وين انت ياللي غيابك مثرن فيني
=وين انت ياللي من اعماقي تمنيته
شفني زرعتلك وردن في بساتيني
=في وسط قلبي ومن دمي لك اسقيته
وهديتلك ياحبيبي وردة اسنيني
=وقيس الملوح بحبي لك تحديته
مادمت مغليك ياروحي ومغليني=
والشوق قاف القصيده وانت غنيته
ارجع ترا اللي حصلي منك يكفيني=
هذي سنه وانتظر والصبر مليته
مغير اسولف وهذري بيني وبيني
=حتى دوامي تعذرني وخليته
شوف اقرب الناس في حبك يعزيني
=وانا احسبنه يباركلي وعزيته
عقبك ترا الليل في دربي يخاويني=
وليل الشتا ف الزمان الشين سريته
متى على الله ترد وتقضي الديني=
واسمعك بيت شعرن فيك سويته
ومبداه بسمك واقول انته نظر عيني=
وحط قوسين واكتب شخص حبيته
وأرد وأكتب وأضيّع في عناويني=
لين اجمل ابيات شعري فيك سميته
لو اشكي الحب ما القا من يشكيني
=الله يبارك لي ابحبن تبنيته
لا صار من ورع زين وملبسه زيني=
ويفتحلي الباب الاقصى كل ماجيته
ورعن ليا غبت عنه يوم يبكيني=
وكم مرتن في طريق الحب بكيته
وين انت ياللي غيابك مثرن فيني=
وين انت ياللي من اعماقي تمنيته
مما راق لي
ددمتتم بسعاده