انا ماجيت باشكي لك همــوم القلــــب وحزانـــــــه
ولا مــن غربــة المنفــى ولا مــن قســوة اسنينــي
ولا جيت انتقــم من حـــب خلاني بلــــى خانـــــــــــة
ولا باشكــــي امــــوراً سريـــــة مابينــــك وبينــــي
اناجيتـــك
حنان وشـــــوق يابـــــو روح فتنانــــــــة
وجيتــك شعــر وجدانــي ليمــك شــوق يرمينــــــي
من اقصى قلبي المغرم سجعت الشعـــر بالحانـــــه
دخيـــلك لاتقفـــــي فـــــي عيونـــــي لا تخلينــــــــي
ترى ورد المحبـــة زان وتفتـــح من اغصانــــــــــه
وطيور الشــوق غنت لك هــوى داخــل شرايينــــي
تعبت امن الفراق اللــي جرح قلبي وشريانــــــــــه
تعبــت امشـــي بــــدربٍ طــــــال يمــك مايودينــــي
تعبت اشيل روح بجوف ليل الصيف عطشانـــــــــة
تعبت اركض ورى حظ(ن) على الهامش مسويني
تعبــت اطـــرد سراب اللال والافكــــار تعبانــــــــــة
تعبت امــن الخيـــال اللــي من الاوهــام يسقينـــي
فتحت القلب لك وحـــدك ولك شرعــــت بيبانـــــــــه
تفضــل مسكنـــك دايــم هنــا ياغــلا محبينـــــــــــي
سبحت البحر في حبك وكم صارعـــت حيتانــــــــــــه
وكم ليلــة مـع طيفـك هجوسـي لك تسرينـــــــــــــي
انا شاعر حمام الدوح صفــق لـــي بجنحانــــــــــــه
بيزهـــر ورد اشعــــاري وينفـــح فـي بساتينـــــــي
انا العاشق وذا وردي وذا عطــــــــره وريحانـــــــه
وذا شعــري وذا دمعــــــــي وذا همـــي مخاوينــــي
وذا حبـــي يصــــــرح لك وذا وزنـــــه وميزانــــــه
وذه عينــي تطالـــع لك ونـــار الشــــوق تكوينــي
عشقتك من مشاعر صادقــــــة وعيون ولهانـــــة
عشقتك حــب وجدانــــــي عشقتك غيث يروينـــــي
حبيبي كيــف باتصبّر على حبــــــك وهجرانـــــــــه
متى بالوصـــل تحقــــــق امانــــي بك تمنينـــــــــي
انا ضحيـــت من شانك قطعــت افـــلان وفلانــــــه
انا بعـــت العمــــر كلـــــه لاجلك يانظـــــر عينــي
شربت المـــــر والحالــي بخبـــتٍ مات حيانــــــــه
وتهت بدرب اشواقـــــي وحزن القلــب يكسينــــي
انا حبك وبك روحي بليل العشـــــق هيمانــــــــــه
اهيم بعالم اشواقـــــي ولا بـــه من يواسينـــــــي
واحب البحـــــر لعيونك وحب لولــه ومرجانــــــه
ولا بانساك مهمــــا انتـه بحبـــك كنــت ناسينــي
رسمتك صورة بشعري وبك زينــــــت ديوانـــــــه
ومن غيـــــرك بشر ياخلـــي مزيـــن دواوينــــي