الشيب
 

./


هذا الضيف الأغبر زارني!.

والضيف له حقه وله تقدير..

وأنا على ما شفتني يا طير..

مثلك أفزّ من الصدى..

احتاج مثلك للمدى..

للبوح..للتعبير...

خذني أبي أتنفس..

خذني ما دام إن المسا عسعس!..

والدااااار صااارت غير!!

يا طير يا رفراف..

خذني ورى الأطراف..

خذني ، وأنا المسؤول عني.. ولا تخاف!

الحزن من ربعي!!

وعشقي من عرفته ما تغيِّر..

في الصبايا ...وللرغيف لحاف..

يا طير يا رفراف...خذني ورى الأطراف..!!

خذني وب أحكي بـ صمت ..

للشيح...للقيصوم...للعزّاف..

عن قصة غياب المطر...

وعن طعم هالدنيا بدون أنصاف..!!

الشيب..

من جيت أنزعه..

قالوا مردّك للبياض..

وكل شعره بـ أربعة..!!

قلت أربعة!

قالوا كثر جهلك ولا لك اعتراض..

والحقيقة موجهة..

آآآه ياااا هي موجعة!!

إنّك تخون الشمس..والبرد يسريبك!!

آآآآآه يااااااهي موجعة!!

إنك تشوف مرايتك تفرح بتعذيبك..

ي أنت يا طيبك..

أشغلت نفسك في سراب من البشر..

غابوا..

ودورت العذر لغيابهم..!!

وفي غيبتك ما دوروا إلا عذاريبك..

تعوذ من إبليس ومن هالناس ومن طيبك..

ي أنت يا طيبك!

لو لاح لك وجهٍ من الماضي ..

تشجع وأصفعه..أو أمنعه..

ما ينفعك مثلك غبي..ولا تنفعه..!!

الشيب لو زارك ،وقارك فيه..

حييه..ثم حييه..ثم حييه..

الشيب مثل أحلى القصايد..

روعته في مطلعه!!..

طفلة وطاحت من زحام..

قالت : سلام!

قلت: السلام نام ..وخليني أنام!

من بعد نوّار العمر وش فايدة كثر الكلام!!

قالت سواليفك عسل..

زدني غزل ..زدني غزل..

ومن يطلب الجنة من أمثالك وصل!!

يا شاعري قم ..واسقني نخب الغرام..

قلت : السلام نام ،، وخليني أنام!

قالت : ولا قلّ الغلا..


أبيك أنا ..وإن قلت لا.!!

ولك ما تبيه من الولا ومن الحلا..

ولا لي بديلك في الملا..ولا لي مقام..!!

قلت : الهوى عند الخفوق إذا استوى

جهل وحرام!!

والشيبتين آخر مشاوير الصبا..

وأول مشاوير الصيام..!!

ولا على شايب ملام !!

قالت : سلام ..

قلت : السلام..

وي الله عسى حسن الختام



:



صالح الشادي

رد: الشيب
 

تسلم ايدك ع الطرح

رد: الشيب
 

رد: الشيب
 

رد: الشيب
 

*,


سلمت الآكف ومَاجلبت
إبداع دآئم وتميز مُستمر
لا عدمنَاك /
:137:

رد: الشيب
 

رد: الشيب
 

رد: الشيب
 

متميز
يسعدك ربي

رد: الشيب
 

\\


اسعدني تواجدك الدائم لصفحتي
بارك الله فيك ونفع بك حفظك الله ورعاك ...
نور الله قلبك بالإيمان وطاعة الرحمن وأدخلك الجنان
وردة1

رد: الشيب
 

\\


اسعدني تواجدك الدائم لصفحتي
بارك الله فيك ونفع بك حفظك الله ورعاك ...
نور الله قلبك بالإيمان وطاعة الرحمن وأدخلك الجنان
وردة1