منتديات تراتيل شاعر - عرض مشاركة واحدة

07-11-2016, 08:13 PM

السلام عليكم ورحمة الله وبركاته
ياليتني ما قلت عن نفسي سفاح وياليتني لم أكن عمده في تراتيل ياليتني بقيت من عشاق الشواطي والشباك والسناره هانا وقعت فريسه سهله في يد الركابي هذا الغريب وقد اشترى الباص ويريد من السفاح أن يكون أول الضيوف والمتحدثين عن الرحله ورفاهية الباص أحببتكم من قبل وهانا اليوم يزيد حبي لكم فكونوا معي في رحله على باص نجوم تراتيل شاعر وهذا المنسم صاحب الفكره

1- اول شى وين راح تودينا بالرحله بر ولا بحر ولا اى مكان تختاره رايحين رايحين مافى فكه ؟
استعنا بالله هل الجميع في الباص وقد أخذوا مقاعدهم طبعاً المقدمه للشباب والموخرة للشابات يمنع الأختلاط الرحله ستكون شاقه لأنها ستكون على طريق بري محاذي للشاطي والهدف روضة المغاوير الواقعه في الجزء الشرقي الشمالي من جزيرة العنقاء ومن ثم التخييم هناك وممارسة رياضة التسلق للجبال وايضاً التزلج على الرمال أو مايسمى بالركمجه ومدة الرحله سبع ايام بلياليها فاللي يخاف ولا مايطيق المبيت الا على سريره يبقى هنا ويترجل من الباص فوراً

2- اكيد فى واحد غاثك ماتبى تاخذه بس حنا غير ناخذه بس نربطه فوق الباص منو هالعضو سعيد الحظ ؟
كبيرالمشاكسين وأعنفهم لاينفع معه الا التربيط وشد وثاقه ويستاهل يكون ممدد ومشبح على ظهره على تندة الباص ويتنفس الهواء وتضربه الشمس والعواصف ليتأدب أنه (الغريب) صاحب الفكره

3- كل رحله فيها فرفشه وضحك من تتوقع جوه عالى ويسعدنا بالرحله ؟
كثيرين هم من نأنس بوجودهم ونسعد لسماعهم ولكن سيكون أختياري لثلاثه من عمالقة الفرفشه حبيبي وصاحبي راعي شطيره وحيد والمشاكس الكبير الغريب واما الثالث فهو أدمنت

4- مهمة الطبخ من تخليها عليه ومن ترشح
يساعد الطباخ ؟
لايختلف عليها أثنان جوهرة الأحساء يساعدها ملاك الورد حفيدتي وموكلتي الريم لأنها ماهرة في صنع الفتوش وحرق الخبز هههههه وستجدون سفره ليس لها مثيل

5- منو اللى تشوفه ابضاى ويحمى الاعضاء اثناء الرحله ؟
ههههه كنت باقول السفاح وتذكرت أني شايب فطبعاً الجدير بتلك الخاصيه بدر الذي يطمع أن يكون طبيب وراعي شرنقات هائله

6- من تحس راح يسوى مغالب بالاعضاء ويجرم فيهم ؟
ما ابريك من هذا فأنت ابو المقالب والله يستر منك ياهذا الغريب وطبعاً لا أنسى أدمنت ابو المقالب وحفيدتي ملاك بدت تنهج نهج المجرمين ههههه

7- اكيد فى مغامرات بالرحله من ترشح يصيد الاسد ؟
طبعاً أنا سفاح الدجاج ولن ارشح نفسي لصيد الأسد ولكن خياط هو الفارس المغوار وحامي الديار والأسد عنده كالدجاجه عن الصياد ههههههه

8- منو من الصبايا تتوقع راح تاخذ علبة الميك اب وياها ؟
فاتن وعزوف يتسابقن كلٌ منهما تريد أن لاتنسى تلك العلبه الفضيه التي فيها سر النظاره والجمال

9- فى عضو يخاف من ظله وراح يتعبنا بالرحله منو هالعضو ؟
هههههه انا أولهم لكن صعب علي الأعتراف وانا سفاح الدجاج اضن اللي راح نتعب من خوفها هي رحوله ومزاجيه والله يعيننا عليهن

10- منو راح يشب النار ويصلح القهوه والشاى ويسوى لنا جو فله ؟
أدمنت جربته انا وكان بالفعل ماهر في جمع الحطب وشب النار وحمس القهوة حتى محترف في صنعها وايضاً يجيد عمل الميكاتو والكبتشينو فلا تفرطوا فيه هههههه والله من جنبها

11- لابد فى اعضاء استكشاف بالرحله منو ترشح للستكشاف وكم عضو وسمهم لى ؟
بدر يحمل شهادة في علم الفيسلوجيا الصحراويه
بلقيس خبيرة في طبقات القشرة الأرضيه
وحيد الراي عضو في جمعية جولوجيا المرتفعات

12- منو العضو اللى ودك تخليه بمكان الرحله وتمشى وتخليه ؟
الغريب لنفتك من قرقرته ومحاربة للسفاح كل ما فتح عينه ثار على السفاح الغلبان

13- منو العضو اللى يغسل الصحون ويهتم بالنظافه ؟
فاتن شاطرة في غسل الصحون والنظافه يساعده بنيتي كوشي التي لها باع طويل في النظافه

14- نبى ترشح من الصبايا مجموعه للحراسه اهم شئ تكون قويه مو خوافه لاتوهقنا ؟
كوشي لاتخاف اي طاري
بنت الحساء خبيره في الحراسه ومخضرمه
هموسه ياويلي من هموسه حتى الجن تخاف منها ولذلك تنفع للحراسه وبقوه
جدتي بالقوسه مفترسه والسباع تخافها
مزاجيه ماشاء الله عليها تنفع للحراسه مخضرمه

15- الباص قرز بالرمل من تتوقع راح ينقذنا ويطلع الباص من هالمشكله ؟
معنا خبراء في هذا المجال أولهم المتيم في شطيره صاحبي وحيد راعي بر وهجوله وجوهرة الأحساء معها شاص وخبيره في التطعيس والرمال فما علينا خوف والخبراء موجودين

16- من راح يرسم البسمه على محيا الاعضاء وتحس دمه شربات وسكر زياده ؟
كلهم والله سكر وأحلا من السكر وياليتني ما أطلع بر ولا بحر ولا جوالا وأنتم معي ولكن اختار بعض الشباب واولهم المشاكس الغريب وأدمنت ووحيد وبدور صاحب الشرنقه وبناتي كلهم هههههه

17- منو اللى راح يسوق الباص وتحس انه سواق ماهر؟
أعتقد مافيه اشطر منك ياخالد تسوق الباص وانا في المقعد الأمامي جنبك اعرفك مغامر ومحترف الله الله في السواقه السنعه معنا كوم لحم ويخافون

18- الرحله انتهت من تبى تربطه فوق الباص بالرده ؟
خلنا ننفك من الدكتور وشرنقته ومن الأفضل نربطه على السطح يتهوى ويرتاح منا ونرتاح منه

19- كلمه اخيره للضيف والمساحه مفتوحه وبدون قيود ولك المايك ياضيفنا الغالى ؟
ما أجملها من ضيافه من قدي وانا كنت أول ضيف حقيقه والله لقد استمتعت معكم ومع هذا الغريب الذي حشرني في زاويه ضيقه ولكنها كانت عندي بمثابة فضاء ليس له نهايه كيف لا وأنا معكم وبينكم الحقيقه ما يؤسفني بالفعل هو أجوبتي على كل التساؤلات لم تكن بالجيده ولم تخلو من الركاكه وقبح الكلمه لكن أنتم الكرام والكرام دائماً يعذرون ويهمني قبل كل شي أن لا أكون قد جرحت أحد واحب أن اذكركم بقانون أبو نواس بشان الزعل الذي يزعل تقطع براطمه واتمنى خالد يزعل علشان نريحه من براطمه اما انا فبعيداً عن الزعل وبراطمي تحفه وغاليه والتفريط فيها ليس بالبساطه ارجو أن اكون قد وفيت ولو بالقليل مما ترجونه من السفاح على فكره لقب السفاح اطلقه الغريب على العمده الصياد فهل يرضيكم أن اكون سفاحاً تحياتي لكم جميعاً ولصاحب الموضوع الراقي الغريب

( وهذى مشاركة الصياد ) .