منتديات تراتيل شاعر - الجــزء(1)من رواية(غزو المخدرات لثانوية البنات)

منتديات تراتيل شاعر (http://tra-sh.com/vb/index.php)

- قصص - روآيات - حكايات ▪● (http://tra-sh.com/vb/forumdisplay.php?f=23)

الجــزء(1)من رواية(غزو المخدرات لثانوية البنات)


	الجــــــــــــزء (1) من روايــــــــــــة (غزو المخدرات لثانويات البنات) ويكون تنزيل جميع الأجزاء بنفس الصفحه بعد ماتنتهي الردود ينزل الجزء الذي يليه السلام عليكم ورحمة الله وبركاته نحب نعرفكم على الشخصيات بهذه الروايه.. ابو كعبول / الشخص الفاشل في دراسته وصائع وضائع ماهمه الا نفسه وتفكيره كيف يقضي لياليه بالسهر والسكر والعربده وهو من ارباب السوابق وخريجين السجون.. ابو جلجول / مايفرق عن رفيق دربه ابو كعبول بالوصف كل الأثنين مسيرهم واحد.. مدهال /شاب محافظ على دراسته وعلى امور دينه ويدرس بالصف الثاني ثانوي سمعته جيده ولكن تجري الرياح بما لاتشتهي السفن.. زلزال /الشاب الوسيم الذي تتمناه كل بنت تزلزل الأرض من تحته اذا مشى وصاحب بنات ومغازل يجدع الطير من السما ومستحيل اذا قال للبنت شئ تقول..لا.. عفريه / يتيمة الأب وعايشه مع أمها شيهانه ولا أحد يرعاها تدرس بأول ثانوي محافظه على دراستها ودائماً ماتكون من الأوائل وكانت حالتهم الماديه سيئه.. مرعيه / يتيمة الأم وعايشه مع ابوها واسمه جلجال وحالتهم الماديه ممتازه جداً تحب دخول النت دائماً.. وتدرس بالصف الأول ثانوي.. منسيّه / يتيمة الأم والأب محافظه على سمعتها وعلى دراستها وتدرس بالصف الأول ثانوي لها أخ واحد محافظ عليها ويرعاها وستعرفون أخوها فيما بعد.. بدايـــــــــه.. ابوكعبول / والله ياهالدنيا طفش لازم أشوف لي حال فلوس مافيه مالي الا اتصل على ابوجلجول. ويتصل ويرد عليه. ابوجلجول / هاااه يابو كعبول تراني طفشان من هالدنيا ويش عندك عطنا المفيد.. ابوكعبول / اسمع اباجي عندك ابيك بأمر ضروري لازم اطلع انا وانت للإستراحه عندي لك مشروع مهم. ابوجلجول / تعال ماهي مشكله نشوف آخرتها ماوجهك وجه مشاريع. وقال هذه الأبيات.. يابو كعبول ماظنتي تنجح مشاريعك ............كل المشاريع تبي راس مال وكيف تبداها لكن اباسمع واذا اعجبي الأمر اباطيعك ..........واليوم ياخوي ظروف الحياة كيف انتحدّاها ابوكعبول / لاوالله لا..بعد ومسوي نفسك شاعر.اسمع يابو جلجول انا وانت فشلنا بالدراسه ومافيه أحد يبي يوظفنا حتى الدوله ماتوظفنا واحنا على هالحال..مشروعي يابوجلجول مالنا الا نتاجر بالمخدرات والله يافيها فلوس بالكوم بس تبي له حرص..هااااهـ ويش قلت؟؟ ابوجلجول / والله فكره جهنميّه بس من وين راس مال.. ابوكعبول / ماعليك فيه واحد أعرفه يبي يأمّنا بالبضاعه من ناحية الحبوب والحشيش وكل مانبي منه. ابوجلجول / وانا ويش يبي يطلع لي من المشروع هذا.. ابوكعبول / ماعليك النصف بالنصف قول تم وخلينا اتصل على هالواحد ونخليه يجهّز لنا البضاعه.. ابوجلجول / خلاص اتفقنا..وموعدنا كل يوم بهالإستراحه.. مدهال / يالله بكرا عندي امتحان ولاذاكرت لازم اتصل على زميلي زلزال يساعدني ويتصل على زلزال ..الو...الو... زلزال / يرد اهلين مدهال كيفك وكيف الإمتحانت معك.. مدهال / والله يازلزال ضايق صدري ابيك تجي لمّي ونذاكر سوى ويش قلت.. زلزال / ابشر ياخوي ولا يهمك نصف ساعه وأكون عندك بمشيئة الله.. مرعيّه / تتصل على عفريه وعلى منسيه ويش رايكن يابنات اليوم نجتمع مع بعض ونذاكر سوى... منسيه / بس انا ماقدر اطلع ماعندي أحد يجيبني.... مرعيه / خلاص أجل أجي انا وعفريه عندك ونساعد بعض بالمذاكره.. منسيه / خلاص الله يحييكن البيت بيتكن.؟؟؟؟انتهى الجزء..اعطونا توقعاتكم للجزء القادم لغز الجزء رقم(1) مدينه عاصمه لمنطقه بدوله عربيه يتكو اسمها من (5)حروف فماهي؟ 4 -2 -1 = بمعنى طرق. 5 - 4 - 1 = يوجد بالعين. 2 -3 - 4 = مبيد حشري. يالله شدوا حيلكم وموفقين باذن الله. حقوق الطبع محفوظه للسحاب(الساري)