منتديات تراتيل شاعر - عرض مشاركة واحدة - رواية ورود الامل برائحه الالم روايه كامله/4

12-22-2016, 06:31 AM

الوليد رجع لبيته تعباااااااان ومايناظر غير الفراش فتح باب البيت(يووووه نسيت هالنشبه أنا قايلها بعد الزواج...والله ماارجع خلها لبكره)دخل وشغل الأنوار ومشى بيطلع الدرج لكن صوت غيداء الساخر وقفه:ماشا الله بدري كانت تأخرت بعد
الوليد التفت عليها:السلام عليكم
غيداء أول ماشافت وجهه تنحت مع الدقن الخفييييييف مرررره وشنبه الخفيف(ديرتي) غير شكله 180 درجه والشماغ عطاه رزه وهيبه أكثر والثوب الضيق بين جسمه الرياضي وصدره المشدود والدقله اللي ماسكها بايده أول مره تشوفه بالثوب والشماغ من القريب لأن ماكان عندها الجرأه وقت الزواج والملكه انها ترفع راسها وتناظره دق قلبها بقوه وارتبكت(الله يلــ#### يهبــبــبــبل):............
الوليد لماح بطبعه ومافاته تأملاتها وارتباكها قرب منها أكثر وحط وجهه قدام وجهها وناظر بعيونها مباشره وقال برومانسيه:غيداء أنا تعبان ومانمت من أمس وأبغى أنام وأنا مرتاح_باستهزاء_أوكي حياتي؟؟
غيداء:........
الوليد بحزم:أوكي!!
غيداء حركت راسها وقالت بصوت واااااطي مرتجف:أوكي
الوليد ابتسم:شاطره_باس خدها_تصبحين على خير ولف عنها وطلع لغرفته
غيداء وقفت مكانها لثواني تناظر ظهره بعدها اختفى عن نظرها انتبهت لنفسها ومشت لغرفتها سكرت الباب وتمددت على السرير(ياربي ليه قربه يربكني؟؟ليه حبيته أصلا؟؟آآآآآآآآآآآه ياغيداء مكتوب عليك الشقا)تذكرت شكل العنود في الزواج اليوم وحست بدمها يغلي(الله ياخذها يوم عن يوم تزيد حلاوه)تنهدت وتغطت عشان تنام لأنها هي الثانيه مانامت من أمس تفكر في طلاقها من الوليد

العنود رجعت للبيت مع طلوع الشمس دخلت غرفتها وفصخت عبايتها ورمتها على السرير وفصخت طقمها وصندلها ومشت لشباكها حفيانه وفتحته وبدت تناظر شروق الشمس مرت نسمة هوا وحركت خصلات شعرها غمضت عيونها وسحبت نفس طوييل وفتحت عيونها مشت لدرجها وفتحته طلعت صورة الوليد وجلست على الأريكه ناظرت الصوره بعيون دامعه كانت تحب هذي الصوره مررره ..كان الوليد فيها جالس في خيمه في بر ولابس ثوب أسود وشماغ سكري مطرز بالنحاسي ورافعه بطريقه عربجيه وشعره كان طويييييييييل لحد كتفه وبان من تحت الشماغ وبايده اليمين لابس قفاز جلدي وواقف عليه صقره جلعود ومبتسم ابتسامه عريضه بانت معها غمزاته.. باست الصوره وحطتها على التسريحه وبدلت ولبست بيجاما ومسحت مكياجها وفكت تسريحتها وفتحت درج الكومدينه وطلعت قلم وجلست على السرير ومعها الصورة كتبت في ظهر الصوره

ودعــت روحـي يــوم ودعت غــالي
وحـبه كبيــر(ن) فــاق كـل الخيــالي
ليتــه يحـس بضــيقتي فــي غيابــــه
واللــه أعــزه يـابشــر يـاقرابــه
ودي ولــو يشـــوف فـي يــوم حــالـي
أبــكي علـى فــراقـه طــــول الليـــالـي
طيبــه غمــرنـي مثـل مـزن السحـــابـه
قــدره عزيــز(ن) كــــل شــخصـ(ن) يهابـه
عــني أحبـه ودايــــم فـي بــالـي
هــذا شعــوري صـدق لأغــــلــى الغــــوالــي

ضمت الصوره لصدرها وغمضت عيونها ونزلت دموعها اللي ماسكتها ونامت وهي ضامه الصوره

يـــوم جديـــد
نبدا بعرسانا الجدد
الظـــهر
عواد صحى وتروش وبدل ولبس ثوب وطلع طلب الفطور متأخر ولما رجع لقى رؤى صاحيه ابتسم لها وباس خدها وقال:صباحيه مباركه ياأحلى عروسه
رؤى تذكرت اللي حصل أمس وحمر وجهها ونزلت راسها:.......
عواد ابتسم لخجلها وقال:بدلي على بال مايجي الفطور عشان بعدها نطلع نسلم على أهلنا
رؤى:أهلنا!!
عواد ابتسم وقرب منها:إيه أهلنا مو أنا وانتي واحد
رؤى بغرورها:سوري مافي أحد يحل محل أهلي
عواد ماحب يكبر السالفه:أوكي بدلي عشان نفطر ونروح نسلم على أهلي واهلك .. أوكي!!
رؤى ابتسمت:أوكي
عواد باسها:أحلى أوكي
رؤى ضحكت وراحت للحمام(الله يكرمكم)وعواد طلع عند التلفزيون ينتظرها

نتركهم إلى ان يفطروا ونروح
لفلة لوليد اللي كان ناااااايم ومو حاس بشي ابد .. غيداء كانت صاحيه ومفطره ومبدله وكل شي لأنها ماتحب تصحى الظهر يجيها صداع
طفت البلازما:أووووف يعني بأظل على هالحال_ناظرت الدرج الطويل_أروح اصحيه!!_فكرت شوي_لا لا اخاف يقول وش دخلك غرفتي_طقت بلسانه علامة تطنيش_بالطقاق
ناظرت الفله الفخمه اللي أقرب مايقال لها قصر مصغر على كبرها وفخامتها أطلقت آه كبيييره بعدها قالت:ناس تلعب بالفلوس وناس ماتحصل شي تاكله ... آآآآآآه لو ماعرفتك ياالوليد وحبيتك كان أنا ألحين في دوامي أسولف مع جمانه .. ياحلو العزوبيه ويازينها والله ماورا الزواج الا وجع القلب
رفعت جوالها واتصلت بجمانه رنه وحده ووصلها صوت جمانه اللي صرخت:هلا هلا هلا بالعروس
غيداء ابتسمت:هلا بك
جمانه:وينك يابنت من زمان عنك والا من لقى أحبابه نسى أصحابه
غيداء(أي أحباب واللي يرحم والديك):أنا في السعوديه
جمانه بصدمه:صدق!!
غيداء:إيه من قبل أمس
جمانه:قلتي شهر عسل بدبي وقلنا يلا معليه لكن شهر عسل اسبوعين مالك داعي صراحه
غيداء:عشان زواج أخته كان أمس
جمانه شهقت:عبير تزوجت!!
غيداء:لا مو عبير رؤى
جمانه:عنده أخوات غير عبير
غيداء:إيه أخت رؤى كبير ومتزوجه وشيخه لسى صغيره
جمانه:ماقد شفتها رؤى هذي
غيداء كشرت:أحسن لك مغروووره
جمانه:والله!!عكس عبير أجل عبير عسسسسل هالإنسانه
عبير(كلهم عايله غريبه):........
جمانه:آلو غدو آلو
غيداء:معك .. معك
جمانه:اسمعي بأقولك سالفه
غيداء:ايش؟؟
جمانه:فيصل.....
غيداء ابتسمت(ياليتني وافقت عليه أبرك لي من الذل اللي عايشته):..........
جمانه بطفش:غدو وينك؟؟كل شوي تسرحين
غيداء:معليه كملي
جمانه:الوليد عندك؟؟
غيداء بروعه:لا
جمانه:ههههههه شفيك ارتعتي؟؟
غيداء:كملي بس
جمانه:ايه فيصل خطبني
غيداء بصدمه:خطبك!!
جمانه:إيه ليش كذا مصدومه؟؟
غيداء بقلق:وافقتي؟؟
جمانه:طبعا لا تستهبلين
غيداء غمضت عيونها براحه ماتدري وش سرها:........
جمانه بشك:غيداء لا يكون تحبينه!!
غيداء:حشا رقاصه أنا من واحد لواحد
جمانه:اسمعي طيب بريكي خلص لازم اسكر مع السلامه
غيداء:مع السلامه وسكرت