه:ههههههههههههه تربيتي نرجع لجو المستشفيات وجو التوتر .. طلع الدكتور من الغرفه اللي دخلتها عبير مع دكتور غرفة أم الوليد والوليد بدوره ركض وقال:هاه يادكتور طمني!! العنود كان نفسها تروح تشوف بس استحت من مهند:...... الدكتور نقل بصره بين الوليد ومهند اللي ركض ورا الوليد وقال بابتسامه:حد فيكم قوزها؟؟ الوليد بسرعه أشر على نفسه:أنا أخوها وهي لسى ماتزوجت الدوكتور حرك راسها:كنت متوقع على العموم ماتخافوش هي عندها سخونه حاده بس واحنا اديناها مسكن للسخونه ترتاح شويا وتآدر تخرق دي الوئتي لو عاوزه هو تأخر قيتها للمستشفى هي اللي وترت الوضع شويا الوليد زفر:الحمدلله_ناظر دكتور أمه_وأمي كيفها؟؟ الدكتور:ههههههه ودي أمك كمان الوليد تنرفز من ضحكته:وش فيها؟؟والا والله مايحصل لك طيب الدكتور خاف لأنه عرف الوليد:لا ماتخافش هي عندها انهيار عصبي وساعتين كذا وحتصحى ان شا الله بس مايصحش تخضوها الوليد ناظر دكتور عبير:طيب هي صاحيه ألحين؟؟ الدكتور:طبعا الحمدلله الوليد مسك ايده:ممكن أشوفها الدكتور:مش آبل ماتسدد فلوس المستشفى الوليد عقد حواجبه وقال باستنكار:ايش؟؟أقولك ممكن أشوفها تقول سدد قبل_دفه ودخل_هذا اللي ناقصني الدكتور حاول يلحقه لكن مهند مسكه:على وين؟؟ الدكتور:معليش بس دا نظام المستشفى مهند:أنا أدفعه الدكتور:أنا مايخصنيش أنا يخصني الفلوس وبس الوليد دخل للغرفه وابتسم لعبير:الحمدلله على السلامه عبير ابتسمت بتعب:الله يسلمك الوليد باس جبينها:خوفتينا عليك عبير اكتفت بابتسامه:...... الوليد يبغى يروح لأمه بس ماحب يقلقها:أوكي بأروح أسدد وأرجع وطلع مشى عشان يسدد للمستشفى لكن مهند قابله:ارجع سددت الوليد ابتسم له ورجع:....... جلسوا والعنود استجمعت قوتها ووقفت وسألت الوليد:عادي ادخل عليها!! الوليد بارتباك:تفضلي العنود مشت لغرفتها ودخلت مبتسمه:الحمدلله على السلامه عبير:العنود العنود حضنتها:عيونها عبير نزلت دموعها:تعبانه ياالعنود تعبانه العنود:سلامتك من التعب عبير:أبغى أرجع للبيت العنود:هم كتبوا لك خروج بس اجلسي ارتاحي شوي أحسن لك عبير حاولت توقف:ماحب المستشفيات بأطلع العنود:طيب انتظري نشوف الـ... عبير قاطعتها:لا خلاص الدكتور عطاني العلاجات وعلمني كل شي العنود باستسلام:براحتك اسندتها وطلعوا أول ماطلعت عبير طاحت عينها على مهند حست بالدموع تجتمع في عيونها وقلبها يدق بقوه .. مهند رفع راسه وناظرها وتلاقت العيون حس بتنفسه يرتفع وان كل المستشفى تسمع دقات قلبه من قوتها .. الوليد والعنود ماكانوا أفضل حال منهم لكن كل واحد كان يتحاشى يناظر الثاني .. أخيرا أنقذت شيخه الموقف وهي تركض لعبير وتحضنها:الحمدلله على السلامه عبير ابتسمت بتعب:الله يسلمك ياالمصريه شيخه مسكت النظاره:ههههه شرايك؟؟ عبير:صايره الطالبه المجتهده شيخه:وأنتي العنود!! العنود ابتسمت:روعه مره مناسبتلك .. حتى ذوقك حلو اخترتي اللي يناسبك الوليد ابتسم وعلقت شيخه:مو أنا مختارتها الوليد هو اللي اختارها العنود اختفت ابتسامتها:........ عبير مشت والعنود ساندتها ومروا من عند مهند اللي قال:الحمدلله على السلامه عبير بارتباك:الله يسلمك مشوا لكن عبير وقفت:يلا الوليد الوليد ماعرف شيقول:آآآ....أنتوا روحوا مع صفا وطاهر وأنا بجلس أنتظر أمي عبير بصدمه:ماما!!شفيها؟؟ الوليد:لاتخافين انهيار عصبي خفيف وبتصحى ألحين ونلحقكم عبير نفسها تجلس عشان تطمن على أمها لكنها ماتقدر توقف زياده:أوكي مع السلامه وراحوا كلهم الا الوليد مهند العنود دخلت القصر وهي سانده عبير وطلعتها لغرفتها ومددتها على السرير:ارتاحي عبير مسكت ايدها:آسفه عنودي على الكلام اللي قلته بالكوفي مادري شلون طلع مني؟؟ العنود ابتسمت:لاتعتذرين مقدره عبير ابتسمت بحزن:.......... العنود غطتها:ارتاحي انتي وأنا بأوصي الشغاله على أكلك وعلاجك عبير:مشكوره تعبتك معي العنود:تعبك راحه_باست خدها_يلا مع السلامه كان نفسي أجلس معك أكثر بس أكيد ماما ألحين قلقانه علي عبير:ماقصرتي .. مع السلامه نزلت العنود وعلمت الشغاله عن العلاجات ومواعيدها وعن الأكل اللي تطلعه لها بعدها توجه للبوابه وكان في وجهها الوليد ماسك ايد أمه .. ارتبكت وماعرفت وش تسوي لكنها في النهايه قربت من أم الوليد وباست راسها:الحمدلله على السلامه أم الوليد تتحاشى تحط عينها في عين العنود:الله يسلمك العنود قالت تطمنها انها مااخذت موقف منها:عزيزه وغاليه ياخاله وطلعت الوليد ناظر ظهرها وهو مافهم وش قصدها .. أم الوليد حست انها حقييييره التفتت وشافت الوليد يناظر ظهر العنود رجعت نظرها لقدام وتجمعت الدموع في عيونها .. الوليد تنهد وطلع أمه لغرفتها بعدها تطمن على عبير وشيخه ورجع لبيته ودمعته على خده العنود رجعت البيت وقفلت على نفسها الغرفه ورمت بنفسها على السرير وانفجرت بكي ونحيب يقطع القلب الى ان نامت ودمعتها على خدها الوليد رجع لفلته مسح دموعه وفتح الباب ودخل شغل الأنوار ومشى للدرج لكن صوت غيداء وقفه:بدري كان تأخرت شوي الوليد غمض عيونه واستغفر بصوت عالي:استغفر الله العظيم من كل ذنب عظيم غيداء بعصبيه:ذنب_أشرت على نفسها_أنا ذنب الوليد التفت لها:وأحد قال انك ذنب أنا استغفر والا حرموا الاستغفار بعد!! غيداء بعصبيه:أنا فاهمتك عدل .. وين وعدك اللي وعدتني؟؟والا تنبيني أنفذ وعودي وانت لا .. وماأظن انك ماتقدر تبتعد دقيقه عن العنود مصاصة الرجاجيل وتتـ...... قاطعه كف على وجهها من الوليد وهو يقول بصوت يرعد من العصبيه:احترمي نفسك سكت لك كثير غيداء نزلت دموعها وصرخت:محترمتها قبل ماأشوفك وأعرفك ياالمنافق كيف تبغى الناس يعاملوك عدل ويوفون بوعودهم وأنـ.... الوليد قاطعها وهو يصرخ وصوته اخشن زياده على خشونته:غيداء اسكتي غيداء ودموعها على خدها:ماني ساكته .. تطلع وتوسع صدرك مع عشيقتك وتفلها وماترجع إلا أخر الليل ولا كأن وراك زوجه تنـ.... الوليد قاطعها وهو يقرب منها ويصرخ:تدرين أنا وين كنت فيه؟؟أنا كنت في المستشفى غيداء انصدمت:...... الوليد مستمر بالصراخ:ايه في المستشفى عبير ارتفعت حرارتها ونقلناها للمستشفى وأمي من عرفت انها بالمستشفى جاها انهيار عصبي ونقلناها هي الثانيه للمستشفى_أشر بايديه_أنا ماكنت ألعب مثل ماتقولين أنا راجع تعبان ماتعشيت بدل ماتستقبليني بالعشا وتهونين علي تزيدينها علي وتتهميني وتقذفين انسانه بريئه وماشفتي منها شي بالحرام .. كيف تبغيني أحبك وأقدرك وأنا أشوفك عقبه في طريقي؟؟ ولف وطلع لغرفته غيداء وقفت مكانها مصدومه .. ندمت قد شعر راسها على الكلام اللي قالته(صادق ياغيداء .. انتي ماسألتيه وين كان؟؟على طول هاجمتيه واسئتي الظن فيه .. ياربي وش أسوي ألحين أنا الغلطانه؟؟ وغلطي واضح ومالي عذر .. لازم اعتذر منه) الوليد دخل غرفته وسكر الباب بقوووه وقفله رمى نفسه على السرير وترك دموعه اللي ماسكها تنزل بهدوء على خدها .. دق باب غرفته بهدوء:طق .. طق قال بصوت مبحوح:أنا تعبان وأبغى أنام غيداء نزلت دموعها ورجعت لغرفتها:...... الوليد لف للجهه الثانيه ونااااااام يــوم جـديـــد المغـــرب سمى بالله وضغط على الزر الأخضر ثواني ووصله صوت ......:ألو الوليد بلع ريقه:السلام عليكم .......:وعليكم السلام .. هلا الوليد .. كيف الحال؟؟ الوليد:الحمدلله بخير .. كيف حالك؟؟ ......:الحمدلله بخير مانسأل الا عنكم الوليد:الله يسلمك_بتردد_ ..... أبغى أقابلك ......:ان شا الله .. بس متى؟؟ الوليد:براحتك لو تبغى ألحين ......:ألحين ألحين .. وين أقابلك فيه؟؟ الوليد ناظر الكوفي اللي قدامه:شرايك في ستار بوكس اللي بالتحليه؟؟ .......:أحسن شي أنا قريب منه الوليد:أوكي أنا انتظرك سكر منه ونزل من السياره ودخل لستار بوكس اختار طاوله معزوله كعادته وجلس(ياربي هذا اللي أسويه صح؟؟..إلا صح ياالوليد أنت استخرت و..... هو الشخص المناسب وهو اللي بيعرف قيمة العنود .. أنا مستحيل أتزوجها لازم أزوجها اللي يستاهلها ويقدرها .. ياربي تعيني مادري كيف أفاتحه في الموضوع .. طـ....)قطع تفكيره الشخص اللي واعده وهو يدخل .. سمى بالله وأشر له بايده:هنا............................... {من تتوقعون الشخص اللي بيزوجه الوليد للعنود؟؟} >>انتظروا في البارت الثالث (*_^)<< البـــارت الثـــــالـث يــوم جـديـــد المغـــرب سمى بالله وضغط على الزر الأخضر ثواني ووصله صوت ......:ألو الوليد بلع ريقه:السلام عليكم .......:وعليكم السلام .. هلا الوليد .. كيف الحال؟؟ الوليد:الحمدلله بخير .. كيف حالك؟؟ ......:الحمدلله بخير مانسأل الا عنكم الوليد:الله يسلمك_بتردد_ ..... أبغى أقابلك ......:ان شا الله .. بس متى؟؟ الوليد:براحتك لو تبغى ألحين ......:ألحين ألحين .. وين أقابلك فيه؟؟ الوليد ناظر الكوفي اللي قدامه:شرايك في ستار بوكس اللي بالتحليه؟؟