منتديات تراتيل شاعر - عرض مشاركة واحدة - رواية ورود الامل برائحه الالم روايه كامله

12-21-2016, 04:31 AM

السعوديه_جده

قرت الرساله للمره الثالثه
(من الكريه
هااااااي حبي أنا مشغول اليوم مقدر أجي)
رمت الجوال:ولهانه عليك وعلى جيتك....أووووووووووف
دارت بعيونها في الشقه وطاحت عينها على كرتون مغلف تغليفه حمرا مشت له وفتحته وبان لها اللابتوب الوردي وعليه كرت رفعت الكرت(توقعت راح ترمينه في الزباله مثل غيره)
بدور:هههههههههههههه يعني عارف اني ما................
قطع كلامها صوت الجوال ناظرت في الشاشه(أم محمد يتصل بك)
بدور:آلوووووووووووو
أم محمد:السلام عليكم ورحمة الله وبركاته
بدور:هههههههههههه وعليكم لسلام أهلين خالتي
أم محمد:هلا بك أخبارك؟؟
بدور:نحمدوووووووووووو أخبارك أنتي؟؟
أم محمد:الحمد لله..بدور حبيبتي ودي تمريني اليوم
بدور:اليوم!!
أم محمد:ايه تركي بيجيني اليوم
بدور صرخت بفرح:رجع!!
أم محمد:هههه ايه الحمد لله رجع أمس وبيمرني يسلم علي اليوم
بدور:متى!!
أم محمد:المغرب
بدور ناظرت الساعه:يعني باقي ساعتين...خلاص ان شا الله المغرب عندك
أم محمد:خلاص أنتظرك السلام عليكم ورحمة الله وبركاته
بدور:ههههه مع السلامه
سكرت السماعه وركض على الحمام تروشت وطلعت فتحت الدولاب(وش ألبس ياربي) وبعد فصخ ولبس لبست لها تنوره قصيره للفخذ بكسرات زيتي على بدي أورنج مشجر بالزيتي رفعت شعرها شينون وحطت لها مكياج خفيف وخلصت نص علبة العطر وطلعت بعد ماخذت شنطتها ولبست عبايتها اللي خلتها مفتوحه من أولها لأخرها وركض لشقة أم محمد

السعوديه _الرياض

جلس عواد على سريره ونفض راسه:أوووووووووووووف خلاص أطلعي من راسي حرام عليك
قام بسرعه ولبس ثوبه باهمال حتى بدون شماغ ونزل لقى أمه جالسه في الصاله وتقرا قرآن تأملها وهي جالسه على كرسيها المتحرك ولما رفعت راسها ابتسم لها وباس راسها:مسا الخير لأحلى عجوز بالسعوديه
أم عواد بحده:هذا اللي طلع معك
عواد:ههههههههههه ماكذبت
أم عواد ناظرت بغيض:على الأقل لي نفعه مو مثلك
عواد يضيع السالفه:دريتي يمه الوليد صديقي خطب
أم عواد بفرح:الله يبشرك بالجنه..من خذا منه؟؟
عواد:الجرابي
أم عواد عقدت حواجبها:الجرابي!!
عواد ابتسم:ايه يمه أبوها رجل أعمال على قده وعايلتهم مومشهوره مره مثل السجيدي
أم عواد تجمعت الدموع في عيونها:من حينه متواضع وماتهمه المظاهر
عواد ابتسم:.......................
أم عواد عقدت حواجبها:عواد وش فيك اليوم منت طبيعي كل شوي تسرح وما حارشت خواتك ومارحت للاستراحه
عواد ابتسم:ظروف الشغل يمه
أم عواد:الله يوفقك_سكتت شوي وكملت_ماودك أخطب لك..........
عواد قاطعها:يمه الله يهديك انتي عارفه رايي في هالسيره..لاحق على الهم وتوني على العرس
أم عواد بشوية عصبيه:وش توك شف خويك الوليد خطب وكل أخوياك الي متزوج واللي مملك واللي عنده عيال وأنت لا...وش ينقصك_قامت تعد بأصابعها_الحمد الله عندك وظيفه ومحافظ على صلاتك وأخلاقك مامثلها وتقدر تفتح بيت وماتدخن_ابتسمت_وحليوه
عواد:هههههههه راحت علينا الحليوه خذها الوليد
أم عواد وهي تحرك يدها:لا والله ياوليدي انك وش حليلك_سكتت شوي وكملت_صح الوليد أحلى منك بس بعد أنت حلو
عواد بعصبيه مصطنعه:ما شا الله قاعدتن تمقلين فيه هاه!!
أم عواد تلعثمت:هاه..لا..كنت كنت آآآ_طقت بلسانها_اخس واقطع ايه كنت أتمقل فيه وش عندك!!
عواد:هههههههه والله انك تحفه يمه
أم عواد:لا تضيع السالفه بس_بتردد_عواد كانك تفكر في...........ز
عواد قاطعها وهو يوقف:يووووووووووووو يمه خلاص يمه البنت تزوجت وانتي للحين تذكرينها_التفت عليها_يمه خلاص انسيها_مطها_انسييييييييييييييها
أم عواد صرخت:أنت اللي أنساها
عواد:أنا ناسيها
أم عواد:أثبت لي وأتزوج
عواد:يوووووووووو يمه خلاص مابي أتزوج_حط يده على كتفها بحنان_أوعدك اذا جت الفكره براسي لأجي أقولك
أم عواد بغصه:ودي أشوف عيالك قبل....
عواد سد فمها:بعد عمر طويل ان شا الله_باس راسها_يلا أنا رايح لللاستراحه
أم عواد ابتسمت:الله يسهلك
عواد:مع السلامه_طلع_
أم عواد تأملته وقالت بصوت باكي:الله يرحمك يابو عواد ويسامحك كان هذا اللي بقوله_مسحت دموعها وصرخت_وينكم يابنات_حركت كرسيها_

قصر السجيدي

:وش تسوي
طاح الصحن منه وحط ايده على قلبه:بسم الله الرحمن الرحيم_التفت لها وصرخ_انتي متى بتعقلين وتتركين ذا الطبع الخايب
عبير مشت له:ههههه زوجوني وأعقل_بحماس_من ذا الوسيم اللي معك_حطت يدها على خدودها بخجل_لا تقول جاي يخطبني
الوليد:ههههههههههههه لا طبعا انهبلت أكسب اثمه وأزوجك اياه
عبير ضربته على كتفه:سخيف_حطت يدها على خصرها_من قال أصلا اني بوافق وباخذ واحد ماله حتى شنب
الوليد عقد حواجبه وبعد مافهم انفجر ضحك:ههههههههههههههههههههه الله ياخذك شلون قزيتيه أنا مانتبهت
عبير:كيف مانتبهت مو هوصاحبك
الوليد:هاه..يوه بعدين أقولك_رفع الصينيه_قولي للشغالات يسون لنا شي ناكله
عبير:الله يفشلك بتعطيه كيك وعصير قبل العشا المفروض بعد العشا
الوليد:بالطقاق شكله بيموت جوع خليه ياخذ هذي تصبيره
عبير:لوزين خذ لك تصبيره
الوليد وهو يطلع:هههههههه يلا بس استعجلي_طلع_
عبير كشت بيدها:مالت يوم ضمن موافقة العنود ماعاد صار يتمصلح_صرخت_حكيموووووووه(الشغاله)

المجلس
ابتسم الشاب بخبث(والله اني عبقري)وانمحت ابتسامته أول ماشاف الوليد داخل وهو شايل صينيه ويبتسم(لالالا يا مهند هذا ماله ذنب)
الوليد حط الصينييه وحك راسه بحرج:داري مفروض الكيك بعد العشا بس...............
سكت لما شاف الشاب ياكل بشراهه
الشاب وقف عن الأكل فجأه وصرخ:لاااااااااااااااااااااا
الوليد عقد حواجبه:لا!!
الشاب صرخ:أنا لازم أموت جوع أنا ماأستاهل أعيش
الوليد:أنت شاب في أول عمرك شلون ماتستاهل تعيش!!
الشاب:بس أنا قتلته
الوليد بصدمه:قتلت مين؟؟
الشاب رفع راسه وناظر الوليد بانكسار:ال***..قتلت ال*** لأنه أزعجني
الوليد زفر براحه بعدها ضحك:ههههههه الله يقطع بليسك خوفتني
الشاب بغيض:ليش ال*** مايستاهل يعيش!!
الوليد:هاه..الا بس_طق بلسانه وقال بنفاذ صبر_أنت وش سالفتك؟؟
الشاب بحذر:أنت مين؟؟
الوليد:الوليد..الوليد عبدالله السجيدي
الشاب بصدمه:السجيدي!!
الوليد ابتسم وحرك راسه
الشاب:أنا مهند..مهند فراس المحموقي
الوليد:ونعم
مهند:الله ينعم بحالك
الوليد:طيب ليش يا مهند....
قطع عليه صوت جواله رد عليه:هلا..ان شا الله
سكر والتفت لمهند وابتسم:تفضل العشا جاهز
مهند:هاه..لامابي آآآ أقصد ماتقصر بس أنا شبعان
الوليد:ههههههههه واضح شبعان_حط يده على كتفه_تعال..............
قاطعه مهند وهو يبعد يده بخشونه ويصرخ بخوف وهو ينتفض:لا تلمس_رفع اصبعه بتهديد_تراني فاهم حركاتك
الوليد بصدمه:أي حركات!!
مهند:هههههه_التفت عليه وقال بحده_فاهم حركاتك تسوي لي فيها كريم وتعشيني بعدين تحجرني في الغرفه زي حركات الثانوي
الوليد صرخ:أنت شجالس تقول فهمني أي غرفه وأي ثانوي!!
مهند:هاه لالالا_هز راسه بخوف_لالالا الغرفه_وقف_قم نتعشى
الوليد وقف:أوكي نتعشى ألحين بعدين أفهم سالفتك
راحوا يتعشون ومهند ياكل لقمه ورا الثانيه وكانه يبي يتذوق الأكل كله ابتسم الوليد اللي اكتفى بشوربة الفطر الي يعشقها