 |
|
 |
|
طمّني حسّك احبّك لا تقولي ما يحسّ
وان لفى بالعلم غيري صدّقيه و كذّبيه .
. بسّ من صمتك و خوفك و ارتيابك عاد بسّ
قرّبي يمكن جنوني في جنونك له شبيه .
. قلت لك لمّا عرفت العشق صعب أنه يدَسّ
والغرام اللي شكيتي كم مثلك يشتكيه .
. من متى وانتي مثار الشوق و اكسير النفس
لي شهقتك حرت كيف بعمق صدري احتويه .
. وانتي الطيف الجميل بطرف جفني لي نعس
والظما انتي وانتي الما لي به احيا وارتويه .
. كان به شكّ ن بحبّك لي غزاني و افترس
منّي المهجه و لوني صار شيّ ن يعتريه .
. امسكي ورده جميله في ورقها تحترس
واقطفي الاوراق منها : أعشقه .. لا .. ما أبيه .
. لين يتبيّن لقلبك ما خفا له والتبس
يمكن بتقدير منّك يظهر الشوق اللي فيه .
. طمّنيني طمّني حسّي و عشق ن يحتبس
في عروقي كلما هوّن سرى الهاجس عليه.
|
|
|
 |
|
 |
'l~kd ps~; hpf~; gh jr,gd lh dps~ jr,gd dps~ ps~;