02-21-2016, 11:28 PM
|
|
|
|
|
|
طلبت نفس القهوه إللي تحبيــن
طلبت نفس القهوه إللي تحبيــن
....... ورشفت ذكــرى أحلامنا والأماني
وعشان أحس انك معي ليــن هالحين
....... حطيت فــ آقصى الطاوله كوب ثاني
ومن زود مافيني من الشــوق تدرين
....... حسيتني شفــتك معي في مكاني
كنتي خجوله ، هــاديه ، و دوب تحكين
....... ونظراتك الخجلا تلخــبط كياني
قمت آتغــزل فيك وأنتي تقولين
....... ( بطل غزل ) وآنا أحــرجك بالمعاني
أدلعــك وآطلبك : ( ودي تغنين )
....... وأستعطفك : ( يلــه طلبتك عشاني )
تكفيــن غني ودي آعيش تكفين
....... صوتك مطــر لو ماشربته رواني
وتدندنين بصوت هــادي وتبدين
....... قلتي ( خذاني الشوق ) وحبك خذاني
اللــــــه ياصوتك والله يآزيــن
....... [ أنفاسك الخجلا ] فداهــا عساني
ويردني للواقع المــر صوتين
....... جرسون يحكي وصوت فوضى أغاني
ليــــتك حقيقة شفــتك العين بالعين
....... ابكاني فراقــك وحلمي عمــاني
|
|
'gfj kts hgri,i Yggd jpfdJJk jpfdJJk Yggd kts
|
|