منتديات تراتيل شاعر - عرض مشاركة واحدة

08-31-2016, 12:17 PM

رجعنا كبار نتمنى لو إنّا بس بقينا صغار!!!!

حنا صغار ..
زرعنا في تراب الحلم ... حلم ويشبه العصفور..!
لكن طار !!
وكنا صغار ..
ويتفتّح صباح ٍ غارق بغيّه مثل تفتيحة الازهار
ولاندري متى نمنا !؟
وكم نمنا ..!
وش اللي صار !!

وصوت الوالد المرحوم : يالله قوم !
أمان ودمعة استغفار!!
وريحك يارغيف امي ..
سوالف هاااااادئه واشعار !!
وأتريق معا اخواني ..
وتتريّق عيوني وجه ابوي الدافي الحاني ..
واصك ّ زرااار !!
وآخذ شنطة أحلامي على اكتافي..
واصحّي بـخطوتي درب طويل ومظلم وغافي!!

وتصحى اشجار!!
واروح امشي لـمدرستي ..
واناديها :
يامدرستي ..!
علامك ماتنفستي !؟

سوالف طفله ضحكاتها أناشيد وغنا وامطار!
متى نرحل عن اسوارك ..
بعد ماكنّا شطّارك..
نبي مره ولو مره نحس ّ إنّا غدينا كبار !!
هِنا كانوا لي اصحابي ..
هِنا ضاعوا مع العابي ..!
هِنا يا كم نخبّي من براءة فـ علبة الأسرار !
وصرنا مثل ماكنّا إنتمنّى!!
والغريب اشـصار !!
رجعنا كبار نتمنى لو إنّا بس بقينا صغار!!

رجعنا كبار نتمنى لو إنّا بس بقينا صغار!
مالك عـــــــــــــــــذر
الغرام