منتديات تراتيل شاعر - عرض مشاركة واحدة - رواية ورود الامل برائحه الالم روايه كامله

12-21-2016, 04:27 AM

:طيب ليش يرسل لها صورة الخرابه اللي عايش فيها وصورته وهو نايم
ناظرت عبير برود في رؤى اللي قالت جملتها بعصبيه ورجعت ناظرت في المجله اللي معها:..................
رؤى سحبت المجله منها بعصبيه وصرخت:أكلمك أنا
عبير ببرود مستفز:نعم..خير...وش تبين
رؤى:جاوبي على سؤالي_صرخت وهي تحرك يدها_لييييييييييييييييييش!!
عبير ببروووووود:عشان يحسسها بالذنب
أم الوليد كانت عند الباب و سمعت الحوار من بدايته حطت يدها على فمها تمنع شهقتها
رؤى حطت يدها على خصرها وقالت ببرود:أي ذنب اللي تتكلمين عنه؟؟
عبير وقفت وقالت بعصبيه نادره وغريبه عليها:ذنبها انها حطمته..ذنبها انها كسرت فرحته وهو جاي يبشرها بخطبته من البنت اللي يحبها_وكملت باستهزاء وهي تتكتف_هه ولا بعد ماكفاها سبتها قدامه وقالت عنها مشوهه
رؤى وهي ترفع أكتافها:والله أنا ما أشوف أي ذنب في سوته هي ماكذبت_رفعت حواجبها ببرود_ليش هي مو مشوهه و...........
قاطعتها عبير وهي تصرخ:لا تقولين مشوهه_لمعت عيونها بألم وهمست_عنودي مو مشوهه_صرخت_أنتوا اللي تفكيركم مشوهه
شهقت رؤى وضربت صدرها:أنا تقولين لي تفكيري مشوهه عشان وحده ماتسوى!!
عبير:لا تسوى ونص بعد_دمعت عينها_عنودي أختي اللي ماجاتها أمي
رؤى انصدمت من دموع عبير لأنها تعرف عبير دموعها غاليه وماتنزل بسهوله:.................
عبير وهي تمسح دموعها اللي معاندتها:لا تناظريني كذا_رفعت اصبعها بتهديد_الا العنود أنا ماأرضى عليها بشوكه تمسها من أي أحد وشلون لو كانت ماما هي اللي تسبها!!_شهقت بالبكي_حرام عليكم تصيرون أنتوا والزمن عليها_جلست على الأرض وهي تصرخ_حرام عليكم تحمولونها شي موذنبها ولا لها أي دخل فيه حرااااااااااااااااااااااااااااااااااااااااااام
رؤى مصدومه من تصرف عبير وعصبيتها وصراخها على شي مايستاهل حطت يدها على كتفها:عبير أنتي مكبره الموضوع
رفعت عبير راسها ووجهها مليان دموع همست:أنتي ماتعرفين هي شكثر متأذيه من الموضوع ومتحطمه منه هي تصيح دم من نظرات الناس لها اللي يرحمها واللي يتقزز منها واللي يستحقرها_نزلت راسها ودموعها تنزل بعناد_هي موقويه عشان تتحممل كل هذا بالعكس هي حساسه لأبعد حد ورقيقه_رفغت راسها_ حتى الأطفال اللي تموت عليهم وتحبهم بعضهم أول ما يشوفون ايديها ينفرون منها وبعضهم يبدا يسأل أسئله تحرجها
رؤى:أوكيه مريضه الله يشفيها بس انها تسحر ولد الناس عشان يتزوجها_حركت راسها_ هذا شي ثاني
عبير:ومن قالك انها ساحرته هو يحبها
رؤى جلست وحطت رجل على رجل ورفعت الريموت:بلا حب بلا بطيخ أنتم أصلا متأثرين بالمسلسلات والأفلام ولا ما فيه شي اسمه حب
عبير:جعلك تطيحين في عشق واحد ماتنامين الليل بسبته
رؤى ضحكت بطريتها الغروره وهي مكوره يدها قدام فمها:هههههههههههه_التفت على عبير_ومن قالك أنا ماعشقت أنا عشقت بس عشقت زوجي وحلالي ومن مستواي
عبير حركت راسها:عمرك ماراح تفهمي_طلعت_
رؤى صرخت عشان تسمعها:مافيه حب قبل الزواج_سكتت شوي وكملت_ولا تتهورين وتسوين مثل غيرك
أم الوليد ركضت بسرعه لغرفتها لما شافت عبير تقرب من الباب مشت وهي تبكي بحرقه وهي تمشي مرت من جناح الوليد فتحته ومشت لغرفة نومه فتحت الباب وتأملتها بألم ولما تذكرت صورة الخرابه ركضت للسرير تبكي وهي ضامه المفرش تأملت السرير الكبير والفخم تذكرت صورته وهو نايم بدون مخده وهو عاقد حواجبهصرخت من بين دموعها:ماهنت علي ياحبيبي ماهنت علي..شهر ماشفتك..شهر..عمرهم ماراح يحسون الا لما يجيهم عيال وقتها بيحسون
بكت الى أن صفى راسها وقفت ومشت لغرفتها وهي مقرره توقف هالمهزله رفعت جوالها ودقت على الرقم المطلوب

الاستراحه_المغرب

دخل الوليد الاستراحه وهو ضايقه فيه الوسيعهكان متوقع أمه أول ماتشوف الصور بتتصل عليه وتقوله تعال وأنا بخطبها لك بنفسي بس شكلها مصره وغير كذا العنود ماجت تسوي جلسات الناروباند من زمان(معقوله قالت لها عبير..لا ماتوقع كذا بتجرحها وعبير ماترضى على العنود)تنهد غرفته لكن وقف لما سمع صوت دق عود جاي من وسط الاستراحه عقد حوجبه(من بيكون فيه هالوقت)تبع الصوت بفضول ولما قرب أكثر اختلط الصوت بصوت شهقات فتح الباب انصدم لما شاف زيد(مطرب الاستراحه)واقف ورافع رجله على مركى ويدق عود بنغمه حزينه ووجهه مغطى بالدموع واحمرار وجهه يدل انه يصيح من زمااااااااااااان الوليد كان يستغرب سكوت زيد الدائم وانطوائيته ونظرته الحزينه ولما قام عواد في يوم وعرفهم على زيد وطلب منه يدق عود انصدم الوليد من براعته في دق العود وصوته العذب وفيه نبره حزينه لأن شكله الجدي الحزين مايوحي انه حول الأغاني كان الوليد يلاحظ حركة جفنه المغمض وهو يجق العود ولما يفتح يلمح دموعه اللي مجمعه في عينه بس ماسكها ماكان أحد لدموعه الا الوليد لأنه كان لماح بطبعه(أنا لازم أعرف وش وراه..أكيد ان فيه شي وكبير بعد لأن مهما كان حزنه لازم ينسى لكن زيد كل مالحزنه يزيد...أكيد انه فيه أحد عزيز عليه ميت أو.......)
انقطع تفكيره لما وقف زيد عن الدق وفتح عيونه الحمرا وناظر الوليد بصدمه
الوليد ابتسم:السلام عليكم
زيد مسح دموعه بطرف كم قمصه الأسود وابتسم بهدوء:وعليكم السلام
الوليد جلس وسحبه وجلسه حنبه وقال بمرح وهو يضربه على كتفه:ياخي من زمان عنك
زيد رفع كتوفه العريضه:الظروف
بعد السؤال عن الأحوال والسوالف اللي راحت وجت زيد كان شاكر للوليد انه ماسأله عن سبب الدموع وبكذا كبر في عينه أما الوليد ماحب يسأله لأنه واضح على شكله ان ماوده شافه وهو يبكي وبحكم خبرته في علم النفس مايصلح تواحه واحد منهار في نفس وقت انهياره
زيد سأل فجأه:متزوج؟؟
الوليد ابتسم أنت وش رايك!!
زيد:والله على شكلك مو متزوج بس من جياتك القليله للاستراحه ومشاغلك شكلك متزوج
الوليد:هههههههههههه بعذرك لك شهر ماجيت الاستراحه
زيد عقد حواجبه:شقصدك
الوليد:قصدي ان لي شهر وأنام في الاستراحه هنا
زيد بصدمه:ولد السجيدي ينام في الاستراحه_لما انتبه على نفسه رفع راسه وناظر الوليد بحرج_معليش أنا ما أقصد بس.........
الوليد قاطعه وهو يبتسم عشان يبين له انه عادي:لا عادي فاهمك ومعذور
زيد بتردد:اعذرني على الفضول بس ليه!!.....اذا عادي يعني
الوليد تذكر قبل شهر
(الوليد ببشاشه:السلااااااااااااااااام عليكم
الكل:وعليكم السلام
أم الوليد ابتسمت:هلا هلا تعال حبيبي اجلس
الوليد ابتسم وجلس حنب أمه وقال بدون مقدمات:يمه أبيك تخطبين لي
أم الوليد:بفرحه الله يبشرك بالخير_بكت_
الوليد:يمه ليش الدموع
أم الوليد وهي تمسح دموعها:من فرحتي ياولدي من فرحتي بك_غطت وجهها تبكي_
ضمها الوليد لصدره وقال بحنان:الله لا يحرمني منك
ميلت عبير فمها:ايه الوليد له الأحضان وانا_كشت على وجهها وتنهدت وكملت بحسره_يالله لنا الله
أم الوليد:......................تبكي
عبير:ماما خلاص ترا بيغير رايه
أم الوليد مسحت دموعها بسرعه:لااااااااااااااااا خلاص
عبير:ايه تعدلي
الوليد وهو كاتم ضحكته:بنت اعقلي
عبير:بوووووووووووه أمزح ياخي
الوليد:ولو
عبير تقلده:ولو يالشايب
الوليد:ههههههه حرام عليك
أم الوليد:ماعليك منها بس_كملت بفرح_وش رايك...............
الوليد قاطعها بسرعه:لالالالالا حتى العروس موجوده
رؤى:ما شا الله
عبير ضربت بكوعها وغمزت له:من ورانا
الوليد أشر عليها:وأنتي أكثر وحده تعرفينها
عبير عقدت حواجبها:من هي_ضربت صدرها وشهقت_أنا!!
الوليد:ههههههههههههه أنتي أختي يالكمخه
عبير زفرت براحه:اشوا توقعتك ###
الوليد ضربها على ظهرها: وجع
عبير ضربته بدفاشه:أكشخ أعرف مرتك
رؤى:خليتها مرته
غبير بحماس:yeeeeeeeeeeees
أم الوليد بنفاذ صبر:من هي؟؟
الوليد برومانسيه:العنود
عبير عقدت حواجبها تفكر بعدها صرخت:عنودي_ضمت الوليد_ألف ألف ألف مبروك والله عرفت تختار
أم الوليد:من العنود؟؟
عبير:ماما العنود صديقتي اللي_التفت على الوليد بسرعه_أنت وش عرفك فيها!!
الوليد بتلعثم:هاه...آآآآآ_بسرعه_هي تعالج عندي
أم الوليد:تعالج عندك!!ليش!!ومين!!_صرخت_أحد يفهمني
عبير:ماما العنود اللي معاي في الجامعه..العنود فهد الجرابي_التفتت على الوليد وحركت حواجبها بخبث_والله وجابت راسك
الوليد ابتسم:.................
أم الوليد:المبقعه
الوليد جا بينطق بس سبقته عبير:لا وش مبقعه فيها بهاق
أم الوليد بعصبيه:لا مبقعه ومشوهه بعد وماراح تاخذها
الوليد كان متوقع رفض أمه بس ما توقع انها بتسبها
الوليد بعصبيه وصراخ:لا باخذها يغني باخذها ورجاءا ما أرضى أحد يسبها حتى أمي
أم الوليد شهقت:لا البنت ساحرته
عبير بعصبيه:ماما البنت وش دخلها!!
أم الوليد:ماني راجه على أحد حلاص سكروا الموضوع_التفتت على الوليد وأشرت عليه_وأنت زواج منها مافيه زواج شل الفكره من راسك
الوليد بعصبيه:لااااااااااااا ماحزرتي ماني متزوج الا هي _أشر عليها_وان كان هذا ردك ماراح تشوفين وجهي في هالبيت الا والعنود زوجتي
أم الوليد تدري ان الوليد لا قال كلمه بينفذها فخافت وقالت بحنان:ياحبيبي أنت فيه ألف من يتمناك وتاخذ وحده ناقصه ماتجي ظفرك
الوليد وعيونه حمرت من العصبيه وصوته بح من الصراخ:ماأبغى الألف أبغاها هي_أرفع اصبعه بتهديد_وارجع أقول لا تسبينها
أم الوليد بكت:لا الولد مسحور
الوليد:ايه مسحور بس بالسحر الحلال_قال بجرأه وثبات_أنا أحبها مالي قعده في هالبيت الا والعنود زوجتي _مشى بيطلع_
عبير ركضت وراه:ولود الله يهديك مو كذا تنحل الأمور
الوليد التفت لها:قولي لها اني في الاستراحه ومالي رجعه_صقع في الباب بأقوى ماعنده_
عبير نقزت من قوة الصقعه:بسم الله الرحمن الرحيم_رجعت لأمها_
أم الوليد جلست على الكنب تبكي:حسبي الله عليها بنت بليس حسبي الله عليها
عبير التفتت لأمها وقالت بحده:ماما البنت وش دخلها
أم الوليد:أكيد ساحرته والا ليش متعلق فيها كذا_وقفت ورفعت اصبعها_بس والله ما يا خذها وراسي يشم الهوا
عبير التفتت ملى رؤى اللي ملتزمه الصمت من بدا الحوار:وأنتي انطقي تكلمي ليش ساكته عاجبك اللي يصير!!
رؤى ابتسمت باستهزاء وطلعت:................)
تنهد الوليد وحكى لزيد كل شي من أوله لأخره حتى سالفة الصور لأنه ارتاح لزيد وعجبته رزانته