منتديات تراتيل شاعر - ابشر بصدر يضمك حيييل دام اني هوااك ..

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - ابشر بصدر يضمك حيييل دام اني هوااك .. (http://tra-sh.com/vb/showthread.php?t=86798)

ابشر بصدر يضمك حيييل دام اني هوااك ..

سق فديتك كل ما تملك من جنون وغضـب
وابشر بصدرٍ يضمك حيـل دام انـك هـواي

ولا رويت عتاب ناظرني وقل طاح الحطـب
واسأل شرايك وابنسج لك من الأعمـاق راي

باتناثر لك رضا واحساس صادق مـا كـذب
وأنت رتّبني على كيفك وشكلنـي برضـاي

وان تلعثم حضورك ثم نطّقنـي لـك تعـب
حاول انك تسمع أشواقي وسط تنهيـد نـاي

اسمع دموعه وقرّب لـي وقـرّب وأقتـرب
واسألأ عيوني عن طيوفك وقصتهـا معـاي

كيف كانت في غيابك فجأه تطري واغتـرب
اركض لمنفى خيالي وارمـي الواقـع وراي

اوجدك ما بيني وبيني واسولف لك واشـب
ليلة حضورك قصايد تشتكي لك مـن عنـاي

http://www.fdodof.com/up//uploads/im...0901743aee.jpg
آآآه لا منه بزغ فجـر الحقيقـه وانسحـب
طيفك اللي ساكن عيوني وضاقت بي سماي

وقتها ليتك تحس شعور من حظـه ضـرب
آخر آماله بعـرض الهـم والوحـده مـداي

اكتشف وشلون يموت الصوت برماح الطرب
لحظةٍ جيـت أتغنـا بـك وعاندنـي غنـاي

واكتشف كيف السهل فجأه يتحول لي صعب
لا نويت ابكيك ثـم أزريـت القى بـي بكـاي

أقسم بربي وربك فينـي احسـاسٍ غصـب
كل كلي في غيابـك ينجـذب لـك ياهنـاي

http://www.fdodof.com/up//uploads/im...b5c564c46a.gif

ما نسيتك لو نسى التاريـخ أمجـاد العـرب
وما تركتك الا بين ضلوع صدري وبحشـاي

لأنك أكبر من غلا الشاعر لآخـر مـا كتـب
ولأنك أقرب لي من سكوتي اذا عانق شفـاي

ولأنك أول من تمكن بـي وعلمنـي أحـب
ولأنك الشخص الوحيد اللي يجي في مستواي

صاحبي جمع كلامـك ثـم بعثرنـي عتـب
والله أن كل شي عادي لا غدى منك وجـاي

مما لامس وجداااااني

تحياتي