منتديات تراتيل شاعر - في غيابك هايم احساسي تعوب

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - في غيابك هايم احساسي تعوب (http://tra-sh.com/vb/showthread.php?t=90411)

في غيابك هايم احساسي تعوب

لو يتوب القلب عنك ما اتوب //// حاظر بفكري وحسي يسمعك

يكفي اني لا ذكرت اسمك اذوب //// انثر حروفك بقلبي واجمعك

لو يكون الذنب في حبك ذنوب //// والله اني لاعشق ذنوبك معك

خذتني بالحب واحساسك عذوب //// ليتني عندك اناجي مسمعك

في غيابك هايم احساسي تعوب //// يشتكي بعدك يباري مدمعك

لك مشيت الدرب واعيتني الدروب //// ضعت في دربك ودربي ضيعك

شاعرا ضيع حياته لك يجوب //// غايبا عني وش اللي يمنعك

لو يطول الصد ماعنك هروب ///// حاضر بفكري وحلمي مرتعك

المحبه نارها تبري القلوب //// وانت تارك روح شاعر طمعك

مانهبتي روحي الضميا نهوب //// وش بقالي غير هما ودعك

ماخبرت الحب باحساسك كذوب //// ارحمي شاعر بحبه متعك

في غيابك كني الشمس الغروب //// ضاعت احلامي من اللي جزعك

صرت لك لعبه تلاعبي لعوب //// مرخصا نفسي وانا اللي دلعك

اذكرك نسمه اذا هب الهبوب //// واذكر اني تاج راسك واقنعك

اتلف اعصابي وانا قلبي تعوب //// تايه بفكري اجوعك واشبعك

ليت لي قلبا على بعدك طروب //// مير كيف ابعد وقلبي يهجعك

رد لي قلبي وفكري يالسلوب /// ماكفاك اني اعيش لمطلعك

عايشا بين المحاني والجنوب //// والعيون اللي بكت لك مربعك

المشاعر هايمه لاجلك لهوب //// والهوى دايم يوالي مرجعك

كيف انسى ناعس الرمش العطوب //// وكيف انسى ضحكةمن مخدعك

وكيف انسى صاحبا ماله عيوب //// حتى في بعدك حبيبي ماأروعك

لك فؤادي يابعد كل القلوب //// بس امرني وانا رهن اصبعك

كنك الغيمه وانا قلبي سحوب /// تمطر بقلبي وانا هايم معك

في ضهورك تحجب القمرا حجوب /// ومن سنا نورك عيوني تتبعك

لو يطول البعد حبك مايروب /// عايشا لاجلك بحب استرجعك

يكفي ان العشق باحساسك وجوب/// عشق شاعر بالهوى مايخدعك

شاعرا ضيع حياته لك طلوب //// مسقي احساسه بحبه جرعك

لو يتوب احساس قلبك ماتوب /// حاضر بفكري وحسي يسمعك