منتديات تراتيل شاعر - مافي حاجة تستحق الحسايف

توي عرفت أجمل حقيقه بهالكون
‏جرب تعيش بظرف و أصعب مواقف
‏
‏تلقى كثير من عيونك يطيحون
‏و تلقى أكيد إنسان ما زال واقف

‏لا تصادق بخيل ولا تخاوي زعول
‏ولا تجادل سفيه ولا تعاند خبل
‏
‏ألتزم ب النزاهه و أحترام العقول
‏و كان هبت عليك الريح خلك جبل

‏يجلس معك و يشارك ب القناعات
‏و يلعب معك بسم الغـلاا و الإخوة
‏
‏روتيين يومي ب انتهاز العلاقات
‏و ليياا مشى منك يحطـك عـدوه

‏يا حبيبي .. صاروا أحبابك كثار
‏و أنا ما أحب اللي ينطال بسهولة
‏
‏أنا حتى الشعر عفته .. يوم صار
‏اللي يسوى و اللي ما يسوى يقوله

‏أحدٍ اذا مديت له طيبك يغيب
‏ما تملي .. عيونه كباار الفعآيل

‏واحدٍ يموت إن كآن سويت به طيب
‏يخاف .. ما يقدر يرد الجمايل

‏من عف كف و من تألم تعلم
‏و من عاش ب الواقع ما تغيره الاحلام
‏
‏ما يندم الساكت كثر من تكلم
‏ولا يامن العاقل صواديف الايام

‏عـود لسانك يـ ابن ادم *بالاذكار *
‏بالحمد و التسبيح تلقى علاجك
‏
‏اصبر ع دنياك و أرضا ب الاقدار
‏ذكر العزيز النور يضوي سراجك

‏لا تستحي مني ليا شفت بي عيب
‏و تروح تحكي به مع آللي حكآ بي
‏
‏آللي منعك تقدم آلنصح ب آلطيب
‏يمنعك من هرج القفاا في غيآبي

‏ياما وقفت بوجه الايام ما طحت
‏و ياما وثقت بناس ورالناس طاحوו
‏ً
‏مشيت بزالدنيا و تعلمت و أرتحت
‏أهل المصالح لاخذو شيء راحوا

‏تعيش و تموت ما شفت الخطا مني
‏أرقى عن الهون وأخلاقي بعد ترقى
‏
‏لا عاد ترسل مراسيلك وتحزني
‏من يبغي القرب ما لمح على الفرقى

‏الغيآب أتعس موآعيد الطريق
‏و جآي تسأل وش يعني لي الغيآب
‏
‏بآب دمع ، و بآب خوف ، و بآب ضيق
‏و أنت أحسب ( للموآجع ) كم بآب

‏الستر ي الله و العفو و رضوانك
‏و الرحمه و ودك و طيب إحسانك
‏
‏و الحمد لك و الشكر و لك المنه
‏ي الواحد الديان ما أعظم شأنك

‏قانع من الدنيا مثل ما أنت شايف
‏لو هي تجي و تقول طب و تخير
‏
‏ ما فيه حاجة تستحق الحسايف
‏غير الرفيق الطيب إليا تغير