لك وحشة : ماهي لغيرك من الناس
أنت : اللي بس أقدر أسميك غالي

انت الغلا والشوق كله والاحساس
وانت الجواب لغايتي ياســــــؤالي

انت الذهب وانت الفرح وانت الالماس
وانت الوحيد اللي بقلبه صفالي

اشتاق لك مع كل نسمه ونسناس
وأتوق لك لاحن غصن ومـــالي

وأتلهفك لاجيت بالقلب عساس
وأزدان عشبك بالضلوع الخوالي

من قبل احبك وانت طيبه ونوماس
واليوم كلك : صرت لي راس مالي

حبي لك ماله معايير وقيــــــاس
وغديرك عندي : قـــــراح زلالي

ماهو بحب أقلام تكتب بقرطاس
ولا حب قدره مرتبط بالريالي

حبً : بنيته ياحبيبي على ساس
يحيط بك : لاهب برد الشمالي

مالك بهالدنيا مماثيل واجناس
ولا لك على قلبي شريك بحلالي

ياغايتي : والشوق بي مثل الامواس
يقدبي بين الرجاء والوصــــــال

إما تجيني : وانت قدرك على الراس
والا اجيك بلهفتي واشتعـــــــــالي !