منتديات تراتيل شاعر - تعـال جـدد للغـلا ثـوب يـزهـاك

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - تعـال جـدد للغـلا ثـوب يـزهـاك (http://tra-sh.com/vb/showthread.php?t=81859)

تعـال جـدد للغـلا ثـوب يـزهـاك

قل للقلوب اللي تحدك علـى اقصـاك
انك معي لو شمـس الأحـلام غابـت

وقل لليدين اللي تبـي لمـس يمنـاك
ايديـك نامـت فـي يدينـي وذابـت

لايحتـرون فـراق قلبـي وفـرقـاك
اللـي هقـا الفرقـا هقاويـه خابـت

حطيتك بعيني علـى شـان منسـاك
وناديت لضلـوع الغـلا وأستجابـت

شف وش كثر هيبة محبتـك لرضـاك
مـن كثرهـا كـل العواذيـل هابـت

حنـا مشينـا درب ماحولـه اشـواك
وحنـا بنينـا (حب)والسـاس ثابـت

ماننتهـي لـو تنتهـي كـل الافـلاك
ولو روسنا من جـور الأيـام شابـت

وشلون اعيش العمـر لحظـه بليـاك
والشوق كنه بيـن الأضـلاع نابـت

يامشفي اجروحـي بشوفـك ولقيـاك
ان رحت جات اجروح وان جيت طابت

تعـال جـدد للغـلا ثـوب يـزهـاك
وعيد الأمل لو شمس الأحلام غابـت