منتديات تراتيل شاعر - عرض مشاركة واحدة

12-18-2013, 07:51 PM

السلام عليكم

ممكن خوف ممكن تكون الشكوى للشخص الخطأ
واحيانا خجل لأن همك لا يقال "خليها بالقلب تجرح ولا تطلع برى تفضح"

واعجبتني الابيات اللي قريتها لشاعر
لا تشتكي حالك على كل من جاك
بعض البشر يفرح الى قلت مهموم

يخفي سمومه بين همك وشكـواك
يشمت بحالك والحصيله شقا ولوم

واحذر من اللي ينقل الهرج لعداك
يظهر لك الطيب وهو منه معـدوم

قلبه مريض ويخلط السم بـدواك
يعرض عليك الرأي والرأي مسموم

وابعد عن اللي يستغلك الى جـاك
تلقاه دايم بين الأخيار مذمـوم

احسب حسابك في كلامك ومعناك
وسط المجالس كل ما ادليت بعلوم

وخلك مع اللي يشتكي لك وينخاك
بك ينتخي من ضيم الأيام وهموم

خذها وصايا تسعـدك دوم دنيـاك
واحفظ معانيها تحفظك من اللـوم

وشكرا