منتديات تراتيل شاعر - اقول احبـك ياهـوى البـال , واغليــك!

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - اقول احبـك ياهـوى البـال , واغليــك! (http://tra-sh.com/vb/showthread.php?t=99215)

اقول احبـك ياهـوى البـال , واغليــك!

اقول احبـك ياهـوى البـال واغليــك
. . . وتقـول بمشـي ! بس بعدين اقابــلك

وان قلت لك بدري عسى الله يهديك
. . . كنك تقـول احسن من إنـي اجاملك !

باللــه علمنــي أنــا كيـف اجازيـــك
. . . ابغى اهتمامـك لي والقـى تجاهــلك !

وش ذنبـي إني صـرت متعلق ٍ فيـك
. . . ارسـل لك أشواقـي وتقطـع رسايـلك !

وش حيلتـي لاصـرت كلـي احاتيـــك
. . . اعامـلك بـالطيب وأكــره تعامـــلك !

أقـل حاجـه , حـس فـي حـال مغليـك
. . . اسألنـي وشلونـي كثـر ماني اسـألك

بيـع الـذي باعــك وعــود لشاريــــك
. . . وبادلني فـي حبـك مثـل مـا ابـادلك

وإن قلـت احبـك وأنت تسمع بذانيك
. . . لا تصّرف الموضوع واحّسن تعاملك

اطلـب ولـك منـي على طــول ألبيك
. . . شفنـي شسـوي يـوم تشــر بنــاملك

تـدري لـو إنـك قلـت دهريـن واجيك
. . . اقضـي سنيني شـوق أناظـر مواصلك

يعنـي نصحيـه أعـشقك وأغسل يديـك
. . . ابقـى احبـك غصب مانــي محايـــلك

وإن كـان قصدك مـن فعايـلك اجافيك
. . . تبطـي ولا أنسى حضرتـك واتجـاهلك