منتديات تراتيل شاعر - يآرب سهـل ضيقتي والشدايد,,

منتديات تراتيل شاعر (http://tra-sh.com/vb/index.php)

- ديوآن آلقصيد ▪● (http://tra-sh.com/vb/forumdisplay.php?f=27)

- - يآرب سهـل ضيقتي والشدايد,, (http://tra-sh.com/vb/showthread.php?t=71165)

يآرب سهـل ضيقتي والشدايد,,

يالله ياللـي تعلـم بحـال كـايـد
ياعالم(ن)بالضيقه اللي ورا الحـال

الحزن كايد والفـرح صـار كايـد
من دنيتن ماعـزة الا هـل المـال

ابغـى الطمأنينـه علـي اتـزايـد
وابغى الرضى في دنيتي واطيب الفال

يـارب سهـل ضيقتـي والشدايـد
انا حزين وضيقتـي تشغـل البـال

الخوف جيش وطـاري الهـم قايـد

واليا هجم مايرحم ضروف الاحـوال

يطعن بحـده فـي ضمير(ن)تسايـد
فيه القلق والخوف والشـك نـزال

ما اقول اخاف من الحسد والحقايـد
ولاقول طايح في هوى راعي الشال

اخاف من يوم(ن)يشيـب المهايـد
تشخص به الابصار وتزيد الاهـوال

يفرح بـه الفايـز ويلبـس قلايـد
ويشقابه اللي عاش بالقيل والقـال

مافيه فرق(ن) في السلوم العوايـد
ولافيه فرق(ن)بين حرمه ورجـال

النـار تشعـم والخطايـا حـدايـد
والناس من قو الكرب جلدها سـال

وذنوب(ن)اكثر من حساب العدايـد
وفيها البناخي يجحد العـم والخـال

يارب لطفك يـوم حـذف الشهايـد
وجعلي من اللي وعدهم عندك ظلال

تكسونـي بمنـك لبوس(ن)فرايـد
في جنة(ن)من نالها للسعـد نـال

وصـلاة ربـي كـل يـوم تعايـد
على النبي اللي محا كـل الاظـلال

رآقت لي ،،