منتديات تراتيل شاعر - عرض مشاركة واحدة - رواية ورود الامل برائحه الالم روايه كامله

12-21-2016, 04:32 AM

البارت السابع

قصر

ضحكت بدلع:هههههههههههههههههه لاماأحب
بدر:لييييييه ياقلبي؟؟
رؤى بنفس الدلع:اممممممممم موحلو وش رايك بوسن!!
بدر:وععععععععععععععع لالاخلينا على رند أحسن
رؤى بدلع:هههههههههههههههههه
بدر:فديت هالضحكه
رؤى وجهها شب من الخجل:بدددددددددددر
بدر:عيونه وقلبه
رؤى:تسلم لي عيونك وقلبك
بدر:آخخخخخ الله يصبرني بس...يلا ياقلبي أخليك ألحين
رؤى مدت بوزها وقالت بدلع:أوكي
بدر:حبي ليه الزعل؟؟
رؤى:بدوري حرام عليك أنا ماصدقت تدق علي عشان تسكر بهسرعه
بدر:اعذريني ياقلبي الشغل
رؤى بعتاب:اسبوعين عاد..اسبوعين
بدر:وربي مو بيدي..بس أوعدك المره الجايه ماأدق عليك أجيك بكبري
رؤى بفرحه:جد
بدر:جد الجد بعد...هاه رضيتي
رؤى:وانا أقدر
بدر:ترفقي علي
رؤى:ههههههههههههه
بدر:أنا بأسكر قبل ماانهبل مع السلامه
رؤى:مع السلامه
سكرت الجوال وقدت تتأمله وهي مبتسمه(أحبه أعشقه قليله بحقه)
:الهم سكنهم مساكنهم
رؤى نقزت وحطت يدها على قلبها:بسم الله الرحمن الرحيم_التفتت عليها_انتي خير شهالأسلوب ياختي طقي الباب تنحنحي على الأقل دامك ملزمه على العربجيه حقتك
عبير جلست على الأريكه:أوووووووووف ياختي طفشت ولود معاه رجال وماما طالعه وبابا مسافر
رؤى:قلتلك سجلي في دورة مكياج أوحاسب أوادرسي أي لغه
عبير:لا وش هالخرابيط
رؤى رفعت كتفها:طيب ادخلي نادي
عبير بغرور:وليه نادي جسمي ألف يتمناه
رؤى:انتي فاهمه النادي خطا النادي موشرط تخسيس بس لا تقوية لجسمك وصحتك الرياضه مهمه للجسم
عبير حركت يدها بلا مبالاه:لالا ماحب هالخرابيط_ناظرت فيها_أنتي دبه ودخلتي النادي لأنك غرتي لما شفتي جسم أم العنود صح
رؤى:لا أصلا أنا من أول والفكره براسي_أشرت على نفسها بدلع_بعدين أنا أغار من وحده كبر أمي
عبير:هههههه مشكلتك مكشوفه_كملت بحماس_وشرايك في البيت العنود صح بيتها حلو
رؤى:اللي يسمعك يقول ساكنه بعشه_كملت بدلع وهي تمط شفايفها_حبيبتي انتي ساكنه في قصر السجيدي قصر من أفخم وأكبر قصور الرياض وش الرياض الا السعوديه بكبرها
عبير كشرت بوجهها:يامصلك وياغرورك ياختي اعترفي لو مره وحده بس وش بيصير
رؤى:ماراح أكذب تقارنين قصرنا بفله عاديه
عبير طقت بلسانها:دوت..دوت..دوت أنا ما أقارن لكن أثاثهم فخم وغريب_كملت بحماس_ذوق راقي وغريب ألوان ماتقدرين تفكرين تخلطينها مع بعض
رؤى:أنا ماشفت البيت كامل بس مجلس الحريم كان عادي
عبير:الله يفشلك كذا الموضه البساطه والأناقه_كملت بغرور_حبيبتي يكفي ان العنود هي اللي مصممته
رؤى بصدمه:العنود
عبير حطت رجل على رجل:ايوووووووووووووووون
(عبير ماكانت تضحك مع رؤى بالعكس كانت علاقتهم رسميه بسبب طبيعة رؤى المغروره والرسميه مع الكل لأنها تسمي خفة الدم والمزح ثقالة طينه وسخافه على عكس عبير اللي كانت محبوبه من الكل ومتواضعه وخفيفة دم وكانت تتحاشى تخفف دمها مع رؤى لأنها باختصار تحطم)

في نفس القصر لكن على طاولة الطعام الفخمه
الوليد ضرب جبهته:ياخي حرام عليك هذي خامس قصه تسمعني اياها_اشر عليه_أنت وش سالفتك
مهند بملل:مادري ياخي ماعرف
الوليد:طيب وين بيتكم؟؟
مهند:ماعندي بيت
الوليد ناظر في ملابسه واضح عليه موهين من لبسه الفخم وعطره الجذاب وطريقته في الكلام
الوليد:اسمع طيب أنت اليوم نام عندي وبكره ألقالك صرفه
مهند هز راسع بايجاب:................
الوليد وقف ومد له يده ناظر فيه مهند بحيره
الوليد ابتسم:تعال معي أوديك لغرفتك
مهند قام معه ومشى وراه لجناح الضيوف اللي كان في حديقة القصر
دخل الوليد صالة الجلوس والتفت لمهند:عادي تنام لوحدك ولا أنام معك
مهند بسرعه وبخوف:لالالا تنام معي_دمعت عيونه ونزل لرجلين الوليد يبوسها_تكفى لا تنام معي_ضم رجلين الوليد لصدره وهو يبوس أي شي تطيح عينه عليه ويصرخ_تكفى لالالاتنام معي تكفى لا
الوليد انصدم من ردة فعله نزل له ورفعه:لا تخاف ماراح أنام معاك
مهند ناظر فيه بضغف وانكسار ودموعه على خده الوليد كان رحوم وحنون بدرجه خياليه لمعت عيونه بحزن وضمه لصدره العريض ومسح على صدره بحنان:لاتخاف أنا معاك وراح أسوي اللي تبي
مهند مارد عليه واكتفى بنحيب يقطع القلب ووجهه على صدر الوليد شوي هدا وتحول نحيبه لشهقات متتاليه وبعدها انتضمت أنفاسه وتراخى جسمه الوليد رفعه ومدده على السرير وطفا النور وخرج

بيت العنود
:ماهضمتها
ناظرت فيها العنود وقالت وهي تحط الكريم في يدها على موضع البهاق:حتى أنا ماما تبين الصراحه ماهضمتها
أم العنود:مغروووووووووره بعكس عبير
العنود ابتسمت:عبير مافيه مثلها أبدا
أم العنود ابتسمت:ايه والله مافيه بينهم أي تشابه لا في الشكل ولا في الطبايع
العنود:بس مدري يمه أحس مارتحت لأمها
أم العنود:لالا أمهم واضح انها ثقل بطبيعتها موغرور
العنود:الله يسمع منك
أم العنود:........................
العنود تجمعت الدموع في عيونها:مدري ماما أحس مارتحت لهالزواج
أم العنود:شغير رايك؟؟
العنود تنهدت:اصلا حتى قراري الحين ماراح ينفع
أم العنود لفت ذراعها على كتف العنود:ليش ماما اذا كنتي مو موافقه علمينا نكسل الخطبه كلها
العنود:.......................
أم العنود رفعت راسها وانصدمت لما شافتها تبكي:ليش الدموع!!
العنود نزلت راسها:ماما أحس اني ظلمت الوليد لما وافقت عليه هوشاب وسيم وأخلاق ودين وسمعه وجاه يعني كامل والكامل الله أحس ظلم ياخذ وحده مثلي
أم العنود:وانتي حبيبتي وش ينقصك جمال ودلال وأخلاق وسمعه طيبه و................
قاطعتها العنود:بس مشوهه
أم العنود بقوه:اللي فيك مو تشوه
العنود:الا تشوه ونص بعد
أم العنود:بس ياماما الحمد لله وجهك سليم ومافيه شي وهذا المهم
العنود رفعت راسها ودموعها على خدها:بس جسمي مو مشوه
أم العنود نزلت دموعها على حال بنتها ومسحت على شعرها بحنان:حبيبتي هذا قضا الله وقدره لازم تصبرين وتفتخرين ان ربي يحبك ولا ماكان اختارك من ألاف البنات وابتلاك
العنود:الحمد لله يمه بس انتي موحاسه فيني أنا ما أتحمل نظرات الشفقه والرحمه والاحتقار بعيون الناس أنا موقويه وربي ماقدر أتحمل أنا ضعيفه ياماما عجزت أصبر عجزت أتحمل عجزت أكابر أنا لو مابكيت قدامك بكيت من وراك أنا كل أبكي لما أحط راسي على المخده وأتذكر أحداث اليوم وأتذكر نظرات الناس وأتذكر نظرات بابا الحزينه على حالي واللي يلوم نفسه انه مايقدر يسوي لي شي ماما أنا ابتلاء لبابا_صرخت_أنا عاهه وحمل ثقيل على كتف بابا أنا.....................
ماقدرت تكمل ونزلت راسهاوبكت بحرقه
:ومن اللي قايلك اب حمل ثقيل علي
العنود رفعت راسها اللي وناظرت في أبوها اللي عيونه مليانه دموع بس ماسكها بالقوه همست:بابا
أبو العنود بلع ريقه:ايه بابا اللي يحبك اللي يحبك ومايعتبرك حمل ثقيل عليه بالعكس انتي دنيتي
العنود نزلت راسها:.....................
أبو العنود رفع راسها:ماعاش من ينزل راسك ويزعلك وراسي يشم الهوا
العنود رمت نفسها في حضن أبوها وبكت:................
أبو العنود دمعت عيونه ومسح على ظهرها بحنان:لا تبكين يالعنود دموعك عذابي
العنود:مقدر بابا مقدر أنا....أنا
أبوالعنود:انتي بنتي حبيبتي وروحي وعيوني انتي دنيتي كلها
العنود:.................ز
أم العنود مسحت دموعها:يلا عاد خلوا ذا الفلم الهندي عنكم وقوموا تعشوا
العنود بعدت عن أبوها وضحكت من بين دموعها:هههههههههههه تغارين
أم العنود سحبتها من يدها:قوهي بس أبوك جاي تعبان يبي يرتاح وانتي مزعجته
العنود التفت على أبوها:يا عيني ياعيني مقدر على الحب أنا
أبو العنود:هههههههههههه اذكري الله ولا تزعلين أمك ترا ماأرضى أنا
أم العنود ابتسمت:الله لا يحرمني منك
العنود وقفت وتنهدت:يلا لنا الله أروح أساعد لليا(الشغاله)أبرك لي_طلعت_
أبو العنود تأملها ثم تنهد:الله يشفيها
أم العنود:آميييييييييييييين
أبو العنود:راعيها يا أم العنود ترا نفسيتها تأثر في المرض
أم العنود نزلت دموعها:هذاني أحاول
أبو العنود وقف ومسك يدها وفال برقه:حتى أنتي ماقوى دموعك ياقلبي
أم العنود ناظرت بحب:الله يخليك لنا
مسح أبو العنود دموعها وقال بحنان:ويخليك لنا يانظر عيني
:ماماااااااااااااااااااااااااااااااااااااا
أم العنود:ههههههههه الله يهديك نسيتني نفسي خلني أروح أشوف شعندها لا تموت
أبوالعنود:هههههههههه الله يهديها
أم العنود ابتسمت:آمييييييييييييييين_طلعت_
أبو العنود:شلون أتزوج عليها واترك روحي وقلبي بين ايديها هم مايدرون انتي شتعنين لي ولا ماكانوا تجرؤا يطلبون هالطلب