منتديات تراتيل شاعر - عرض مشاركة واحدة - رواية ملامح الحزن العتيق الجزء التامن روايات جديدة وطويلة

12-04-2016, 03:57 AM

راحوا لجلسه بعيد عن جلسة البنات وقريبه من المسرح المرتفع على شكل صخور طبيعيه وحوله اشجار غابات توحي بشاعريه ورومنسيه ساحرة ..!
جلس بجنبها على كرسي واحد يكفي شخصين ويدها في يده ..
حست بحرارة تسري في جسدها ..
وحاولت تسحب يدها وشد عليها وهو يطالع في المسرح
قال : فيه مطرب بيجي الحين صوته حلو ..
حست انه بدا يتقبلها ويكلمها ..
تنفست بعمق وارتياح ..
وقبل ماتتكلم صدح صوت الموسيقى في انحاء المطعم المكشوف للسماء والنجوم ..
وكأن الصوت اللي طغى على كل الكلام انقذها من رد تلعثم على شفاهها بفعل مسكة يده ليدها ..

يعني يعني ما ودك
تجينا يعني متكبر
علينا يعني متكبر علينا

يعني ما ودك تجينا
يعني متكبر علينا
صرت متغير وقاسي
صرت حتى اتشك فينا

يعني يعني ما ودك
تجينا يعني متكبر
علينا يعني متكبر علينا

ما نسينا الماضي والله وعلى جفاك يعين الله
وان نسيت بشكي الله وان هويتونا هوينا

يعني يعني ما ودك
تجينا يعني متكبر
علينا يعني متكبر علينا

حط نفسك في مكاني
كيف اتحمل زماني
جرب احساسك عشاني
قول والباقي علينا

يعني يعني ما ودك
تجينا يعني متكبر
علينا يعني متكبر علينا

صدفه حبيتك يا غالي
واسهر عشانك ليالي
كيف انسا ذا محالي
ومن العواذل ما علينا

يعني يعني ما ودك
تجينا يعني متكبر
علينا يعني متكبر علينا

جو الاغنية صاخب ومايناسب مسكة يده ليدها ..
ورغم ان الجو يناسب رقص الأجساد اكثر الا ان قلبها يرقص من رهبة قربه ...
حست بحرارة جسده وهو يقترب منها اكثر .. واشتعلت كلها ..
كان معاها وحولها ويتظاهر انه مندمج مع المطرب اللي يتراقص مع اغنيته الراقصة .. وقلبه بين اصابعها الرقيقه اللي شبكها في اصابعه القوية ..
مرت عليها الدقايق ساعات طوال ..
رغم انها مستمتعه بأنه بدا يميل لها الا ان قربه وفي مكان عام كفيل انه يحصرها في لحظة وثانية ..
انتهت الأغنية وبدت اغنية ثانية بصوت حالم لمطرب مبتديء يحاول جاهد انه يوصل لمشاعر الحضور ويعجبهم ....

يا بعدهم كلهم
عطني من دنياك حبك

ياللي انفاسك دفايه
يكفي بس تبقي معايه

ياخذون اللي يبونه
إلا قلبك يتركونه

تختفي الشمس وضياها
وينتهي العالم وراها
يا سراجي بينهم
واترك الباقي لهم

ولمسة ايدينك شفايا
من هو من بعدك مهم

كل هالعالم وكونه
لا تمسه ايدهم

ترحل القمرة وسناها
انت تغني عنهم

مع الاغنيه كان سارح ويفكر ..
هو حلم ولا يشبه الحلم ..
قربها منه بعد ماانزاح الكابوس اللي اضناه اسبوع ونص مر كأنه عام كامل ...
تذكرها وهي تعتذر وكلامها ورقته وتلعثمها وهي تحاول تبين له خطاها وسوء فهمها ..
سحب يده من يده بلا شعور ومدها من خلفها وحط لكتافها والكرسي الخشبي المبطن بمسنده تصميمها تراثي يحول بينه وبين الناس ..
كانت تذوب خجل اكثر منه فرح ..
قال بهمس : ودتس تسمعين اغنيه معينه ..
أي اغنيه واي كلام اللي يبيها تذكرها وهذا حالها ..!
هزت راسها بلا وكأنها ماتذكر من الأغاني اغنيه ..
كانت اللحظات هذي كفيله بأن يصفح وينسى ..
ينسى اسبوعين مكلله بالتعاسة والزعل ..
يدمل جرح فراق سعود لو برهه ..
يعيش اللحظة وبس ..
وهي لجأت للي اعانها وماخيبها وبقلبها شكرته وحمدته وتعهدت له بركعتين شكر كرد جميل وعرفان حتى لو كانت البداية مجرد لمسة وهمسه ..