الحادث , بودينج , حظي

حظي الخايب توديني

الغياب ان كان كافر .. يعني المسلم وصالك .. يآخي وش اكثر شعور يمر في لحظة غيابي ؟ ايه حي .. وأدري ان القلب داخل الف شي .. وأدري اني لو كتبت من الشعور يكون مني الف شي .. وش كتبت وش خذيت ؟ غير بيت يحفظة مليون شاعر وتلفظة ذكرى بـ ليت .. ودنيا تدور .. وحراس المسا طابور ، ودمعه شايبٍ مقهور يعديها الزمان دهور * * * وانا في داخلي ضليت اعد الناس .. وعيني ترقب الدمعه فـ قوّي الباس واناديني واقول لحظي الخايب .. توديني ؟ على ذيك الأراضي البور .. ادوّر عن براد ونور ادوّر عن قلوب اطفال ادوّر عن طريق وسور ادوّر عن ملاذ إنسان وحولي منزل ودكّان .. وفيني هالعمر مليان واعمّر بالسراب قصور تعلمت من التعب دستور وعرفت ان الوفاء رجّال وعرفت ان الكرم رجّال وعرفت ان التُقى رجّال وعرفت ان المروءة تكملة لـ أجيال وهذا الحال من بعض اختلاط المجتمع بالنور واحساس التعب بالسور وأنشودة طفل مغمور وبسمة طفلة تحييني وتعطيني من احلاها عناقيد الكرم بلوّر * * * وتآخذني عصافيري وطيري ياحمام وشاركيني واشربي هالميّ .. من بيري وريح تسافر وتلقى مكان ولالقت غيري واشق الصدر من أقصى المكان وينتثر خيري * * * وانا مازلت شاهد من على ذيك المداين والأراضي البور وتهب الريح ونسافر على ذيك الديار وكلها أشباح ماغير همومي اللي سافرت بي وغصن تفاح * * *

المصدر: منتديات تراتيل شاعر - من قسم: هذيان الروح ▪●

---

p/d hgohdf j,]dkd hgph]e f,]dk[ p/d