منتديات تراتيل شاعر - روايـــة(غزو المخدرات لثانويات البنات) الجزء//6//


	الجـــــــزء(6) من روايـــــــة (غزو المخدرات لثانويات البنات) زلزال / أنتي نفّذي اللي انا اقول لك عليه وبس.. عفريه / خلاص أبشر ولا يهمّك يازلزال انت تأمرني أمر لو اني مابعمري شربت الدخان لكن ابسألك سؤال يازلزل ويش نوع الدخان هذا اللي تقول عنه.... زلزال / هذا من نوع الحشيش وسعره غالي يخليك تدخلين بجو عالم ثاني... ويبعد عنك كل الهموم.. عفريه / صحيح يازلزال أجل أكيد ابحتاجك فيه أكثر من الكابتيجون لأن همومي كثيره... زلزال / ياحبيبتي وياعمري انسي همومك مادام انا معك بكرا رايح ايسطك كل البسط انتي جربي السيجاره وبعدها تقررين. عفريه / أشعلت السيجاره.والسحبه الأولى..والثانيه..والثالثه...غيم عليها الجو ودخلت في عالم ثاني....ههههههه.. هههههههه...هههههههه...والله صحيح زلزال معه حق..وتتصل على زلزال....تررررن....ترررن......تررررن.. زلزال / يرد بسرعه هلا بحبيبة القلب وروحي وحياتي آمري ويش تبين ان شاء الله دخلت مزاجك السيجاره.. عفريه / أوووووووهـ..هههههههه.....ههههههه..وين هالحاجات عنّي من زمان ليش ماخبرتني من قبل.. وبعدين أبيك تجي هالحين وتجيب لي معك(6)حبات وسيجارتين اباعزم زميلاتي عليهن.... زلزال / ابشري ولا يهمك مسافة الطريق وانا عندك ويوصل عند عفريه ويعطيها الطلب وبوستين على الماشي ومع السلامه. عفريه / تتصل على مرعيه هااااهـ ويش اخبار المذاكره ان شاء الله بلعتي الكتاب.. مرعيه / أوووووووهـ والله مافكيت الكتاب من ايدي حتى انّي نسيت وبغيت أدخل صالة الإمتحان وهو بيدي لو ماذكّرني البنات. لا..بعد ومنسيه مثلي تقول والله حتى الأكل ماأكلت كلّه شرب شاي وعصير والكتاب مانزل من ايدي لكن عيب الحبوب شئ واحد اذا جيتي تنامين مايجيك النوم.. عفريه / لا..ولا يهمكن انا عندي اللي ينومك ويبسطك متى مابغيتي اتصلي على منسيه وقولي احنا جايين عندك اليوم.. مرعيه / خير ان شاء الله اباتصل عليها وأقول لها..وتتصل....ترررررن ......ترررن....تررررن... منسيه / ترد بسرعه أهلين حبيبتي الغاليه وينكم لاإتصال والله لي ليلتين مانمت ولكن مازلت مبسوطه من الحبوب.. مرعيه / خلاص أجل انا وعفريه جايين عندك وعفريه تقول عند شئ يصلح لكن احسن من الحبوب ومتى مابغيتي تنامين تنامين ويبسطك أكثر....وأكثر.. منسيه / خلاص انا بانتظاركم ابجهز لكم الحلا والقهوه والعصيرات.. عفريه / تجي عند مرعيه ويروحن لمنسيه التي تستقبلهم على أحر من الجمر..وهي مشتاقه للكابتيجون..ويوصلن عند منسيه.. منسيه / تستقبلهن ياهلا بحبيباتي تو ماأسفر البيت ويش اخباركن ويش اخبار المذاكره معكن.. عفريه / انا والله تمام مادام حبيبي زلزال بجنبي فأنا بخير هو اللي يأمني بكل حاجه ولا يبخل عليه بشئ حتى مصروف يعطيني. مرعيه / انا والله مثلكن مبسوطه والحمد لله ابويه مايبخل عليه بشئ اي حاجه اطلبها منه يعطينياها.. منسيه / جالسه تبكي انا اللي حظي زفت لا..أم على رأسي ولا ..أب يحميني..عندي أخوي مدهال الله يحميه هو اللي يصرف عليه يادوب نحصل حق العشاء والغداء مصروفنا على قدّنا... عفريه / اسمعني زين يابنات كل وحده ابعطيها حبه الآن مع سيجاره وجربن وتبي تنبسطن أكثر واذا اعجبكن قولن لي.. مرعيه / أعطيني انا الأول من زمان مادخنت لأني كنت ادخن وتركت التدخين وتاخذ الحبه مع السيجاره وتشعّلها.. والسحبه الأولى...والثانيه....والثالته...حتى دخلت في عالم الرومانسيه.. منسيه / تأخذ الحبه والسيجاره من عفريه وتشعل السيجاره...والسحبه الأولى..والثانيه...والثالثه...وتدخل في عالم ثاني.. ههههههه..ههههه....ههههه...صحيح والله يابنات صار الدخان أحسن من الكابتيجون.. عفريه / شوفن يابنات اذا تبغن حبوب وسجائر انا مستعده أول مره أعطيكن هديه ببلاش لكن المره الثانه مثلكن مثل غيركن يكون بافلوس كل وحده أعطيها على قد افلوسها بس بشرط واحد... مرعيه / انا موافقه على شرطك من الآن ويش هو شرطك.. منسيه / وانا بعد موافقه على شرطك أهم شئ تأمنيننا بالحبوب والسجائر.. عفريه /اسمعيني يامرعيه ومنسيه كل وحده منكن تجتمع بخمسه من زميلاتها بالثانويه وتعطيها حبه وتروح فيها بعد الحصه خلف الحمامات وتشعل لها سيجاره وتعطيها كم سحبه أكيد يبي يجوز لهن الوضع وبعدها يبي يطلبن الحاجات هذي.. موافقات والا..لا.. مرعيه / انا موافقه يالله أعطيني خمس حبات وسيجاره واتركي الباقي عليّه... منسيه / وانا كمان موافقه أعطينا واحنا ننفذ طلبك.. عفريه / تمام عليكن وانا بعد عندي خمس زميلات اباعطيهن وأكيد يبي يجوز لهن الوضع...بكرا الصباح كل وحده منكن تكون بضاعتها معها انتن معكن اللي يكفيكن الآن والصباح رباح. يالله يامرعيه خلينا نروح لبيوت أهلنا... أحنا نستأذنك يامنسيه ولا أوصيكم بكرا مع البنات.. زلزال / يتصل على عفريه....تررررن.....ترررن.....ترررن.... عفريه / هلا بالغالي وحبيب قلبي وينك ابيك ضروري... زلزال / خير ان شاء الله فيه شئ تراني ماني على بعضي.. عفريه / لا..يازلزال الأمور تمام لكن ابي منك الآن (45) حبه..و(3) سجائر حشيش نبي نوزعهن على زميلاتنا بالمدرسه بعدها أكيد يبي يطلبن شرائهن بأية ثمن بنات وأعرفهن كل شي يلعب بروسهن... زلزال / خلاص انا الساعه(9)مساء اكون عندك والبضاعه معي بس بشرط تطلعين معي نتمشى شوي وارجعك للبيت.. عفريه / خلاص ولا يهمك اطلع معك ابحاول اقنع أمي تسمح لي اباقول لها ابزور زميلتي انها تعبانه ومسويه عمليه.. زلزال /خلاص أوكي ياأم الخطط انا على وعدي .. عفريه / تدخل غرفتها وتلبس وتتزين وتنادي لأمها شيهانه وتجي يمها بسرعه.. شيهانه / خير ان شاء الله يابنيتي ويش عندك تلبسين وين رايحه بهالليل ماتخافين.. عفريه / ياأمي زميلتي المسكينه جارتنا مسويه عمليه ولازم أروح وأزورها واطمأن عليها.. شيهانه / لكن لاتطولين يابنيتي وزيارة المريض حق وواجب.. زلزال / على الوعد يجي وتركب معه عفريه ويسلمها البضاعه ..هاااااااهـ ان شاء الله الأمور تمام.. عفريه / لا..ابشرك الأمور تمام وانت حبيبي ولا أخفي عنك شئ بكرا السهرات معك تكون أكثر..وهذي بوسه منّي هديه.. زلزال / لا..ان شاء الله عصفورين بحجر....ممكن أطلب منك طلب ياعفريه.. عفريه / أطلب ياعمري ويش تبي انا كلّي لك انا روحي فداك انا ابي احد يساعدني ويظمني ويحظني ولا لي غيرك.. زلزال / لا..لا.. خلاص خلي الطلب بيوم ثاني نكون انا وانتي بالإستراحه وحدنا.. عفريه / خلاص ولا يهمك متى مابغيت طلبك انا جاهزه..وديني البيت لأني تأخرت... زلزال / يتصل على مدهال..تررررن..ترررن....تررررن.. مدهال / أهلين وسهلين عاش من شافك ياراعي البنات ويش خليت لنا من الحب..ويجيه اتصال على جواله الثاني عن اذنك يازلزال عندي مكالمه على جوالي الثاني والرقم غريب اباتصل فيك بعد شويه.. زلزال / خلاص انا بانظارك لأني أبيك ضروري.. مدهال / يرد على المكالمه..الو..مين معي شكلك غلطانه ياأختي.. وسميّه / انا وسميه معقول نسيتني يامدهال انا احبك بس انت ماتعطيني وجه.. مدهال / وسميه حبيبتي والله انا اللي كنت أحبك واموت فيك من زمان ولكن من الخجل مادري كيف اصارحك.. وسميه / يعني مازلت تحبني مادورت لك حبيبه ثانيه.. مدهال / أكيد ياعمري احبك ومستحيل أدوّر على غيرك وانتي اللي ببالي..متى أشوفك.. وسميه / خلاص خليها بعدين بيننا تليفون ...يالله باي. مدهال / يتصل على زلزال...تررررن...تررررن...ترررن.. زلزال / يرد هلا بالغالي خير ان شاء الله ويش هالمكالمه اللي اشغلتك عنّي.. مدهال / أبشرك يازلزال البنت اللي انا أقول لك عنها انّي احبها اتصلت عليّه وأثرها تحبني وميته فيني وانا مادريت.. زلزال / لأنك غبي ..ههههههه..الحب من نظره ..وابتسامه...ورمشة عين...بس انت كل هذي ماتعرفها يعني جاهل بالحب. على فكره انا جاي عندك نبي نروح لحبيبنا ابوكعبول... مدهال / يالله انا جاهز ومبسوط بعد كل البسط لأن حبيبتي وسميه اتصلت عليه.. زلزال / يوصل عند مدهال وياخذه وعلى استراحة ابو كعبول وابو جلجول.. ابوكعبول / ياهلا والله بحبايبي وسنايدي غريبه انكم ماتتصلون وتقولون ترانا جايين على شان اقوم بالواجب.. مدهال / ياعمنا ابوكعبول تكفي شوفتك وقهوتك والجلسه معك.. زلزال / ايوالله يابوكعبول جلسةٍ معك تنشرى وابشرك الحبوب والحشيش قرب انتشارها انا اتفقت مع حبيبتي عفريه. عندها خمس زميلات وأقل ماتشتري الوحده بضاعه بـ(2000) ريال ومعها زميلاتها بنتين يبي يساعدنها كل وحده عندها خمس زميلات مثلها والبضاعه موزعه عليهن من الآن يعني صار عندك (15) زبونه وكل وحده تبي تاخذ. بـ(2000) ريال يعني باسبوع واحد يطلع المجموع (30000)الف ريال ويش تبي أكثر من كذا.. ابوكعبول / اسمعني زين يازلزال ويامدهال..اذا حصل كذا يطلع نصيب كل واحد مننا (10000)الاف ريال..تستاهلون. مدهال / ايه بس حبيبنا ابوجلجول ماطلع له شئ وشلون.. ابوجلجول/ لا..ياحبيبي المثل يقول(الضب شبعان دبا) انا تجيني مكاسب من الترويج الخارجي لاتشيل لي هم... أهم شئ عندي حبيبي ابو كعبول تنجح مشاريعه بتوزيع المخدرات بثانويات البنات.. ابوكعبول / هذا اللي انا ابيه منكم ياحبايبي ومكافأتكم عندي بعد..لكن اشوف مدهال سرحان مادري ويش يفكر فيه.. مدهال / تبي الصراحه مبسوط لأنه جتني مكالمه من حبيبتي اللي انا قلت لك عليها اتثصلت فيني اليوم وهي اللي تبي تساعدني معكم على توزيع المخدرات بالثانويات...وقال هالبيتين لحبيبته.. متى نشوف الغضي بالعين ...........متى نشوفك ياوسميّه ياكامله بالحلا والزين ..........انا أشهد انّك هواويه زلزال / والله وطلعت شاعر يامدهال الله يخلي لك وسميه اللي شالت الحياء منك وبديت تشعر.. عفريه / تتصل على مرعيه ومنسيه وتخبرهن ان البضاعه جاهزه وترا موعدنا الصباح كل وحده تستلم اللي يخصّها وتبدأ بتوزيعه على زميلاتها..انتهى الجزء أعطونا توقعاتكم للجزء القادم.. لغز الجزء(6) من انواع الخضار يتكون اسمه من (6) حروف فما هو؟ 1 - 6 - 2 = دوله عربيه. 6 - 5 - 3 = خلق منه الإنسان. 1 - 4 - 2 = نهاية الإنسان. 4 - 6 - 2 - 5 - 1 = اسم حيوان(من انواع الطيور). يالله شدوا حيلكم وموفقين باذن الله. حقوق الطبع محفوظه للسحاب (الساري) .