منتديات تراتيل شاعر - القلب يبقى مكانه في قفص صدري.

منتديات تراتيل شاعر (http://tra-sh.com/vb/index.php)

- هذيان الروح ▪● (http://tra-sh.com/vb/forumdisplay.php?f=7)

- - القلب يبقى مكانه في قفص صدري. (http://tra-sh.com/vb/showthread.php?t=84354)

القلب يبقى مكانه في قفص صدري.

http://www.rmoozz.com/up/2015/19320rmoozz.jpg

صدّيت عنّك ، لأنْهَا ساعتي : حلَّت
ــــــــــــ أروح ، وفي خاطري أبقى | مع عمري |.

والله أحبك .. وعيني منْك . . ماملَّت
ــــــــــــ ومن كثر ما أقابلك خايف ، على قدري !

"أودّعِك" في يَدَي ، وعيوني بك "هلَّت" !
ــــــــــــ أشياء تطري عليّ . . . وأشياء ماتطري

الدمعه [ سيفٍ ] جُبرها الوقت وإنسلَّت
ــــــــــــ أصبر . . وأجْمَع قُواي وينكِسِر صبري

مصدوم منّي ! غريبه ، عيني إبتلَّت !!
ــــــــــــ ويّاك حتى ( دموعي ) مو على خبري

لـ أشْواق ، ماقصّرَت فيني ، ولا خلَّت :
ــــــــــــ القلب يبقى مكانه في [ قفص صدري ]

عنّك ، أصِد بْـ سلام .. ورِجلي إنشلَّت
ــــــــــــ وشلون لا كنت تطعن من ورى ظهري

غلاي لك .. مشكله للحين ما إنحلَّت ،
ــــــــــــ قلبي يحبك و كل إحساسي و شعري

محبتي لك ، كثير - تزيد ... ما قلَّت

ــــــــــــ وكل ما أشوفك ألاقي بْـ طلّتِك ، عِذري

( وَلْ ) يافراقك ، حياتي شوفها : ولَّت !
ــــــــــــ من غيرك أيّام عمري ماهي من عمري

[/QUOTE]