منتديات تراتيل شاعر - عرض مشاركة واحدة

02-12-2016, 11:55 PM

طلعي من صفناتي كافي ارد استراح
ولمي ليلج بعد مابيه سهر
كافي اقشمر روحي واصلا ماتجين
كافي من تشتاك عيني تشم صور
مادريتي بحالتي اشتدت وراج
والله مو خاطر ضلع مني انكسر
والله كلشي بغيبتج صاير نشاز
وما ابالغ لو كلت حته الكمر
الليل جان وياج مالح هس ليش
صار فاهي وللنجم مابي اثر
ردي خل اشتم عطر ثوب العليج
ليش هيج معاند وياي القدر
وين وعدج انتي كلتي يلمنه بيت
وسفه شو فركنه مالمنه الدهر