منتديات تراتيل شاعر - غيبتك لو هي دقيقه تعتبر صده

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - غيبتك لو هي دقيقه تعتبر صده (http://tra-sh.com/vb/showthread.php?t=96833)

غيبتك لو هي دقيقه تعتبر صده

..غيبتك لو هي دقيقه تعتبر صده ..

غيبتك لو هي دقيقه تعتبر صده ..

الوقت دونك سجن وغيابك أسياجه ..

لا تعتذر لي ترى ماعاد في شده ..

أعيد حكي يكود الصدر مخراجه ..

دامه يوصف بجود بيك وبجده ..

وشلون تبخل على المجروح بعلاجه ..؟

و وشلون قاواك قلبك رده وصده ..

مع أنه بين عليه الضعف والحاجه ..

ياقو قلبك برد أيمينك ورده ..

بخلت بمصافحه وأرهيت بحراجه ..

لو ماسقى غيم عينه جرهدي خده ..

تراه يبكي وقلبه يلحق أخلاجه ..

ولو شفته يمازحك تراه من جده ..

الضحك عن درب ضيق الصدر ماعاجه ..

غير الغلا والوله عليك وش حده ..؟

يادرب ليله ويامسراه وسراج ..

كنه يعرفك قبل يلقاك من مده ..

مع أن مابينك وما بينه امواجه ..

هواك بدو نووا للقلب بالشده ..

ورياض قلبي لشوف البدو محتاجه ..

والوصل بحر متى انت بتسمح أبمده ..

السيف صبري وبحرك شح بأمواجه ..

قصيدي اللي قريته واللي أعده ..

قديم لا يزعلك معناه وأخراجه ..

وفراغ قلبي غلاك أرهى على سده ..

ليتك تشوف الغلا وأبراجه وعاجه ..

أقوى رياح العذل ما تقدر تهده ..

وألا الجفا لو تنفس هدم أبراجه ..

تغانم الوصل لن البعد لابده ..

يأتيك في يوم ثم ياخذك بأدراجه ..

اللي لي أنك تلين وتترك الشده ..

واللي لك أني ما سولف بك لهراجه ..

ولأني بزعلان واللي نرتجي مده ..

يا باب قلبي ويا قفله ومزلاجه ..

زعلة تغلي ومن تزعله من قده ..

ما دام كل يبي دربك ومنهاجه ..

غالي وتبخل علي وتطول الصده ..

الله يسامح غلاك ويلعن الحاجه ..