منتديات تراتيل شاعر - هلا بك يابعد عمري هلا بك عد ما بالكون

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - هلا بك يابعد عمري هلا بك عد ما بالكون (http://tra-sh.com/vb/showthread.php?t=89064)

هلا بك يابعد عمري هلا بك عد ما بالكون

هلا بك يابعد عمري هلا بك عد ما بالكون
من انفاس الشجر والناس ورمل في صحارينا

أبرسم لك على صدري قصايد شعري الموزون
وبشرح لك مدى الاحساس وشوق صار يضنينا

الا يازين سما حبك ملاها برقها ومزون
لنا حب علينا يهل كما الامطار يروينا

غرامي فيك فاق الوصف وماحبه ابد مجنون
لنا حب كما الانهار وحنا الورد يسقينا

حياتي غير لاشفتك وقلبي لا عشق مرهون
وانا ملك العيون اللي من العذال تحمينا

تعال اكثر بعد اكثر لقلب هايم مفتون
ليامنا تقاربنا دفا الانفاس يدفينا

غلاتك عندي ياعمري تساوي من البشر مليون
رجيت الخالق الوهاب يقرب دوم اسامينا

انا مجنون في حبك وما غيرك بالبلد مزيون
دعيت الله ياعمري يحقق دوم امانينا

انا مابي احد غيرك ولا عيني سحرها لون
ولا حدن فز له قلبي ولا قربه لنا مينا

انا قلبي تحت امرك وانا روحي عليها تمون
وانا لا قلت لك كلمة تراها من مبادينا

انا العاشق انا الولهان وشوقي بالحشا مكنون
صويب العشق واللوعات وكود الحب يداوينا